Filipi 2:7 - Buku Tomoroli' Pojanci to Bo'u

⁷ Nabahaka omea-mi tetu, pai'-i tuwu' mpobatua. Mewali manusia'-i hante wotoloka' manusia'.

Filipi 2:7 Iomraidhean Croise

Matius 12:18

”Hi'a toi-mi Batua-ku to kupelihi, kupe'ahi'-i, pai' napakagoe' nono-ku. Inoha'-ku kuwai'-ki. Kamonoa' poparenta-ku naparata hi hawe'ea tauna.

Matius 20:28

Kana nituku' po'ingku-ku, Aku' Ana' Manusia'. Patuju-ku tumai hi dunia', uma bona jadi' topohawa'. Pai'-a tumai-le, bona jadi' pahawaa', duu'-na mpewai' woto-ku rapatehi mpotolo' sala' tauna to wori'.”

Markus 9:12

Na'uli'-raka: ”Makono mpu'u-di. Elia kana rata mperi'ulu, apa' hi'a to mporodo hawe'ea-na. Aga beiwa-ama Aku' Ana' Manusia'? Napa pai' hi rala Buku Tomoroli' te'uki' kamporata-ku wori' kaparia pai'-a raruge' tauna?

Lukas 22:27

Kupekune'-koi ulu: hema to meliu kabohe pangka'-na? To mohura ngkoni'-di, ba to metonui-di? Tantu tauna to mohura. Hiaa' ohe'i-a hi laintongo'-ni hewa tauna to mpotonui-koi.

Yohanes 1:14

Lolita toei, mewali manusia'-imi, pai'-i mo'oha' hi laintongo'-ta. Kai', kihilo-mi-kaina kabaraka'-na. Kabaraka'-na toe narata ngkai Tuama-na, apa' Hi'a-mi Ana'-na to Hadudua. Ngkai Hi'a toe-mi pai' alaa-na ta'inca Alata'ala pai' kabula rala-na hi kita'.

Roma 1:3

Kareba Lompe' toe mpo'uli' kahema-nai Ana' Alata'ala, Pue'-ta Yesus Kristus. Ntuku' kaputu-na jadi' manusia', Yesus muli Magau' Daud owi. Tapi' Yesus toei, Ana' Alata'ala wo'o-i, apa' moroli'-i hibalia hante Alata'ala. Monoto-mi tohe'e apa' Alata'ala mpopotuwu'-i nculii', pai' hante tanda mekoncehi toe napakanoto kaHi'a-na mpu'u-mi Ana' Alata'ala.

Roma 15:3

Apa' Kristus wo'o uma mpali' kagoea'-na moto, sadia moto-i mporata kaparia hi petuku'-na hi Alata'ala. Hi rala Buku Tomoroli' owi ria lolita to mpolowa Pue' Yesus to mpo'uli': ”Hawe'ea lolita peruge'-ra mporuge' Alata'ala, mpobelahi Aku' moto-mi.”

Roma 15:8

Penonoi toi: Kristus tumai hi dunia' mpotulungi to Yahudi, bona madupa'-mi janci Alata'ala hi ntu'a to Yahudi owi, alaa-na monoto hi hawe'ea tauna kamakono-na Lolita Alata'ala.

Roma 8:3

Atura Pue' uma bisa mpobahaka-ta ngkai kuasa jeko', apa' hante karohoa-ta moto uma takulei' mpotuku' Atura Pue' toe. Tapi' napa to meliu ngkai pakulea' Atura Pue', nababehi-mi-hana Alata'ala: nahubui Ana'-na tumai hi dunia' mewali manusia'; wotoloka'-na hibalia hante wotoloka' manusia' topojeko'. Pai' Ana'-na toe mate mpotolo' jeko' manusia'. Jadi', ngkai kamate Ana'-na toe-e, Alata'ala mpodagi jeko' to hi rala nono manusia'.

2 Korintus 13:4

Lente mpu'u-ile wengi Kristus nto'u karaparika'-nae. Aga tuwu' nculii'-imi sabana karohoa to ngkai Alata'ala. Kai' wo'o ompi', lente wo'o-kai hangkaa–ngkania hante Kristus. Aga ngkai karohoa-na Alata'ala, bate mporata-kai katuwua' to bo'u hangkaa–ngkania hante Kristus. Jadi' ane rata-a mpai' ompi', nihilo moto karohoa to nawai'-kakai Alata'ala toe.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

Galatia 4:4

Aga karata-na tempo to napakatantu Alata'ala, napahawa'-mi Ana'-na tumai hi dunia'. Ana'-na toei putu ngkai hadua tobine, pai'-i mewali to Yahudi to mengkoru hi Atura Musa.

Filipi 2:6

Nau' tuwu' mpo'Alata'ala-i, uma-i mpentaei kahibalia-na hante Alata'ala.

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

Ibrani 13:3

Kiwoi-ra doo-ni to hi rala tarungku', hewa to ratarungku' wo'o-ko-koiwo dohe-ra. Tulungi-ra to rabalinai' sabana pepangala'-ra, hewa to rabalinai' wo'o-ko-koiwo.

Ibrani 4:15

Apa' Imam Bohe-ta tohe'i-e, bela-i imam to uma mporasai kalentea-ta. Narasai moto, apa' rasori wo'o-imi-hawo hi butu nyala-na hewa kita', aga uma-i-hana mojeko'.