Filipi 2:1 - Buku Tomoroli' Pojanci to Bo'u

¹ Jadi' ompi'–ompi', ku'inca katerohoi-na nono-ni apa' mosidai'-mokoi hante Kristus. Tetanta'u-mi nono-ni apa' napoka'ahi'-mokoi. Hintuwu'-mokoi apa' ngkai petete' Inoha' Tomoroli'. Momepoka'ahi'-koi hadua bo hadua.

Filipi 2:1 Iomraidhean Croise

Lukas 2:25

Hi Yerusalem nto'u toe, ria hadua tauna to rahanga' Simeon. Simeon toei, tau monoa' to mengkoru hi Alata'ala. Inoha' Tomoroli' mpodohei-i, pai'-i ncarumaka kaneo'-na rata-mi tempo-na Alata'ala mpotulungi muli Israel.

Yohanes 14:18

”Uma-koi kupalahii jadi' ilu. Nculii' moto-a mpai' tumai hi koi'.

Yohanes 14:27

”Kalompea' kutu'u-kokoi. Kalompea' to ngkai Aku' moto-mi to kuwai'-kokoi. To kuwai'-kokoi toi-e, uma hewa to nirata ngkai dunia' toi. Neo' susa' nono-ni, pai' neo' me'eka'.

Yohanes 17:13

”Wae-e lau, tilou-ama Mama. Hawe'ea tohe'i ku'uli' bula-ku dohe-ra-pidi hi dunia' toi, bona gana mpu'u kagoea'-ra hante kagoea' to ngkai Aku'.

Suro 2:46

Butu eo-na morumpu-ra hi Tomi Alata'ala. Mpopihe–pihe-ra roti mpokiwoi kamate-na Pue' Yesus, pai' ngkoni'-ra hangkaa–ngkania hi rala tomi-ra hante goe' pai' karoli'–roli' nono-ra.

Suro 4:32

Hawe'ea topepangala' hi Yesus, tuwu' hintuwu' pai' hanono lau-ra-damo. Uma ria haduaa to mpo'uli': ”Tohe'i anu-ku moto-kuwo.” Hawe'ea to ria hi hira' rapodulua hangkaa–ngkania.

Roma 5:5

Pai' ane ncarumaka Alata'ala-ta-damo, uma-ta mpai' hala'ulu. Napadupa' hawe'ea janci-na hi kita'. Ta'inca toe, apa' tarasai ahi' Alata'ala hi rala nono-ta ngkai pobago-na Inoha' Tomoroli' to nawai'-taka.

Roma 8:26

Wae wo'o Inoha' Tomoroli' mpotulungi-ta hi rala kalentea-ta. Apa' uma ta'incai mpu'u napa to kana ta'uli' hi rala posampaya-ta. Aga Inoha' Tomoroli' mpodohei-ta mpohowa' pomperapia'-ta hi Alata'ala hante pekakae to meliu ngkai pakulea' basa manusia'.

1 Korintus 12:13

Wae wo'o kita'. Kita' omea hewa hameha' woto-tamo, apa' Alata'ala mponiu'-ta omea hante Inoha' Tomoroli' to hibalia. Ba to Yahudi-ta ba bela-ta to Yahudi, to tuwu' batua ba to tuwu' maradika, kita' omea mporata Inoha' Tomoroli' to hibalia.

1 Korintus 15:31

Aku'-le, butu eo-na olo' mpobira'-a tuwu' sabana pobago-ku mpokeni Kareba Lompe'. Mpu'u ompi'! Napa to ku'uli'-kokoi makono lia, pai' bohe mpu'u nono-ku sabana koi' ompi', apa' mepangala'-mokoi hi Pue'-ta Kristus Yesus.

1 Korintus 3:16

Ha uma ni'incai ompi': koi'-le hewa tomi to napo'ohai' Alata'ala. Inoha' Alata'ala mo'oha' hi laintongo'-ni.

2 Korintus 2:14

Aga mpo'uli'-a tarima kasi hi Alata'ala, apa' ngkai posidaia'-ta hante Kristus natete' oa'-ta dohe-na pai' nawai'-tamo pedagia. Batua-na, hiapa kahiloua-kai, kipalele Kareba Lompe' bona hawe'ea tauna mpo'epe pai' mpo'inca Alata'ala.

