Filipi 2:3 - Buku Tomoroli' Pojanci to Bo'u

³ Neo' mpomobohe woto-ni moto-wadi, neo' mpope'une'. Agina-pi-hana hore–hore mpakadingki' nono, ta'uli' doo melabi ngkai kita'.

Filipi 2:3 Iomraidhean Croise

Lukas 18:14

Ngkai ree, napohudui Yesus lolita-na, na'uli': ”Mpu'u ku'uli'-kokoi: kanculii'-ra hi tomi, topesingara' paja' toe-imi to jadi' monoa' hi poncilo-na Alata'ala, bela to Parisi toei. Apa' hawe'ea to mpomolangko nono-ra, Pue' Ala mpodingkihi-ra. Pai' hawe'ea to mpakadingki' nono-ra, Pue' Ala mpomolangko-ra.”

Roma 12:10

Momepoka'ahi'-koi hewa pomepoka'ahi' to ntali ompi', pai' momeri'uu–uluhi-koi momebila' hadua pai' hadua.

Roma 13:13

Babehi gau' to masipato' hi kabajaa-na. Neo' ntora mosusa' palangu–langu. Hi gau' tomane pai' tobine neo' mogau' sala' ba mpotuku' kahinaa nono-ta to dada'a. Neo' motuda' ba mohingi'.

Roma 2:8

Aga ria wo'o tauna to mpenonoi woto-ra moto-wadi. Oja'-ra mpotuku' konoa Alata'ala, mpotuku' konoa to dada'a lau-rada. Hira' toe-mi to poko mporata roe pai' pehuku' Alata'ala-e.

1 Korintus 15:9

Apa' aku' suro Pue' Yesus to tepatu'ai lia tuwu'-ku ngkai hawe'ea suro-na. Kakoo–kono-na, uma-a natao rahanga' suro-na, apa' ri'ulu kubalinai'-ra topetuku' Alata'ala.

1 Korintus 3:3

apa' mpotuku' konoa nono-ni to dada'a oa'-pidi-koi. Apa' ane ria hingi' rala nono-ni pai' momehono'-koi, ha bela tohe'e-mi to mpakanoto kampotuku'-ni konoa nono-ni to dada'a, hewa tauna to ko'ia mpo'incai Pue'?

2 Korintus 12:20

Apa' koro'-a, nee–neo' mpai' nto'u katilou-ku mpencuai'-koi, kurata-koi uma hewa to kupokono. Pai' wae wo'o koi', uma-a hewa to nipokono. Nee–neo' mpai' kurata-koi nto'u-ni momehono' pai' momepohingii', momepokaroe pai' hore mpopeliu woto-ni moto, momeruge', mometuntui', pai' hore molangko nono. Nee–neo' kurata-koi uma hintuwu' ompi'.

Galatia 5:15

Hiaa' ane ntora motuda' pai' momehingki'-koi, pelompehi-e', himpau silaka-koi mpai'.

Galatia 5:26

Neo' molangko nono-ta, neo' momepedahi ngkanono ba momepohingii'.

Efesus 4:2

Kana dingki' nono-ta pai' mo'olu oa' kehi-ta hi butu nyala-na. Neo' mpotima' kasalaa' doo, agina mosabara pai' moloe ahi'-ta hi himpau kita'.

Efesus 5:21

pai' momepengkorui hadua bo hadua hewa pebila'-ta hi Kristus.

Filipi 2:14

Napa–napa to nibabehi, neo' ngkunuti ba momehono',

Kolose 3:12

Alata'ala mpoka'ahi'-ta pai' napelihi-tamo jadi' bagia-na to moroli'. Toe pai' kana mometulungi-ta pai' lompe' nono-ta hadua bo hadua, pakadingki' nono-ta, paka'olu kehi-ta, pai' mosabara hi doo.

Kolose 3:8

Tapi' tempo toi, tabahaka mpu'u-mi hawe'ea kehi to hewa toe. Neo' moroe, neo' mowuku nono, neo' mohuku'. Neo'-hawo howa' ngkai wiwi-ta lolita peruge', petuntui' ba petarahu.

1 Timotius 6:4

Tauna to hewa toe, mengkakapante–pante-ra-wadi, uma ra'incai napa–napa. Konoa-ra, ntora momehono' pai' mpali' pome'anua lolita-wadi. Ngkai tudui'-ra toe, pai' alaa-na wori' tauna mohingi', motuda', metuntui', merai',

1 Petrus 3:8

Ka'omea-na, tuwu' hintuwu'-ta omea, hameha' hawa' pai' hanono lau, momepoka'ahi' hewa to ntali ompi', lompe' nono pai' mpakadingki' nono hi doo.

1 Petrus 5:5

Wae wo'o koi' to mongura-pidi umuru-ni, mengkoru-koi hi totu'a. Hawe'ea-ni himpau mpakadingki' nono pai' mometulungi. Apa' ”Alata'ala mpo'ewa tauna to molangko nono-ra, aga tauna to dingki' nono-ra napoka'ahi'.”