Filipi 3:11 - Buku Tomoroli' Pojanci to Bo'u

¹¹ bona rapotuwu' nculii' wo'o-a-kuwo mpai' ngkai kamatea.

Filipi 3:11 Iomraidhean Croise

Lukas 14:14

Ane wae pobabehi-ta, Pue' Ala mpogane'-ta mpai', apa' tauna to hewa toe uma mpokulei' mpohiwili kehi-ta. Kehi-ta tetu nahiwili moto mpai' Pue' Ala hi Eo Kiama, nto'u kanapotuwu'-ra nculii' tauna to monoa' hi poncilo-na.”

Yohanes 11:24

Na'uli' Marta: ”Io', to ku'inca-le, memata moto mpu'u-i mpai' hi Eo Kiama, nto'u hawe'ea tomate rapopemata.”

Suro 23:6

Na'inca-hawo Paulus, topohura toera, ria-ra to mpotuku' tudui' to Saduki, ria wo'o-ra to mpotuku' tudui' to Parisi. Toe pai' napesukui mpololitai-ra omea, na'uli': ”Ompi'–ompi'! Aku' toi-le to Parisi-a, pai' muli to Parisi wo'o-a. Pai'-a tumai rapohurai tohe'i-e, apa' kuparasaya-kuna, tauna to mate bate tuwu' nculii'.”

Suro 27:12

Jadi', apa' uma mpu'u-hawo lompe' pehania toe napento'oi kapal nto'u tempo lengi', toe pai' wori' to mpo'uli', agina kipalahii lau-mi pehania toe, pai' kipekukuhi bona rata-kai hi ngata Feniks mpopea katimpaliu-na tempo lengi'. Feniks tohe'e, pehania kapal hi Kreta to lompe' rapehanii nto'u tempo lengi', apa' teleru hala' ngkai ngolu'.

Roma 11:14

Ngkai bago-ku toi, meka' ria mpai' hingka to Yahudi-ku to mehina mpohilo tauna to bela-ra to Yahudi mepangala' hi Pue' Yesus, alaa-na mepangala' wo'o-ramo-rawo hi Pue' Yesus, pai' tehore-ra ngkai huku' jeko'-ra.

1 Korintus 15:23

Aga hore–hore pomeduncu-na: To lomo'-na tuwu' nculii', Kristus. Pai' hi karata-na nculii' hi rala dunia', lako' rapotuwu' nculii' wo'o-rada tauna to napobagia.

1 Korintus 9:22

Ane kupodohe-ra to ko'ia moroho pepangala'-ra, mo'ingku-a hewa hira', bona kutulungi-ra mpotuku' Kristus. Hi hawe'ea tauna tungkai' kubalii' po'ingku-ku, bona ane rii–ria ohea-na kana ma'ala-ra kukeni hi Kristus, nau' ba kampa' hantongo'-ra-wadi.

1 Korintus 9:27

Mpolati-a woto-ku, mpokuasai-a konoa-ku moto. Nee–neo' mpai' ka'oti-ku mpopalele Kareba Lompe' hi tau ntani'-na, aku' lau-mi to uma mporatai parasee.

2 Korintus 11:3

Aga koro'-a toi-e, nee–neo' mpai' ria to mpobagiu-koi alaa-na uma-koi tida mepangala' hi Kristus hante karoli'–roli' nono-ni. Hewa Hawa owi nasori ule hante lolita-na to mo'olu, wae wo'o ria to doko' mposori-koi mpotuku' tudui' to mosisala hante pepangala'-ni hi Kristus.

1 Tesalonika 3:5

Jadi', toe-die pai' kuhubui-i Timotius tilou-e, bona ku'inca kabeiwa-na pepangala'-ni, apa' uma mpu'u-pi kudadahi kalentora-ku. Pai' koro'-a, nee–neo' nasori Magau' Topesori-koi duu'-na napanawu'-koi pai' uma-pi ria kalaua lenge'-kai mpokeni Kareba Lompe' hi koi'.

2 Tesalonika 2:3

Nau' ba beiwa mpu'u-mi lolita doo, neo'-koi ma'ala rabagiu. Apa' kako'ia-na rata eo toe, to ronyala toi ulu kana jadi': wori' tauna ngkala'ura ngkai pepangala'-ra, pai' mehupa'-mi hadua tauna to dada'a to mpo'ewa Alata'ala. Tauna to dada'a toei, molangko nono-na, mpopeliu tuwu'-nai ngkai hawe'ea to rapue' hi dunia'. Pai' daho'-i-hana mohura hi rala Tomi Alata'ala, mpo'uli' kahi'a-nami Alata'ala. Jadi', monoa' ami'-mi karatadi-na hi naraka.

2 Timotius 4:8

Jadi' hewa toe lau, rodo-mi parasee pedagia-ku hi suruga, apa' kutuku'-mi konoa Pue'. Nawai'-a parasee toe hi Eo Kiama, nto'u napohurai kara–kara hawe'ea tauna hante kanoa'–noa'-na. Pai' uma muntu' aku'-wadi to mporata parasee toe-e. Nawai' wo'o-ra hawe'ea tauna to mpoka'ahi'-i pai' to mpopea karata-na nculii'.

Ibrani 11:35

Ngkai pepangala'-ra, tobine–tobine mporata nculii' ana'-ra to mate-mi, rapotuwu' nculii'-raka. Aga ria wo'o-ra to rasesa' sabana pepangala'-ra duu'-ra mate, uma-ra dota rabahaka, apa' doko' rapotuwu' nculii'-ra pai' mporata katuwua' to meliu kalompe'-na.

Pangila 20:5

Toe-mi pemataa to lomo'-na hi tauna to mate. Aga tauna tomate ntani'-na, uma-ra ulu rapotuwu' nculii' rala-na to hancobu mpae toe.