Filipi 2:12 - Buku Tomoroli' Pojanci to Bo'u

¹² Toe-mi ompi' to kupe'ahi', ku'inca kampotuku'-ni hawa'-ku. Bula-ku ria dohe-ni, nituku' mpu'u hawa'-ku. Jadi', peliu–liu-nami tempo toi bula-ku molaa, kuperapi' bona nipelompehi mpu'u po'ingku-ni, hewa to masipato' hi tauna to nahore Alata'ala ngkai huku' jeko'-ra. Mengkoru-mokoi hi Alata'ala, pai' poka'eka' mpu'u-koi mpobabehi po'ingku to dada'a.

Filipi 2:12 Iomraidhean Croise

Matius 11:12

Ngkai lomo' pobago-na Yohanes Topeniu' rata hi tempo toi, tauna to dada'a mpohuduwukui mpo'ewa topetuku' Alata'ala doko' mpokuasai-ra.

Matius 11:29

Kolo-mi kinolo to kupopokoloi-kokoi, pai' mpopetudui'-koi hi Aku', nirata moto mpai' kalompea' tuwu' kao'-ni. Apa' mo'olu-a pai' dingki' nono-ku.

Suro 16:29

Ngkai ree, kapala' tarungku' mperapi' hulu', pai'-i mokeno mesua' hi rala tarungku'. Moridi'-imi mowilingkudu mponyanyo Paulus pai' Silas.

Suro 9:6

Wae-pi, memata-moko, mesua' hi rala ngata. Hi ria-damo mpai' ra'uli'-koko napa to kana nubabehi.”

Roma 2:7

Ria tauna to tida mogau' lompe', apa' doko' mporata-ra pe'une', pebila' pai' katuwua' to uma ria ka'otia-na ngkai Alata'ala. Hi tauna to hewa toe Alata'ala mpowai' katuwua' to lompe' duu' kahae–hae-na.

1 Korintus 15:58

Ngkai toe-mi ompi'–ompi' to kupe'ahi', pakaroho pepangala'-ni, neo'-koi mogego', baka' oa'-koi mpobago bago Pue', apa' ni'inca moto-hawo napa to nipobago-ki Pue' uma-hawo mpai' bayangi', bate ria hiwili-na.

1 Korintus 2:3

Bula-ku ria dohe-ni, lente-a, pai' moridi'-a me'eka'.

1 Korintus 4:14

Ompi'–ompi'! Patuju-ku mpololitai-koi hewa toe-e, uma-kuwo bona mpo'eai'-koi. Lolita-ku toi, mpoparesai'-koi, kuponcawa ana'-ku to kupe'ahi'-koi.

2 Korintus 7:15

Hiaa' hi'a wo'o-hawo, tampai-mi ahi'-na hi koi', apa' nakiwoi beiwa ompi'–ompi' omea mpotuku' hawa'-na. Nau' hangkale' me'eka'-koi, nitarima moto-imi pai' nipengkorui-i.

Efesus 6:5

Ompi'–ompi'-ku to rapobatua, tuku' hawa' maradika-ni hi rala dunia' toi. Bila' pai' pengkorui-ra ngkai kabula nono-ni. Toe nibabehi hewa pengkoru-ni hi Kristus.

Filipi 1:27

Jadi', nau' ba napa to jadi' hi aku', po'ingku-ni kana to masipato' hi tauna to mpotuku' Kareba Lompe' Kristus. Ba kupohirua'-pidi-kokoi mpai' ompi' ba uma-pi, kusarumaka ku'epe moto mpai' kareba to mpo'uli' katida pokore-ni, hanono pai' hintuwu'-koi mobago bona wori' tauna mepangala' hi Kareba Lompe'.

Filipi 1:29

Neo'-koi me'eka', apa' Alata'ala mpelihi-koi uma muntu' mepangala' hi Kristus, tapi' napelihi wo'o-koi bona mporata kaparia bona hanga' Kristus rapomobohe.

Filipi 1:5

Ku'uli' tarima kasi hi Pue' Alata'ala, apa' ngkai lomo'-na duu' tempo toi-e nitulungi ncuu-a hi rala bago-ku mpopalele Kareba Lompe'.

