Filipi 2:6 - Buku Tomoroli' Pojanci to Bo'u

⁶ Nau' tuwu' mpo'Alata'ala-i, uma-i mpentaei kahibalia-na hante Alata'ala.

Filipi 2:6 Iomraidhean Croise

Matius 1:23

”Hadua toronaa mpai' motina'i, mpo'ana'-ki hadua ana' tomane. Ana' toei mpai' rahanga' Imanuel.” Batua-na: ”Alata'ala mpodohei-ta.”

Yohanes 1:18

Uma ria haduaa to mpohilo Alata'ala. Tapi' Ana'-na to Hadudua toei, to tida oa' hi ncori-na, Hi'a-mi to mpakanoto Alata'ala hi kita'.

Yohanes 10:30

Aku' pai' Tuama-ku, hadua lau-wada-kai.”

Yohanes 10:33

Ra'uli' to Yahudi: ”Bela ngkai pobago-nu to lompe', pai' doko' kipatehi-ko. Pai' doko' kipatehi-kole apa' mpokedi' Alata'ala-ko-kona! Api' manusia' biasa-wadi-ko, nu'uli'-kona Alata'ala-ko!”

Yohanes 10:38

Tapi' ane kubabehi moto-mi bago to ngkai Tuama-kue, kana nipangala'-a sabana pobago-ku toe. Nau' Aku' moto uma nipangalai', kana nipangala' kangkai Alata'ala-na pobago-ku. Ane mepangala'-koi hi pobago-ku toe, ni'inca mpai' pai' monoto mpu'u hi nono-ni kahintuwu'-ku hante Tuama-ku, pai' Tuama-ku hintuwu' hante Aku'.”

Yohanes 14:28

Ni'epe lolita-ku we'i to mpo'uli': Hilou-a, aga nculii' moto-a mpai' tumai hi koi'. Ane nipoka'ahi' mpu'u-a, nipokagoe' moto kahilou-ku toi hi Tuama-ku, apa' Tuama-ku meliu kabohe-na ngkai Aku'.

Yohanes 14:9

Na'uli' Yesus: ”Ko'ia oa'-tano nu'incai-ae, Filipus! Hiaa' bo mahae-ama dohe-ni! Hema to mpohilo-a, mpohilo wo'o-ramo Tuama-ku. Jadi', napa-di pai' nuperapi' bona kupopohiloi-koi Tuama-kue?

Yohanes 17:5

Toe pai' kuperapi' bona nupopehuwu kabohe tuwu'-ku dohe-nu Mama, hewa kabohe tuwu'-ta hangkaa–ngkania kako'ia-na dunia' tohe'i rapajadi'.

Yohanes 20:28

Na'uli' Tomas: ”Pue'-ku! Alata'ala-ku!”

Yohanes 5:18

Ngkai ree, rahuduwukui-mi topoparenta to Yahudi mpali' ohea-ra mpopatehi-i. Apa' uma wule' kampotiboki-na ada hi Eo Sabat, tapi' na'uli' wo'o-hana ka'Alata'ala-na Tuama-na; jadi', napopohibalia-hana woto-na hante Alata'ala.

Yohanes 5:23

Nababehi toe, bona hawe'ea tauna mpobila'-a hewa pompobila'-ra Tuama-ku. Hema to uma mpobila'-a, uma wo'o-ra mpobila' Tuama-ku to mposuro-a.

Roma 9:5

Hira' toe muli Abraham, Ishak pai' Yakub, totu'a-ra owi to napelihi Alata'ala. Pai' hi kaputu-na Magau' Topetolo' mewali manusia', putu ngkai muli to Israel wo'o-i-wadi-hawo. Magau' Topetolo' toei meliu kuasa-na ngkai hawe'ea, Hi'a-mi Alata'ala to masipato' ta'une' duu' kahae–hae-na. Amin!

2 Korintus 4:4

Noto anudaa' to mpokuasai dunia' toi mpohilingai'-ra, bona neo'-ra mpangalai' Kareba Lompe'. Baja ngkai Kareba Lompe' uma mpobajahi nono-ra. Jadi', uma oa' ra'incai kabohe tuwu'-na Kristus, to hibalia tuwu'-na hante Alata'ala.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

1 Timotius 1:17

Masipato' lia tabila' pai' ta'une' Alata'ala, Magau' to moparenta duu' kahae–hae-na, to uma ria kamatea-na, to uma kahiloa, pai' to uma ria karodua-na. Masipato' tabila'-i pai' tapomobohe hanga'-na duu' kahae–hae-na. Amin! Wae mpu'u-hana!

1 Timotius 3:16

Uma mowo kalompe'-na tudui' to tatuku' hi pengkoru-ta hi Alata'ala. Ngkai owi, tudui' toe ko'ia rapopehuwu hi manusia', tapi' hewa toe lau napopehuwu-mitaka Alata'ala. Apa' mepangala'-ta hi Alata'ala to mewali manusia'. Inoha' Tomoroli' mpakanoto kahema-na, pai'-i rahilo mala'eka. Rapalele kareba-na hi tauna to ko'ia mpo'incai Alata'ala. Tauna hi humalili' dunia' mepangala' hi Hi'a. Ra'ongko'-imi hilou hi suruga, pai'-i rawai' kabohea tuwu'.

Titus 2:13

Apa' bula-ta tuwu'-pidi hi dunia' toi, tapopea kajadia' to uma mowo kalompe'-na pai' to tasarumaka lia. Nto'u toe mpai', hawe'ea tauna mpohilo kabaraka'-na Alata'ala to bohe tuwu'-na pai' Magau' Tompohore-ta ngkai huku' jeko'-ta, Hi'a-mi Yesus Kristus.

Ibrani 1:3

Hi'a-mi to mpopohiloi-ta kabohe tuwu'-na Alata'ala. Kehi-na pai' kabaraka'-na hibalia hante kehi pai' kabaraka'-na Alata'ala. Hi'a to mpokuasai pai' mpewili' hawe'ea to ria hante lolita-na to mobaraka'. Ka'oti-na mpobohoi' manusia' ngkai jeko'-ra, hilou-imi mohura hi mali ngka'ana Alata'ala hi Pohuraa Kamagaua'-na hi suruga.

Ibrani 1:6

Pai' nto'u Alata'ala mpohubui Ana' Ulumua'-na tumai hi dunia', hewa toi lolita-na: ”Hawe'ea mala'eka-ku kana mponyompa Ana'-ku tohe'ei.”

Ibrani 1:8

Hiaa' hi Ana'-na toei, Alata'ala mpo'uli'-ki hewa tohe'i: ”O Alata'ala! Iko Magau' duu' kahae–hae-na, moparenta-ko hante kanoa'–noa'-na.

Ibrani 13:8

Yesus Kristus uma mobali': owi, wae lau, pai' duu' kahae–hae-na.

Pangila 21:6

Oti toe na'uli' wo'o-ka: ”Hudu-mi! Aku' to Lomo'-na pai' to Ka'omea-na. Aku' Pontepu'ua-na pai' Kahudua-na. Hema-koi to ngkamara, kuwai' ue ngkai ulu ue to mpowai' katuwua' to lompe' duu' kahae–hae-na. Ue toe kuwai' mara-kokoi, uma mingki' ni'oli.