Galatia 4:6

Jadi', apa' lawi' ana' Alata'ala-tamoe, Alata'ala mpohubui Inoha' Ana'-na mo'oha' hi rala nono-ta. Ngkai pobago Inoha' Tomoroli' hi rala nono-ta toe, mekio'-ta hi Alata'ala, ta'uli'-ki: ”O Mama! O Tuama-ku!”

Galatia 5:22

Tapi' ane natete'-ta Inoha' Tomoroli', kehi-ta hewa toi: mpoka'ahi' doo-ta, goe'-ta, rodo nono-ta, mosabara, mo'olu pai' lompe' kehi-ta, tida pepangala'-ta,

Efesus 4:4

Hawe'ea-ta to mepangala' hi Yesus Kristus, hewa to hawoto lau-ta-wadi, pai' hadua lau-wadi Inoha' Tomoroli' to hi rala nono-ta omea. Hibalia-wadi poncarumakaa-ta omea, apa' Alata'ala mpokio'-ta jadi' ana'-na.

Filipi 1:8

Alata'ala mposabii' kamakono-na lolita-ku tohe'i. Lentora mpu'u-a ngkalentorai-koi omea, pai' kalentora-ku toi, hewa ahi'-na Kristus Yesus moto.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

Kolose 2:2

Pai' ku'uli'-kokoi toe, bona terohoi nono-ni omea pai' momepoka'ahi'-koi, duu'-na hintuwu'-mokoi. Konoa-ku, bona monoto mpu'u nono-ni mpopaha patuju-na Alata'ala to ko'ia ra'incai manusia' ngkai owi. Konoa-ku, bona ni'inca patuju-na Alata'ala toe hante uma ria kamoraraa'-na–batua-na, bona ni'inca-imi Kristus.

Kolose 3:12

Alata'ala mpoka'ahi'-ta pai' napelihi-tamo jadi' bagia-na to moroli'. Toe pai' kana mometulungi-ta pai' lompe' nono-ta hadua bo hadua, pakadingki' nono-ta, paka'olu kehi-ta, pai' mosabara hi doo.

Ibrani 6:18

Alata'ala, uma-i boa' mpo'uli' janci-na, uma wo'o-i boa' mpohowa' sumpa-na. Pai' lolita-na to ronyala toe uma mobali'. Jadi', ngkai pojanci pai' posumpa-na Alata'ala toe, moroho-mi nono-ta ompi'. Apa' kita' toi, tauna to mpopepotuwu' hi Alata'ala, tasarumaka Hi'a-damo to mpowai'-ta kalompea'. Ngkai pojanci pai' posumpa Alata'ala toe, terohoi-mi nono-ta bona neo' tabahakai ncarumaka Alata'ala pai' mpopea napa to najanci-taka hi eo mpeno-na.

1 Petrus 1:2

Napelihi-koi Alata'ala to Tuama apa' wae-mi patuju-na ngkai lomo'-na. Napelihi-koi hante pobago Inoha' Tomoroli' to mpopajadi'-koi bagia-na, alaa-na mengkoru-mokoi hi Yesus Kristus pai' napomoroli'-mokoi hante raa'-na. Wori' tabe: mekakae-a hi Alata'ala bona nawai'-koi kawoo–woria' gane'-na pai' kalompea' tuwu'.

1 Yohanes 3:24

Tauna to mpotuku' hawa' Alata'ala, tida-ra hintuwu' hante Hi'a, pai' Hi'a hante hira'. Toi-mi pompetonoi-na bona ta'inca katida-na Alata'ala hintuwu' hante kita', apa' nawai'-tamo Inoha'-na.

1 Yohanes 4:12

Ko'ia ria haduaa to mpohilo-i Alata'ala. Aga nau' wae, ane momepoka'ahi'-tamo hadua bo hadua, Alata'ala tida hintuwu' hante kita', pai' incana mpu'u hi pokehii-ta katapoka'ahi'-na Alata'ala.

1 Yohanes 4:16

Toe pai' ta'inca-mi pai' tapangala'-mi kanapoka'ahi'-ta Alata'ala. Alata'ala, ma'ahi'-i. Ane tida-ta mpoka'ahi' ompi'-ta, tida wo'o-ta hintuwu' hante Alata'ala, pai' Alata'ala hante kita'.