Filipi 3:2 - Buku Tomoroli' Pojanci to Bo'u

² Mo'inga'–inga'-koi hi tauna to mpokeni tudui' to dada'a, kehi-ra hewa dike' to mau. Doko'-ra mpewuku-koi ratini' ntuku' Atura Musa. Neo'-ra nipangalai'! Apa' bela ngkai karatini'-ta pai'-ta jadi' monoa' hi poncilo Alata'ala.

Filipi 3:2 Iomraidhean Croise

Matius 24:10

Wori' tauna ngkala'ura ngkai petuku'-ra hi Aku'. Ria to mpewai' doo-ra hi bali'-ra. Wori' tauna momepokahuku'.

Matius 7:15

”Mo'inga'–inga'-koi, apa' ria tauna to mpo'uli', nabi-ra. Ntaa' boa'-radi. Hiloa-ra hewa tauna to mepangala' hi Alata'ala. Tapi' patuju-ra doko' mpokero pepangala' doo-wadi.

Matius 7:6

”Anu to moroli' neo' rawai'-ki dike', nee–neo' mpai' tumai nahoko' lau-ta-wadi. Anu to masuli' oli-na neo' rarora-ki wawu, apa' na'ihe' mara-wadi-hana.

Roma 2:28

To Yahudi to jadi' ntodea Alata'ala mpu'u, bela tauna to jadi' to Yahudi ngkai kaputu-ra, bela wo'o to ratini' wotoloka'-ra-wadi.

2 Korintus 11:13

Tauna to hewa tetura lou, suro to boa'. Mobago-ra hi laintongo'-ni, ntani' hewa suro Kristus mpu'u-ra, ntaa' topebagiu-radi!

Galatia 5:13

Alata'ala mpokio'-ta jadi' ana'-na, bona tebahaka-tamo. Aga neo' ta'uli' hewa toi: ”Ane tebahaka mpu'u-ta ngkai Atura Musa, ma'ala-ta mpobabehi napa konoa-ta.” Neo' ompi'! Kana momepoka'ahi' pai' mometulungi-ta hadua bo hadua.

Galatia 5:15

Hiaa' ane ntora motuda' pai' momehingki'-koi, pelompehi-e', himpau silaka-koi mpai'.

Galatia 5:6

Ane mosidai'-ta-damo hante Kristus Yesus, ba ratini'-ta ba uma, uma-pi beiwa. Poko-nale, mepangala' hi Yesus, pai' pepangala'-ta toe incana ane ma'ahi'-ta hi doo.

Filipi 3:19

Tauna to hewa toe bate mporata silaka hi rala naraka. Konoa woto-ra moto, toe-mi to rapue'. Gau'-ra to me'eai', toe-mi to rapomobohe-ki nono-ra. Katuwu'-ra to hi dunia' toi, toe-wadi to rapoinono.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

1 Timotius 1:19

Perohoi pepangala'-nu, pai' babehi oa' gau' to lompe' hewa to nu'inca hi rala nono-nu. Ria ba hangkuja dua tauna to uma-pi mposaile' hawe'ea toe, alaa-na mokero-mi pepangala'-ra.

Titus 1:16

Ra'uli'-rana, ra'inca moto-i Alata'ala, ntaa' monoto-midi kaboa'-rae, apa' po'ingku-ra uma mpotuku' konoa-na. Babo' lia kehi-ra hi poncilo-na. Uma-ra dota rahawai', pai' uma rakulei' mpobabehi kehi napa–napa to lompe'.

2 Petrus 2:22

Ria lolita rapa' to mpo'uli' hewa toi: ”Dike' ngkoni' nculii' koja'-na, wawu to teniu'-mi hilou motampo' nculii' hi rege'.” Lolita toe bate soso' mpu'u hi tauna toera, apa' rakanculihii-rana kadada'aa to rapalahii-mie wengi.

Pangila 2:9

Na'uli': Ku'inca kaparia to mporumpa'-koi, ku'inca kakabu-ni–aga kakoo–kono-na mo'ua'-koi hi rala pepangala'-ni. Ku'inca lolita peruge' to raruge'-kokoi tauna to mpo'uli' katoYahudi-ra. Aga kakoo–kono-na, bela-ra to Yahudi hi rala nono-ra, topetuku' Magau' Anudaa' lau-radi.

Pangila 21:8

Aga tauna to me'eka' mpotuku'-a ba to uma mepangala', tauna to dada'a gau'-ra, topepatehi, to mogau' sala', topedoti, to mpopue' pinotau, pai' hawe'ea to moboa', bate rahuku' omea-ra hi rala tahi' apu to wewo' pai' morea'. Toe-mi to rahanga' kamatea karongkani-na.”

Pangila 22:15

Aga tauna to dada'a, topedoti, to mogau' sala', to mepatehi, to mepue' hi pinotau, tauna to moboa' pai' tauna to mpokono to boa'–hawe'ea tauna toera, uma-ra rapiliu mesua' hi rala ngata toe.

Pangila 3:9

Ane tauna to mpo'uli' katoYahudi-ra tetura, boa'-ra-wadi. Bela-ra to Yahudi hi rala nono-ra; topetuku' Magau' Anudaa'-radi. Tauna toera hantongo' kukeni tumai hi koi'. Mowilingkudu-ra mpai' hi nyanyoa-ni, pai' ra'uli'-kokoi: ’Napoka'ahi' mpu'u-koi-tano Alata'ala-e!’