Filipi 2:11 - Buku Tomoroli' Pojanci to Bo'u

¹¹ pai'-ra mpangaku': Yesus Kristus, Hi'a-mi Pue', alaa-na Alata'ala to Tuama rapomobohe.

Filipi 2:11 Iomraidhean Croise

1 Yohanes 4:15

Hema to mpangaku' kaYesus-na Ana' Alata'ala, Alata'ala tida hintuwu' hante hira', pai' hira' hante Alata'ala.

Roma 14:11

Apa' hi rala Buku Tomoroli', Alata'ala mpo'uli' hewa toi: ”Mpu'u–mpu'u ku'uli': Butu dua tauna bate mowingkotu' hi Aku'. Pai' butu dua tauna kana mpangaku' ka'Aku'-na Alata'ala.” Wae-mi ponguli' Pue'.

Yohanes 13:13

Aku', nikio'-a Guru-ni pai' Pue'-ni, pai' bate wae mpu'u.

1 Yohanes 4:2

Toi-mi pompetonoi-na bona ta'inca hema to nakuasai Inoha' Alata'ala: hawe'ea tauna to mpangaku' Yesus kaHi'a-na Magau' Topetolo' to mewali manusia', tauna toe-ramo to napo'ana' Alata'ala.

Roma 14:9

Toe-hanale pai' Kristus mate pai' tuwu' nculii'-e, bona Hi'a rapoPue' hawe'ea tauna, lompe' to tuwu' lompe' to mate.

1 Korintus 12:3

Toe pai' kupopo'incai-koi: tauna to mololita ngkai petete' Inoha' Tomoroli', uma hema to mpo'uli' ”Tetotowi-imi Yesus!” Wae wo'o uma hema to mpo'uli': ”Yesus, Hi'a-mi Pue'!” ane uma-i natete' Inoha' Tomoroli'.

Yohanes 14:13

Jadi', napa–napa to niperapi' hante hanga'-ku, bate kuwai'-koi, bona to kubabehi toe mpobila' Tuama-ku.

1 Petrus 1:21

Ngkai Hi'a toe-mi pai' alaa-na mepangala'-mokoi hi Alata'ala. Alata'ala mpopotuwu'-i nculii' pai' nawai'-i kabohea tuwu'-na, alaa-na mepangala' pai' mesarumaka-mokoi hi Alata'ala.

1 Korintus 8:6

Aga hi kita'-tana, muntu' hadua Alata'ala, Hi'a-mi Tuama-ta to mpajadi' hawe'ea to ria, Hi'a-wadi toaa' katuwua'-ta. Pai' hadua wo'o-wadi Pue'-ta, Yesus Kristus, Hi'a-mi to napopale Alata'ala mpajadi' hawe'ea to ria, Hi'a to mpowai'-ta katuwua'.

Pangila 3:5

”Hema to medagi, kuheai wo'o-ra-rawo mpai' hante pohea to bula. Hanga'-ra uma kupori ngkai rala Buku Katuwua', buku po'ukia' hanga'-ra to mporata katuwua' to lompe' duu' kahae–hae-na. Pai' hi nyanyoa Tuama-ku pai' mala'eka-na kupangaku' kahira'-na topetuku'-ku.

Matius 10:32

”Hema–hema to mpangaku' hi doo kahi'a-na topetuku'-ku, hi'a wo'o mpai' kupangaku' hi Tuama-ku to hi rala suruga, ku'uli': ’Tau toei topetuku'-ku.’

Suro 10:36

Toi-mi kareba to naparata Alata'ala hi kai' to Yahudi, kareba to mpakanoto ohea-na bona posidaia' Alata'ala hante manusia' ma'ala jadi' lompe' nculii' hante petolo'-na Yesus Kristus. Yesus toei, Pue' hawe'ea manusia'.

Suro 2:36

Jadi', toe pai' hawe'ea to Israel kana mpo'inca mpu'u–mpu'u: Yesus to niparika'-e, Hi'a toe-mi to napelihi Alata'ala jadi' Pue' pai' Magau' Topetolo'.”

Yohanes 9:22

Tina pai' tuama-na mpo'uli' hewa toe, apa' me'eka'-ra hi topoparenta to Yahudi. Apa' hibalia-mi pohawa'-ra: hema–hema to mpo'uli' kaYesus-na Magau' Topetolo' rapopalai ngkai tomi posampayaa.

Yohanes 5:23

Nababehi toe, bona hawe'ea tauna mpobila'-a hewa pompobila'-ra Tuama-ku. Hema to uma mpobila'-a, uma wo'o-ra mpobila' Tuama-ku to mposuro-a.

2 Yohanes 1:7

Ku'uki'-kokoi tohe'i-e, apa' wori' topebagiu modao' hi humalili' dunia'. Uma-ra mpangala' kaYesus-na Magau' Topetolo' to mewali manusia'. Tauna to hewa toe, topebagiu-ra pai' bali' Kristus mpu'u-ra.

1 Korintus 15:47

Manusia' to lomo'-na rapajadi' ngkai tana', pai'-i mo'oha' hi wongko dunia' toi. Aga Kristus ma'ala rahanga' Adam karodua-na. Hi'a, ngkai suruga-i-hana.

Roma 15:9

Tumai-i hi dunia' toi bona tauna to bela-ra to Yahudi mpo'une' Alata'ala sabana kalompe' nono-na hi hira'. Hi rala Buku Tomoroli' ria lolita to mpolowa tempo tauna to bela-ra to Yahudi mpo'une' Alata'ala hangkaa–ngkania hante to Yahudi. Moni-na hewa tohe'i: ”O Alata'ala, kubila'-ko hangkaa–ngkania hante tauna to bela-ra to Yahudi. Morona'-a mpo'une' hanga'-nu.”

Yohanes 20:28

Na'uli' Tomas: ”Pue'-ku! Alata'ala-ku!”

Yohanes 17:1

Ka'oti-na Yesus mpo'uli' hawe'ea toe, mengoa'-imi hi langi' pai'-i mosampaya, na'uli': ”Tuama-ku, rata-mi tempo-na! Pomobohe-ama Aku' Ana'-nu, bona Aku' wo'o mpomobohe-ko Mama.

Yohanes 12:42

Aga nau' wae, wori' moto pangkeni to Yahudi to mepangala' hi Yesus. Aga mepangala' bongo-ra-wadi, apa' me'eka'-ra nee–neo' mpai' to Parisi mpopalai-ra ngkai tomi posampayaa.

Lukas 2:11

Eo toe lau hi ngata Magau' Daud, putu-mi Magau' Tompohore-koi ngkai huku' jeko'-ni, Hi'a-mi Kristus, Pue'.

Yohanes 14:23

Na'uli' Yesus: ”Kupopehuwu woto-ku hi tauna to mpoka'ahi'-a pai' to mpotuku' lolita-ku. Tuama-ku mpoka'ahi' tauna to hewa toe. Tuama-ku pai' Aku' hilou hi tauna toera, pai' mo'oha'-makai dohe-ra.

Yohanes 13:14

Aku' Pue' pai' Guru-ni mobago hewa hadua batua mpobohoi' witi'-ni. Jadi', koi' wo'o kana momebohoi' ngkawiti'.