Filipi 2:9 - Buku Tomoroli' Pojanci to Bo'u

⁹ Toe-mi pai' Alata'ala mpo'ongko'-i hi pohuraa to molangko lia, pai' nawai'-i kuasa to meliu ngkai hawe'ea kuasa to ntani'-na,

Filipi 2:9 Iomraidhean Croise

Matius 11:27

”Hawe'ea-na natonu-maka Tuama-ku. Uma ria haduaa to mpo'incai-a, Aku' Ana' Alata'ala, muntu' Tuama-ku to mpo'inca-a. Wae wo'o uma ria to mpo'incai-i Tuama-ku, muntu' Aku' Ana'-na to mpo'inca-i, pai' hema–hema to kupopo'incai kahema-nai Tuama-ku.

Matius 28:18

Yesus mpomohui'-ra pai' na'uli'-raka: ”Hawe'ea kuasa hi suruga pai' hi dunia' ratonu-maka.

Lukas 10:22

”Hawe'ea-na natonu-maka Tuama-ku. Uma ria haduaa to mpo'inca kahema-ku Aku' Ana' Alata'ala, muntu' Tuama-ku to mpo'inca-a. Wae wo'o uma ria to mpo'incai hema-i Tuama-ku, muntu' Aku' Ana'-na to mpo'inca-i, pai' hema–hema to kupopo'incai kahema-nai Tuama-ku.”

Yohanes 13:3

Na'inca Yesus, Tuama-na mpowai'-i hawe'ea kuasa-na. Na'inca wo'o kangkai Alata'ala-nai, pai' nculii' hilou hi Alata'ala wo'o-i mpai'.

Yohanes 17:11

”Neo' tilou-ama Mama, uma-apa mahae hi dunia' toi. Aga ane ana'guru-ku toira lau, hi dunia' toi-ra-pidi. O Tuama-ku to moroli', pewili'-ramo hante kabaraka' hanga'-nu–hante hanga' to nuwai'-ka. Pewili'-ramo bona hanono lau-ra, hewa Mama pai' Aku' hanono lau-ta.

Yohanes 17:12

Bula-ku dohe-ra-pidi, Aku' to mpewili'-ra hante kabaraka' hanga'-nu–hante hanga' to nuwai'-ka. Kujaga-ra pai' uma-ra ria to mporata silaka, ntani'-na ngkai to hadua. Hi'a kana silaka, bona madupa' lolita to te'uki' hi rala Buku Tomoroli'.

Yohanes 17:5

Toe pai' kuperapi' bona nupopehuwu kabohe tuwu'-ku dohe-nu Mama, hewa kabohe tuwu'-ta hangkaa–ngkania kako'ia-na dunia' tohe'i rapajadi'.

Suro 5:31

pai' na'ongko'-imi napopohura hi mali ngka'ana-na, pai' napajadi'-i Pangkeni pai' Magau' Tompohore-ta ngkai huku' jeko'-ta, bona kita' to Israel medea ngkai jeko'-ta pai' mporata ampu.

Kolose 1:18

Kita' to mepangala' hi Kristus ma'ala rarapai'-ki woto-na, pai' Kristus woo'-ta. Hewa woo' mpokuasai woto, wae wo'o Hi'a mpokuasai hawe'ea tauna to mepangala' hi Hi'a. Pai' Hi'a-mi to mpowai'-ta katuwua' to bo'u, apa' Hi'a-mi to Ulumua', batua-na, to lomo'-na tuwu' nculii' ngkai kamatea. Alaa-na, Hi'a-mi to poko-na ngkai hawe'ea to ria.

2 Tesalonika 1:12

Pai'-kai mosampaya hewa toe, bona ngkai kehi-ni to lompe' hanga' Yesus Pue'-ta rapomobohe, pai' bona koi' wo'o mpai' napomobohe Pue' Yesus. Hawe'ea toe bate madupa' sabana kabula rala-na Alata'ala Tuama-ta pai' sabana Pue' Yesus Kristus.

