Filipi 3:12 - Buku Tomoroli' Pojanci to Bo'u

¹² Ompi'–ompi', uma ku'uli' kakurata-na mpu'u-mi hawe'ea toe, duu'-na moroli'-ama hante uma-pi ria jeko'-ku. Uma-kuwo. Aga kuhuduwukui bona kurata hawe'ea toe, bona jadi' moroli' mpu'u-a–apa' toe-mi pai' napelihi-a Kristus Yesus jadi' bagia-na.

Filipi 3:12 Iomraidhean Croise

Matius 5:48

Kita' kana lompe' po'ingku-ta hante uma ria ruke–ruke-na, hewa po'ingku-na Alata'ala Tuama-ta to hi rala suruga.

Suro 9:15

Na'uli' Pue' mpo'uli'-ki Ananias: ”Bate hilou-ko! Apa' Saulus toei ria, tungkai' kupelihi jadi' topobago-ku. Hi'a mpai' to mpoparata hanga'-ku hi to Yahudi pai' hi tauna to bela-ra to Yahudi, duu' hi magau' wo'o.

1 Korintus 13:10

Aga ane rata-damo mpai' tempo-na Alata'ala mpakahono' hawe'ea-na, uma-pi taparaluu pakulea' to uma hono' toe we'i lau.

1 Korintus 13:12

Apa' tempo toi, kita' hewa tauna to mponaa lence hi pampewao' to mogawu, apa' ko'ia ta'incai hawe'ea-na hante kanoto–noto-na. Mpeno-damo pai' lako' tapaha hawe'ea-na, apa' tahilo-i Alata'ala wingke–ngkawingke. Tempo toi, ko'ia hono' pe'inca-ku. Mpeno-damo pai' lako' ku'inca mpu'u, hewa Alata'ala wo'o mpo'inca-a.

1 Korintus 9:24

Ompi'–ompi', ha uma ni'incai ane tauna to motanta' mokeno, mokeno omea moto-ra, aga hadua-wadi to mporata parasee. Koi' wo'o ompi' kana mo'ingku-koi hewa tauna to mpohuduwukui mokeno: huduwukui-koi mpotuku' konoa Alata'ala duu'-na mporata-koi parasee-ni.

2 Korintus 13:9

Goe' nono-kai nau' lente-kai, asala koi'-mi to moroho. Mosampaya-kai bona monoto nono-ni mpotuku' Pue'.

2 Korintus 7:1

Jadi', ompi'-ku to kupe'ahi', apa' lawi' ria-taka janci Alata'ala toe-e, wae-pi, kana tabahaka hawe'ea to mpakada'a-ta, lompe' to kahiloa, lompe' to hi rala nono-ta. Kana tatuku' Alata'ala hante nono-ta mpu'u, pai' tapoka'eka' mpobabehi to uma napokonoi.

Galatia 5:17

Apa' kahinaa nono to dada'a mosisala hante konoa Inoha' Tomoroli', pai' konoa Inoha' Tomoroli' mosisala hante kahinaa nono to dada'a. Ane tatuku' to hanyala, uma tatuku' to hanyala-na. Ane tatuku' konoa Inoha' Tomoroli', uma tababehi kada'aa to hi rala nono-ta.

Efesus 1:4

Kako'ia-na dunia' toi rapajadi', napelihi ami'-tamo jadi' mosidai' hante Kristus, bona kita' jadi' bagia-na to uma ria kasalaia'-na hi poncilo-na.

Efesus 4:12

Nabagi-taka rasi' toe bona hawe'ea topetuku'-na rarewai hono', bona tapakule' mpewili' bago-na pai' bona kamoroo–rohoa posidaia'-ta hante Hi'a pai' hi himpau ompi' hampepangalaa'-ta hi rala Woto Kristus.

Filipi 1:1

Sura toi ngkai aku' Paulus pai' Timotius, batua Kristus Yesus, kipakatu tilou hi koi' ompi'–ompi' hampepangalaa'-kai hi rala Kristus Yesus to hi ngata Filipi, duu'-na hi pangkeni-ni pai' tauna to mpokamu pobago Pue' hi laintongo'-ni.