Filipi 1:6

Alata'ala moto-mi to mobago hi rala nono-ni mpobago bago to lompe', pai' kuparasaya pobago to natepu'u-mi tetu napokaliliu duu'-na hudu hi eo karata-na nculii' Kristus Yesus.

Filipi 2:19

Ane napokono Pue' Yesus, ria patuju-ku mpohubui Timotius tilou mpencuai'-koi, bona ane nculii'-ipi tumai, tetanta'u-a mpo'epe kareba-ni.

Filipi 4:1

Toe-mi ompi' to kupe'ahi' pai' to kukalentorai: pakaroho mpu'u-mi pokore-ni mpopangala' Pue'. Koi'-die ompi' kabohea nono-kue pai' to mpakagoe' nono-ku.

Filipi 4:15

Ompi'–ompi' to Filipi! Lomo' pompohawu'-ku Kareba Lompe' hi ngata-ni, pai'-a me'ongko' ngkai propinsi Makedonia, uma ria to Kristen hi ngata ntani'-na to mpopakatui-a doi. Muntu' koi'-wadi ompi' to mpohorongko-a nto'u toe, hewa to ni'inca moto-mi ompi'.

1 Tesalonika 1:3

Ane mosampaya-kai hi Alata'ala Tuama-ta, kikiwoi oa' pobago-ni to nipobago sabana pepangala'-ni, pai' kikiwoi wo'o petulungi-ni hi doo sabana ahi'-ni, pai' kikiwoi kantaha-ni hi rala pebalinaia' apa' ncarumaka-koi hi karata-na nculii' Yesus Kristus Pue'-ta.

2 Timotius 2:10

Toe pai' ku'agi-mi mpengkatarii hawe'ea toi-e. Nau'-a rabalinai', kupalele oa' Lolita Alata'ala, bona tauna to napelihi-mi mpo'epe pai' mpopangala', duu'-na mporata-ra kalompea' pai' katuwua' to ncola duu' kahae–hae-na ngkai posidaia'-ra hante Kristus Yesus.

Ibrani 12:1

Ompi'–ompi'! Ma'ala-mi ta'uli': hawe'ea tauna to tuwu' owi toera, mokore-ra ntololikia-ta, pai'-ra mporohoi nono-ta hante posabi'-ra. Toe pai' ku'apui nono-ni: Mai tatadi hawe'ea to mpolintai-ta. Mai tatadi jeko' to mpentoe-ta, pai' kana ntaha-ta mpotuku' ohea to napakatantu-taka Alata'ala, hewa tauna to motanta'.

Ibrani 4:1

Jadi', apa' lawi' ria-pidi janci Alata'ala to mpalogai-ta mporata pento'oa dohe-nae, toe pai' kana mo'inga' mpu'u-ta, nee–neo' mpai' ria nte hadua ngkai laintongo'-ta to hiloa-na uma-i mporatai.

Ibrani 4:11

Ngkai toe-mi ompi', mai-tamo mpohuduwukui bona tarata pento'oa dohe Alata'ala toe, nee–neo' mpai' ria-ta to ngkala'ura ngkai pepangala'-ta, hewa to Yahudi owi to uma mengkoru hi Alata'ala.

Ibrani 5:9

Pai' ngkai pengkoru-na toe, Yesus jadi' Topetolo' to uma ria kakuraa'-na, pai' pehupaa' katuwua' to lompe' duu' kahae–hae-na hi hawe'ea tauna to mengkoru hi Hi'a.

1 Petrus 2:11

Ompi'–ompi' to kupe'ahi'! Katuwu'-ta hi rala dunia' toi, hewa tauna to mesowo' pai' hewa tauna to liu-ta-wadi, apa' mo'oha'-ta hi olo' tauna to uma-ra mepangala' hi Pue'. Toe pai' kuparesai'-koi: neo' mpotuku' kahinaa nono-ni to dada'a, apa' kahinaa to dada'a toe mosisala hante kalompea' tuwu' kao'-ni.

2 Petrus 3:18

Donihii lau-mi petuku'-ni hi Pue'-ta Yesus Kristus, Magau' Tompohore-ta ngkai huku' jeko'-ta, bona nirasai mpu'u ahi'-na. Pai' donihii wo'o pe'inca-ni mpo'inca-i. Une'-imi wae lau duu' kahae–hae-na. Amin.