Filipi 2:2 - Buku Tomoroli' Pojanci to Bo'u

² Bo lawi' oo mpu'u-koi, kuperapi' bona nipakagoe' mpu'u-ka nono-ku: tuwu' hintuwu'-koi hante ahi'-ni hibalia, nono-ni hibalia, patuju-ni hibalia.

Filipi 2:2 Iomraidhean Croise

Yohanes 3:29

”Ane rapa'-na hi susa' poncamokoa, topemua'-di-hana to jadi' poko-na, apa' hi'a-mi pue' tobine to rapemuai'. Ane bale-na topemua'-hawo-le, mokore-i mpopanene'-wadi-ki-hawo pai' mpe'epei hawa'-na. Pai' goe'-i mpo'epe libu' topemua'. Wae-mi-kuwo aku'-e, aku' hewa bale-na topemua'. Goe'-a, pai' gana kagoea'-ku, apa' kawoo–woria' tauna mpotuku'-i Yesus.

Suro 1:14

Hawe'ea-ra morumpu hangkaa–ngkania, pai' tida-ra mosampaya. Dohe-ra, ria wo'o ba hangkuja dua tobine, hante Maria tina-na Yesus pai' ompi'–ompi'-na Yesus.

Suro 2:1

Rata mpu'u-mi eo bohe to Yahudi to rahanga' Eo Pentakosta, hawe'ea topetuku' Yesus morumpu mopahantuda.

Suro 2:46

Butu eo-na morumpu-ra hi Tomi Alata'ala. Mpopihe–pihe-ra roti mpokiwoi kamate-na Pue' Yesus, pai' ngkoni'-ra hangkaa–ngkania hi rala tomi-ra hante goe' pai' karoli'–roli' nono-ra.

Suro 5:12

Wori' tanda mekoncehi pai' anu mobaraka' to rababehi suro Pue' Yesus hi mata ntodea. Hawe'ea tauna to mepangala' hi Pue' Yesus, hanono lau-ra-damo morumpu hi Pengkawinaraa Salomo to hi Tomi Alata'ala.

Roma 12:16

Hintuwu' hante doo–doo-ta. Neo' mpokalangko nono-ta, agina pohintuwu'-raka tauna to dingki' tuwu'-ra. Neo'-ta mpopeliu kapante-ta ngkai doo-ta.

1 Korintus 1:10

Ompi'–ompi', hante kuasa to nawai'-ka Pue'-ta Yesus Kristus, merapi'-a bona hintuwu'-koi omea. Neo' ria posisalaa. Hintuwu'-koi hi rala mpololitai ba napa–napa to nilolita, hanono pai' hahawa' lau.

2 Korintus 13:11

Ka'omea-na ompi', kana goe'-koi. Pakanoto petuku'-ni hi Pue', pakaroho nono-ni hante paresa'-ku, hanono lau-mokoi pai' tuwu' hintuwu'. Pai' Alata'ala mpodohei-koi: napopohiloi-koi ahi'-na pai' nawai'-koi kalompea' tuwu'.

2 Korintus 2:3

Toe-mile patuju-ku mpo'uki' sura toe-e wengi, bona ane rata mpu'u-a mpai', uma-pi nipakasusa' nono-ku. Apa' kakoo–kono-na, koi'-dile to kana mpakagoe' nono-kue. Pai' monoto hi aku', ane goe'-a, koi' wo'o mpai' goe'.

2 Korintus 7:7

Moroho nculii'-mi nono-kai mpohilo Titus rata. Pai' meliu ngkai toe, goe'-kai mpo'epe lolita-na to nakeni ngkai koi'. Na'uli' beiwa-koi mpotanta'u nono-na bula-na ria dohe-ni. Na'uli' wo'o kalentora-ni doko' mpohirua'-ka. Na'uli' kasoho'-nami nono-ni. Na'uli' wo'o kadoko'-ni momekalompe' hante kai' ngkai nono-ni mpu'u. Mpo'epe toe, hangkedi' kagoe'-ku ompi'.

Filipi 1:4

Pai' butu ngkani posampaya-ku, goe' oa' nono-ku mposampayai-koi omea.

Filipi 2:16

apa' niparata-raka Kareba Lompe' to ngkeni katuwua'. Ane hewa toe po'ingku-ni ompi', bohe mpai' nono-ku hi karata-na nculii' Kristus. Apa' po'ingku-ni toe-mi to mpakanoto hawe'ea bago-ku uma wa bayangi', ria moto wua'-na.

Filipi 2:20

Muntu' Timotius-kuwo to hi rehe'i to mpohibalia-ki nono-ku pai' to mpekiri kalompea'-ni ompi'.

Filipi 4:2

Ompi'-ku Euodia pai' ompi'-ku Sintikhe! Kuperapi' bona hintuwu'-koi hewa to masipato' hi tauna to mepangala' hi Pue'.

Kolose 2:5

Apa' nau' molaa-a ngkai koi', hi rala nono-ku ria moto-a dohe-ni. Pai' goe' lia-a mpo'epe kahintuwua'-ni pai' katida pepangala'-ni hi Kristus.

2 Tesalonika 2:13

Jadi', ompi'–ompi' to nape'ahi' Pue', toto-na lia-kai mpo'uli' tarima kasi oa' hi Alata'ala sabana koi'. Apa' napelihi-mokoi ngkai lomo'-na bona tehore-koi ngkai huku' jeko'-ni. Tehore-koi ngkai huku' jeko'-ni toe, hante kuasa Inoha' Tomoroli' to mpopajadi'-koi bagia Alata'ala to moroli', pai' hante pepangala'-ni hi kareba to makono.

2 Timotius 1:4

Kupolio oa' kamo'ili ue mata-nu geo'. Pai' lentora-ama doko' mpohilo-ko, bona hono' kagoea'-ku.

Filemon 1:20

Toe-mi ompi', apa' mo'ompi'-tamo hi rala Pue'-e, tuku'-ka-kuwo pomperapia'-ku toi. Doa nculii'-imi Onesimus, bona goe' nono-ku ngkai po'ompi'-ta hi rala Kristus.

2 Yohanes 1:4

Goe' lia nono-ku mpohirua'-raka ba hangkuja dua ana'-nu hi rei. Apa' po'ingku-ra mpotuku' tudui' to makono, hewa to nahawai'-taka Alata'ala to Tuama.

3 Yohanes 1:4

Uma ria to kupokagoe' melabi ngkai tohe'i, mpo'epe kareba to mpo'uli' ana'-ku mpotuku' ncuu tudui' to makono.