Filipi 2:8 - Buku Tomoroli' Pojanci to Bo'u

⁸ Pai' ka'oti-nai jadi' manusia', mengkadingki'-imi, pai'-i mpotuku' hawa' Alata'ala, duu'-na mate raparika' hewa hadua tauna to dada'a.

Filipi 2:8 Iomraidhean Croise

Matius 17:2

Bula-ra hi ria, mobali'-mi lence-na. Lio-na mehini hewa eo, pai' pohea-na mengea' meringkila'.

Matius 26:39

Oti toe hilou-imi molaa hangkedi', pai'-i motumpa, mosampaya, na'uli': ”Tuama-ku, ane ma'ala, pomolaa-ka-kuwo kaparia to neo' mporumpa'-a toi. Aga bela konoa-ku Aku' to jadi', agina konoa-nu Iko moto.”

Matius 26:42

Ngkai ree, hilou wo'o-imi mosampaya, na'uli': ”Tuama-ku, ane kaparia toi uma ma'ala rawi'iha-ka, bate konoa-numi to majadi'.”

Lukas 9:29

Bula-na Yesus mosampaya, mobali'-mi lence-na, pai' pohea-na mewali mengea' meringkila'.

Yohanes 10:18

Uma ria haduaa to mpatehi-a ane uma konoa-ku. Ku'agi mate hante karoli'–roli' nono-ku. Ria kuasa-ku mpewai' tuwu'-ku bona rapatehi, pai' ria wo'o kuasa-ku tuwu' nculii'. Toe-mi hawa' to kutarima ngkai Tuama-ku.”

Yohanes 14:31

Aga toi kana jadi', bona hawe'ea tauna mpo'inca kakupoka'ahi'-na Tuama-ku pai' kutuku' oa' hawe'ea to nahawai'-ka. Mokore-mi, pai' hilou-tamo.”

Yohanes 15:10

Ane nituku'-mi hawa'-ku, tida mpu'u-koi mohu' hi Aku' pai' nirasai mpu'u ahi'-ku, hewa Aku' wo'o mpotuku' hawa' Tuama-ku pai'-a tida mohu' hi Hi'a pai' mporasai ahi'-na.

Yohanes 4:34

Toe pai' Yesus mpo'uli'-raka: ”Pongkoni'-kule, mpotuku' konoa Pue' Ala to mposuro-a, pai' mposipolea pobago to nawai'-ka.

Suro 8:33

Raruge'-i pai' rahuku', hiaa' uma ria sala'-na. Uma ria haduaa tauna to mpotutura karia muli-na apa' rapatehi-i-hana.”

Roma 5:19

Adam toei, uma-i mengkoru hi parenta Alata'ala, alaa-na wori' tauna jadi' topojeko'-mi. Wae wo'o-hawo Yesus, mengkoru-i hi parenta Alata'ala, pai' ngkai pengkoru-na toe-mi, wori' tauna jadi' monoa' hi poncilo Alata'ala.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

Galatia 3:13

Kita' omea masipato' natotowi Alata'ala apa' tatiboki Atura-na. Aga nau' wae, Kristus mpobahaka-tamo ngkai totowi toe. Te'uki' hi rala Buku Tomoroli' owi hewa toi: ”Tauna to ratoe hi kaju bona rapatehi, tauna toei natotowi Alata'ala.” Jadi', nto'u Kristus mate hi kaju parika', Hi'a-mi to mposampei-ta mporata petotowi Alata'ala.

Titus 2:14

Napewai' woto-na rapatehi mpotolo' jeko'-ta, nabahaka-ta ngkai hawe'ea kehi-ta to dada'a, napakaroli'-ta pai' napajadi'-ta ntodea-na pai' bagia-na, to baka' mpobabehi kehi to lompe'.

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

1 Petrus 2:24

Nakolo huku' jeko'-ta hi woto-na moto hi karapatehi-na hi kaju parika', bona tebahaka-ta ngkai kuasa jeko' pai' tuwu' ntuku' konoa Alata'ala-tamo. Ngkai weho-na toe-mi pai' alaa-na mo'uri'-mokoi.

1 Petrus 3:18

Apa' Kristus wo'o mporata kaparia nau' uma ria sala'-na. Mate hangkani lau-i-wadi mpokolo jeko' manusia'. Hi'a to uma ria sala'-na mposampei-ta to masala', bona nakeni-ta hi Alata'ala. Woto-na rapatehi, tapi' rapotuwu' nculii'-imi hante baraka' Inoha' Tomoroli'.