Filipi 3:16

Sampale-di, napa-hawo to ta'inca-mi, toe to kana tatuku'.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

Filipi 3:8

Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus,

1 Tesalonika 5:15

Ane ria to mogau' dada'a hi kita', neo' tapehawai hante gau' to dada'a wo'o. Agina-pi tababehi oa' to lompe' hi doo-ta pai' hi hawe'ea tauna.

2 Tesalonika 2:13

Jadi', ompi'–ompi' to nape'ahi' Pue', toto-na lia-kai mpo'uli' tarima kasi oa' hi Alata'ala sabana koi'. Apa' napelihi-mokoi ngkai lomo'-na bona tehore-koi ngkai huku' jeko'-ni. Tehore-koi ngkai huku' jeko'-ni toe, hante kuasa Inoha' Tomoroli' to mpopajadi'-koi bagia Alata'ala to moroli', pai' hante pepangala'-ni hi kareba to makono.

1 Timotius 5:10

Kana to monoto kalompe' gau'-ra, rapa'-na: mpewili' lompe' ana'-ra, jole' mpopehani toliu, mpotulungi ompi'–ompi' hampepangalaa'-ra, mpojampangi tauna to hi rala kasusaa', pai' biasa mpobabehi butu nyala pobago to lompe'. Tobalu to hewa toe-mi to natao rapewili' ompi'–ompi' hampepangalaa'.

1 Timotius 6:19

Apa' ane lompe' po'ingku-ra hewa toe, ma'ala-mi ta'uli': mporumpu-ra rewa to lompe' hi rala suruga, to ma'ala rasarumaka hi eo mpeno-na, pai' mporata-ra katuwua' to lompe' mpu'u.

Ibrani 12:14

Kana tuwu' hintuwu'-koi hante hawe'ea tauna. Huduwukui-koi bona tuwu' moroli', apa' uma hema to mpohilo Pue' ane uma-ra moroli'.

Ibrani 12:23

Mponyanyo-koi poromua ana'–ana' ulumua' Alata'ala, to te'uki'-mi hanga'-ra hi rala suruga. Mponyanyo-koi Alata'ala, Topohura to mpobotuhi kara–kara hawe'ea manusia'. Mponyanyo-koi tauna to mate-mi owi, to monoa' po'ingku-ra pai' to rapomoroli'-mi.

Ibrani 13:21

kuperapi' bona narewai hono'-koi hante butu nyala to lompe', bona ma'ala-koi mpobabehi konoa-na. Kuperapi' bona hante petauntongoi'-na Yesus Kristus, Alata'ala mobago hi rala nono-ta, mpobabehi napa to napokono. Une'-imi duu' kahae–hae-na. Amin.

Yakobus 3:2

Kita' omea pontu-na hala' mpo'ingku. Ane rapa'-na ria tauna to uma hala' mpo'ingku hi pololita-ra, hira' toe-mi tauna to moroli'. Ma'ala-ra mpokuasai hawe'ea kahinaa nono-ra.

1 Petrus 5:10

Pai' ane timpaliu-damo kaparia to hangkale'liu toe-e, Alata'ala moto mpakahono' to kura' hi koi': batua-na, narohoi, napomonoa' pai' napakatida-koi. Apa' Hi'a-mi pehupaa' hawe'ea ahi'. Hi'a to mpokio'-koi jadi' ana'-na, bona ngkai posidaia'-ni hante Kristus, mporata-koi bagia hi rala kabohe tuwu'-na to uma ria kahudua-na.

2 Petrus 3:18

Donihii lau-mi petuku'-ni hi Pue'-ta Yesus Kristus, Magau' Tompohore-ta ngkai huku' jeko'-ta, bona nirasai mpu'u ahi'-na. Pai' donihii wo'o pe'inca-ni mpo'inca-i. Une'-imi wae lau duu' kahae–hae-na. Amin.