Ibrani 1:4

Mporata-i huraa to meliu kalangko-na ngkai huraa hawe'ea mala'eka, apa' hanga' to natarima ngkai Alata'ala meliu katebila'-na ngkai hanga' to rawai'-raka mala'eka.

Ibrani 1:9

Iko mpokono kehi to monoa' pai' mpokahuku' kehi to bengku'. Toe-mi pai' Pue'-nu Pue' Alata'ala mpobila'-ko meliu ngkai doo–doo-nu: natuai-ko hante lana tanda pebila'-na, bona mpakagoe' nono-nu.”

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

Ibrani 2:9

Aga tahilo-imi Yesus: bula-na tuwu' hi dunia' toi, tepahi'ara'-i hangkedi' ngkai mala'eka. Pai' tempo toi rapomobohe-imi pai'-i rawai' huraa karabilaa', apa' mporata-imi kaparia duu'-na mate. Apa' ngkai kabula rala-na Alata'ala, nabotuhi bona Yesus rapatehi jadi' tolo' woto hawe'ea manusia'.

1 Petrus 3:22

Katuwu'-na nculii' toe, hilou-imi hi suruga, pai'-i mohura hi mali ka'ana Alata'ala. Hawe'ea mala'eka pai' topoparenta pai' pue'–pue' to mobaraka' ntani'-na, rapopengkoru hi Hi'a omea-ramo.

2 Petrus 1:17

Apa' hangkani, ria-kai doo-na Yesus hi lolo bulu', pai' kihilo-i mehini ngkai kabohe tuwu'-na pai' pebila' to narata ngkai Alata'ala Tuama-na. Ki'epe libu' ngkai Alata'ala to mobaraka' to mpo'uli': ”Hi'a toi-mi Ana'-ku to kupe'ahi', Hi'a to mpakagoe' nono-ku.”

3 Yohanes 1:7

Apa' ompi'-ta toera momako' hilou mpokeni hanga' Pue' Yesus. Pai' uma-ra mporatai napa–napa ngkai tauna to uma mepangala' hi Pue'.

Pangila 1:5

pai' ngkai Yesus Kristus. Yesus Kristus toe, Hi'a-mi Sabi' to tida, Hi'a-mi to lomo'-na tuwu' nculii' ngkai kamatea, Hi'a-mi Pangkeni to mpoparentai hawe'ea magau' hi dunia'. Yesus mpoka'ahi'-ta, pai' hante raa' ngkai kamate-na nabahaka-tamo ngkai jeko'-ta,

Pangila 11:15

Mala'eka kapitu-na mpotuwui' sangkakala-na. Kamogora-rami topololita hi suruga. Bohe mpu'u moni nganga-ra, ra'uli': ”Hewa toe lau, hawe'ea kamagaua' hi dunia' majadi' Kamagaua'-na Pue'-ta, pai' Kamagaua'-na Magau' Topetolo' to napelihi-mi. Moparenta-i duu' kahae–hae-na.”

Pangila 19:16

Hi pohea-na pai' hi pa'a-na te'uki' hanga' tohe'i: MAGAU' NGKAI HAWE'EA MAGAU', PUE' NGKAI HAWE'EA PUE'.

Pangila 3:21

”Hema to medagi, kupiliu-ra mohura pai' moparenta dohe-ku hi Pohuraa-ku, hewa Aku' wo'o, medagi-ama, pai' wae lau mohura-ama moparenta dohe Tuama-ku hi Pohuraa-na.

Pangila 5:12

Mogora mpesukui-ra, ra'uli': ”Ana' Bima to rasumale' toei, masipato' lia tabila', ta'une', tapomobohe hanga'-na, tapotompo'wiwi karoho-na, takahangai' kamo'ua'-na, tapololitaa kamonoto-na, pai' tatutura kuasa-na!”