Filipi 3:10 - Buku Tomoroli' Pojanci to Bo'u

¹⁰ Kahinaa-ku mpu'u, doko' ku'inca-i-kuna Kristus, doko' kurasai baraka' to mpotuwu'-i nculii' ngkai kamatea. Doko' kurata kaparia hewa to narata, duu'-na ba mate-a hibalia hante Hi'a,

Filipi 3:10 Iomraidhean Croise

Matius 20:23

Na'uli' Yesus: ”Makono mpu'u, bate nikolo mpai' kaparia hewa to kukolo. Aga hema to mohura hi mali ka'ana-ku pai' hi mali ki'ii-ku, bela Aku' to mpakatantu. Tuama-ku-hana to mpakatantu hema to mporata bagia tetu.”

Yohanes 10:18

Uma ria haduaa to mpatehi-a ane uma konoa-ku. Ku'agi mate hante karoli'–roli' nono-ku. Ria kuasa-ku mpewai' tuwu'-ku bona rapatehi, pai' ria wo'o kuasa-ku tuwu' nculii'. Toe-mi hawa' to kutarima ngkai Tuama-ku.”

Yohanes 17:3

Ane ra'inca-ko Mama, ka'Iko-na Alata'ala to makono to uma ria karodua-na, pai' ane ra'inca Yesus Kristus suro-nu, toe-mi ohea-ra mporata katuwua' to lompe' duu' kahae–hae-na.

Roma 8:17

Jadi', ane ntoa' ana' Alata'ala-ta-damo, monoa' wo'o-mi kamporata-ta mpai' rasi' to naporodo-mi Alata'ala hi ana'-na. Tarata rasi' toe hangkaa–ngkania hante Kristus. Apa' hi rala dunia' toi, kita' rabalinai' hibalia hante Kristus, pai' hi eo mpeno-na mporata wo'o-ta kabohe tuwu' hibalia hante Hi'a.

Roma 8:29

Apa' ngkai lomo'-na na'inca ami'-mi Alata'ala hema-ra to napelihi jadi' ana'-na. Pai' napakatantu ami' bona hira' toe napopohibalia hante Yesus, bona Yesus jadi' Ana' Ulumua', pai' kita' to wori' jadi' tu'ai-na.

Roma 8:36

Te'uki' hi rala Buku Tomoroli' owi hewa toi: ”O Pue', uma ria kaputua tauna doko' mpopatehi-kai sabana petuku'-kai hi Iko. Kai' toi-e raponcawa porewua to rapodoo bona rasumale'.”

2 Korintus 1:10

Jadi', ompi'–ompi', nabahaka mpu'u-makai ngkai kasusaa' to gaga toe wengi, duu'-na uma-waka-kaiwo mate. Pai' bate nabahaka wo'o-kai mpai' ngkai kasusaa' to majadi' tempo toi-e. Pai' kisarumaka nabahaka-kai ngkai kasusaa' to majadi' hi eo–eo to rata.

2 Korintus 1:5

Kaparia to narata-mi Kristus, wori' wo'o to kirata kai'. Aga wori' wo'o-mi karohoa nono to kirata ngkai Kristus.

2 Korintus 13:4

Lente mpu'u-ile wengi Kristus nto'u karaparika'-nae. Aga tuwu' nculii'-imi sabana karohoa to ngkai Alata'ala. Kai' wo'o ompi', lente wo'o-kai hangkaa–ngkania hante Kristus. Aga ngkai karohoa-na Alata'ala, bate mporata-kai katuwua' to bo'u hangkaa–ngkania hante Kristus. Jadi' ane rata-a mpai' ompi', nihilo moto karohoa to nawai'-kakai Alata'ala toe.

Galatia 2:20

Bela-pi aku' to tuwu' toi-e, Kristus-mi-hanale to tuwu' hi rala katuwu'-kue. Jadi', kahae-ku hi rala dunia' toi, bate mepangala'-a hi Ana' Alata'ala to mpoka'ahi'-a pai' to mpewai' woto-na rapatehi mposampei-a.

Galatia 6:17

Ka'omea-na, kuperapi' bona neo'-pi ria tauna to mposusai'-a. Apa' rari' webaa' to hi woto-kue, tanda ka'aku'-nami batua Pue' Yesus.

Efesus 4:13

Nabagi-taka rasi' toe, duu'-na rata mpai' tempo-na kita' omea jadi' hanono lau-ta-damo apa' kita' omea mpo'inca pai' mpopangala' Ana' Alata'ala. Kamoroo–rohoa pai' kamonoo–notoa-tamo, duu'-na uma-pi ria kakuraa'-ta, hibalia hante Kristus-tamo.

Filipi 3:8

Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus,

Kolose 1:24

Hewa toe lau ompi', goe' moto-a mpokolo kaparia sabana pobago-ku mpotulungi-koi. Apa' ria-pidi kaparia to kana kutodohaka sabana pobago-ku hi Kristus, pai' kaparia to kurata tempo toi, kurata sabana pobago-ku hi hawe'ea topepangala' hi Kristus. Kita' omea to mepangala' hi Kristus ma'ala rarapai'-ki woto-na.

Kolose 2:13

Ri'ulu, kako'ia-ni mepangala' hi Kristus, hewa to mate-pidi-koi, apa' mpotiboki-koi hawa'-na Alata'ala, pai' uma-koi ratini' ntuku' ada agama Yahudi apa' bela-koi to Yahudi. Aga nau' wae, koi' to ri'ulu hewa to mate sabana jeko'-nie, napotuwu' nculii'-mokoi hangkaa–ngkania hante Kristus ngkai posidaia'-ni hante Hi'a, pai' na'ampungi-mi hawe'ea petiboki-ni.

Kolose 3:1

Kita' to mepangala' hi Kristus, ma'ala ta'uli' rapotuwu' nculii'-tamo hangkaa–ngkania hante Kristus, apa' Alata'ala mpowai'-ta katuwua' to bo'u ngkai posidaia'-ta hante Hi'a. Jadi', apa' rapotuwu' nculii' mpu'u-tamo hangkaa–ngkania hante Kristus-e, kana tapali'-mi napa to hi suruga, hi kariaa-na Kristus mohura hi mali ngka'ana Alata'ala.

1 Petrus 1:3

Mai-tamo mpo'une' Alata'ala, Tuama-na Pue'-ta Yesus Kristus! Ngkai pe'ahi'-na to bohe, nawai'-tamo katuwua' to bo'u, pai' katuwua' to bo'u toe tarata ngkai katuwu'-na nculii' Yesus Kristus. Toe pai' moroho poncarumaka-ta.

2 Petrus 1:13

Apa' ku'inca neo' rata-mi ioa'-ku, hewa to na'uli'-ka Pue'-ta Yesus Kristus. Jadi', ane da tuwu'–tuwu'-a-pidi, masipato' ku'uli' oa' lolita-ku mpo'apui nono-ni pai' mpopokiwoii-koi hawe'ea toe lau.

1 Yohanes 2:3

Ane tatuku'-mi hawa' Alata'ala, toi-mi pompetonoi-na bona ta'inca kata'inca-na mpu'u-imi.

1 Yohanes 2:5

Tauna to mpotuku' lolita Alata'ala, hira' toe-mi to mpoka'ahi' Alata'ala mpu'u–mpu'u. Toi-mi pompetonoi-na bona ta'inca kahintuwu'-ta hante Alata'ala.

Pangila 1:18

Aku' to tuwu'. Mate-a owi, aga tuwu' nculii'-ama, pai' oi-ama, tuwu' liu–liu-ama. Aku' to mpokuasai kamatea pai' po'ohaa' tomate.