Filipi 3:6 - Buku Tomoroli' Pojanci to Bo'u

⁶ Nto'u toe mantata' mpu'u petuku'-ku hi agama Yahudi, duu'-na ngasa'-a mposesa'-ra topetuku' Yesus. Kutuku' butu nyala parenta to hi rala Atura Musa, uma ria to kutiboki-na.

Filipi 3:6 Iomraidhean Croise

Matius 23:25

”Silaka-koi, guru agama pai' to Parisi! Lompe' hi mali-na-wadi-koi! Koi' hewa tauna to mpobohoi' sangkiri' pai' piri hi mali-na-wadi, hiaa' hi rala-na babo' moto. Ada agama to kahiloa hi mali-na-wadi nituku' lia. Hiaa' hi rala nono-ni jampa pai' mpokahina anu doo-koi.

Matius 5:20

Jadi', ku'uli'-kokoi: ane uma-koi jadi' monoa' hi poncilo Alata'ala, bate uma-koi jadi' ntodea-na hi rala Kamagaua'-na. Pai' kamonoa'-ni tetu kana meliu ngkai kamonoa'-ra guru agama pai' to Parisi.

Lukas 1:6

Tau hancamoko toera, monoa' ingku-ra hi poncilo Alata'ala, apa' ratuku' hawe'ea parenta pai' atura Pue' hante uma ria kasalaia'-na.

Suro 21:20

Kara'epe-na pangkeni hi Yerusalem lolita Paulus tohe'e, ra'une'-mi Alata'ala. Ngkai ree, ra'uli'-mi mpo'uli'-ki Paulus: ”Hewa toe, ompi': bona nu'inca, moncobu–ncobu-mi ompi'-ta to Yahudi to mepangala'-mi hi Yesus. Hira' toe, paka' to mpotuku' Atura Musa hante nono mpu'u.

Suro 22:5

Imam Bohe moto pai' hawe'ea pangkeni agama ma'ala mposabii' ka'uma-ku boa'. Apa' hira' toe-mi wengi to mpowai'-a sura kuasa hilou hi ompi'–ompi'-ta to Yahudi hi ngata Damsyik. Patuju-ku hilou hi Damsyik toe, mpohoko' topetuku' Yesus to hi ria, kuhoo' pai' kukeni nculii' tumai bona rahuku'.

Suro 26:5

Mahae moto-mile ra'inca gau'-kue. Ane dota-ra, hira' moto ma'ala mpotutura dala ngkatuwu'-ku ngkai lomo'-na, ka'aku'-na tohe'i mpotuku' tudui' to Parisi, to mantata' mpu'u petuku'-ra hi hawe'ea ada agama Yahudi.

Suro 8:3

Hiaa' Saulus-hana, ngasa' mpu'u-i mpobalinai' tauna to mepangala' hi Pue' Yesus. Butu–butu ntomi-na napesua', pai' hema–hema to mepangala' hi Yesus, lompe' tomane lompe' tobine, nahoko' nadii' hilou hi mali-na pai' natonu hi topoparenta bona ratarungku'.

Roma 7:9

Ri'ulu kako'ia-na ku'incai Atura Pue', ku'uli' lompe' moto katuwu'-ku. Ntaa' we'i, kampo'epe-ku Atura Pue', mehupa' lau-mi jeko' to hi rala nono-ku,

1 Korintus 10:32

Neo' mpobabehi napa–napa to mpopanawu' doo, ba to Yahudi-ra ba bela-ra to Yahudi ba hingka doo-ta to Kristen to napobagia Alata'ala.

1 Korintus 15:9

Apa' aku' suro Pue' Yesus to tepatu'ai lia tuwu'-ku ngkai hawe'ea suro-na. Kakoo–kono-na, uma-a natao rahanga' suro-na, apa' ri'ulu kubalinai'-ra topetuku' Alata'ala.

Filipi 2:15

bona monoa' hi hawe'ea tauna ka'ana'-na Alata'ala mpu'u-koi, to uma ria kasalaia'-ni, to tuwu' moroli' pai' uma ria patuju-ni to dada'a. Hewa betue' mehini hi rala kabengia-na, wae wo'o koi' hi laintongo' tauna to bengku' pai' dada'a nono-ra,

Filipi 3:9

pai' mposidai'-ki. Alata'ala mpo'uli' kamonoa'-ku hi poncilo-na, bela ngkai petuku'-ku hi Atura Musa, tapi' ngkai pepangala'-ku hi Kristus. Aku' jadi' monoa' hi poncilo Alata'ala, bela ngkai po'ingku-ku, tapi' muntu' ngkai Alata'ala-hana, apa' mepangala'-a.

1 Timotius 1:13

Ri'ulu-a mporuge' Yesus, ngasa' mpu'u-a mpobalinai' topetuku'-na. Aga nau' wae, napoka'ahi' moto-a, apa' nto'u toe ko'ia-a-kuwo mepangala' hi Hi'a, jadi' uma ku'incai kalaua-na napa to kubabehi.