Filipi 3:1 - Buku Tomoroli' Pojanci to Bo'u

¹ Wae-pi ompi'–ompi', kana goe'-koi apa' lawi' mosidai'-mokoi hante Pue'. Uma kupemokoroi mpohulii' hi rehe'i napa to ku'uki'-mi ri'ulu. Apa' doko' kupopo'ingai'-koi bona neo' mpai' ria to mpobagiu-koi hante tudui'-ra to sala'.

Filipi 3:1 Iomraidhean Croise

Matius 5:12

Nabi–nabi to owi, rabalinai' wo'o-ra-rawo hewa toe. Jadi', pakagoe'-mi nono-ni, apa' bohe mpai' rasi' to nirata hi rala suruga.

Lukas 1:47

Goe' lia-a, apa' Alata'ala Magau' Tompohore-a ngkai huku' jeko'-ku.

Roma 5:11

Pai' uma muntu' toe, goe' nono-ta mpokagoe' posidaia'-ta hante Alata'ala to tarata sabana Pue'-ta Yesus Kristus. Apa' ngkai Yesus Kristus toe, hintuwu'-tamo hante Alata'ala.

2 Korintus 13:11

Ka'omea-na ompi', kana goe'-koi. Pakanoto petuku'-ni hi Pue', pakaroho nono-ni hante paresa'-ku, hanono lau-mokoi pai' tuwu' hintuwu'. Pai' Alata'ala mpodohei-koi: napopohiloi-koi ahi'-na pai' nawai'-koi kalompea' tuwu'.

Efesus 6:10

Ka'omea-na ompi', kana moroho-ta hante karohoa to tarata ngkai kabaraka'-na Pue', lawi' mosidai'-tamo hante Hi'a.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

Filipi 4:4

Ompi'–ompi', kana goe' oa'-koi, apa' mosidai'-mokoi hante Pue'. Hangkani-pi ku'uli': pakagoe' ncuu nono-ni.

Filipi 4:8

Ka'omea-na ompi', kuperapi' bona nipenonoi oa' napa–napa to lompe' pai' to natao ra'une'. Napa to makono, napa to masipato', napa to monoa', napa to moroli', napa to ncola, pai' napa to lompe' ra'epe doo, toe-mi to nipenonoi.

1 Tesalonika 4:1

Ka'omea-na ompi', kiperapi' bona nituku' hawa'–hawa' to ni'epe-mi ngkai kai', bona po'ingku-ni mpotuku' konoa Alata'ala. Kakoo–kono-na, lompe'-mi po'ingku-ni toe lau. Aga hante kuasa to nawai'-kakai Pue' Yesus, kiperapi' pai' kiparesai' mpu'u-koi bona nidonihii tena-pidi kalompe' po'ingku-ni toe-e.

1 Tesalonika 5:16

Kana goe' ncuu-ta,

Yakobus 1:2

Ompi'-ku hawe'ea! Ane wori' nyala kasusaa' pai' pesori to mporumpa'-ta, neo' tapopeda' nono, agina tapokagoe' lau-wadi.

1 Petrus 3:8

Ka'omea-na, tuwu' hintuwu'-ta omea, hameha' hawa' pai' hanono lau, momepoka'ahi' hewa to ntali ompi', lompe' nono pai' mpakadingki' nono hi doo.

1 Petrus 4:13

Pokagoe' lau-mi-hana, apa' lawi' mporata-mokoi bagia hi rala kaparia to narata-mi Kristus. Ngkai toe-mi ompi', ane rata-damo tempo-na Kristus mpopehuwu kabohe tuwu'-na hi hawe'ea tauna, uma mpai' mowo kagoe'-ni.

2 Petrus 3:1

Ompi'–ompi' to kupe'ahi'! Toi sura-ku karongkani-na hi koi'. Rala sura-ku to rontau toi, ku'apui nono-ni hante mpopokiwoii-koi tudui' to makono, bona moroli' pekiri-ni.