Filipi 1:7 - Buku Tomoroli' Pojanci to Bo'u

⁷ Toto-na lia-a mpoinono-koi omea hewa toe-e ompi', apa' kupoka'ahi'-koi, apa' hampobagoa-ku omea-koi hi rala pobago to nawai'-ka Alata'ala toi. Nitulungi ncuu-a, lompe' bula-ku rala tarungku' toi-e, lompe' nto'u-ku mpo'uli' noa'-ku pai' mpakanoto kamakono-na Kareba Lompe'.

Filipi 1:7 Iomraidhean Croise

Suro 20:23

Sampale-wadi to ku'inca, hi butu ngata to kukahiloui-mi wengi, Inoha' Tomoroli' mpakanoto-maka bate rahoo'-a mpai' hi ria pai' mporata kaparia.

Suro 21:33

Kapala' tantara toei hilou mpohoko'-i, pai' nahubui tantara-na mpohoo' pale-na ntimalia hante rante. Oti toe, pai'-i mepekune': ”Hema-i tauna toii-e? Napa to nababehi?”

1 Korintus 13:7

Ane ma'ahi'-ta hi doo, batua-na, tapengkatarii butu nyala kehi-na to uma tapokonoi, taparasaya oa' kehi to lompe' ngkai doo, tasarumaka kalompe'-na mpai' kehi-na, pai' mosabara oa'-ta nau' ba napa–napa anu merata.

1 Korintus 9:23

Hawe'ea toe kubabehi bona kawoo–woria' tauna to mepangala' hi Kareba Lompe', bona mporata wo'o-a-kuwo kalompea' hante hira'.

2 Korintus 3:2

Koi' moto-mile sura pe'une' kakamua-kaie. Koi' hewa sura to te'uki' rala nono-kai, apa' kipoka'ahi'-koi. Hiapa pomakoa'-kai, kitutura hi hawe'ea tauna kanitarima-na Kareba Lompe' to kikeni.

2 Korintus 7:3

Mololita-a hewa tohe'i, uma ba mposalai'-koi ompi'. Apa' hewa to ku'uli' we'i, bohe ahi'-kai hi koi'–ba mate ba tuwu'-kai, bate kipoka'ahi'-koi.

Galatia 5:6

Ane mosidai'-ta-damo hante Kristus Yesus, ba ratini'-ta ba uma, uma-pi beiwa. Poko-nale, mepangala' hi Yesus, pai' pepangala'-ta toe incana ane ma'ahi'-ta hi doo.

Efesus 3:1

Jadi' ngkai toe-mi, aku' Paulus, batua-na Kristus Yesus, mosampaya hi Alata'ala, mposampayai-koi. Aku' toi, bula-ku ratarungku'-kuna, sabana mpokeni-a Kareba Lompe' hi koi' to bela-koi to Yahudi.

Efesus 4:1

Ngkai toe-mi ompi'–ompi', ohe'i paresa' ngkai aku' to ratarungku' sabana pobago-ku hi Pue': kuparesai'-koi bona mo'ingku-koi hewa to masipato' hi ana' Alata'ala, apa' lawi' nakio'-mokoi jadi' ana'-na.

Efesus 6:20

Pue' Yesus mpo'ongko'-a jadi' suro-na, bona mpokeni-a Kareba Lompe', duu'-na ohe'i-ama hi rala tarungku'. Jadi', posampayai-a-kuwo bona bia'-a mpololita Kareba Lompe' toe hewa to kasipato'-na.

Filipi 1:12

Jadi', bona ni'inca ompi', nau' ratarungku'-a tohe'i-e, goe' moto-a, apa' ngkai karatarungku'-ku toi, kawoo–woria' lau-mi tauna to mpo'epe Kareba Lompe'.

Filipi 1:13

Tantara to mpodoo tomi magau' pai' hawe'ea tauna hi rehe'i mpo'inca karatarungku'-ku toi apa' batua Kristus-a.

Filipi 1:14

Wae wo'o, wori'-mi ompi' hampepangalaa'-ta to hi rehe'i terohoi pepangala'-ra, apa' rahilo napa to jadi' hi aku' bula-ku ratarungku', alaa-na uma-rapa me'eka', kabii–biaa' lau-ramo mpopalele Lolita Alata'ala.

Filipi 1:5

Ku'uli' tarima kasi hi Pue' Alata'ala, apa' ngkai lomo'-na duu' tempo toi-e nitulungi ncuu-a hi rala bago-ku mpopalele Kareba Lompe'.

Filipi 2:22

Aga ane Timotius, nihilo moto-mi-koiwo karoho peparasaya-na. Mobago-i dohe-ku mpopalele Kareba Lompe'. Kai' roduaa, hewa ntali ana'-wadi-kai.

Filipi 4:14

Aga nau' wae, lompe' lia nono-ni ompi' mpotulungi-a hi rala kasusaa'-ku tohe'i-e.

Filipi 4:15

Ompi'–ompi' to Filipi! Lomo' pompohawu'-ku Kareba Lompe' hi ngata-ni, pai'-a me'ongko' ngkai propinsi Makedonia, uma ria to Kristen hi ngata ntani'-na to mpopakatui-a doi. Muntu' koi'-wadi ompi' to mpohorongko-a nto'u toe, hewa to ni'inca moto-mi ompi'.

Filipi 4:3

Pai' kuperapi' hi iko, Sunsugus, ema'-ku to tida, tulungi-ra-rawo tobine to rodua toera, bona neo'-rapa mosisala. Bula-ku hi retu-pidi dohe-ni, mobago ntomo-ra mpodohei-a mpopalele Kareba Lompe', hante Klemens pai' wo'o doo–doo hampobagoa-ku to ntani'-na. Hanga'-ra ria omea te'uki' hi rala Buku Katuwua'.

Kolose 4:18

Tabe ngkai aku' Paulus. Ka'omea sura toi ku'uki' hante pale-ku moto. Kiwoi-a-kuwo bula-ku hi rala tarungku'-pidi toi. Pue' mpogane'-koi. Hudu rei-mi.

Kolose 4:3

Pai' kai', niposampayai wo'o-ka-kaiwo, bona nabea-kakai Alata'ala ohea mpopalele Lolita-na to mpololita patuju-na to napadupa' Kristus. Patuju-na toe ko'ia ra'incai manusia' ngkai owi, aga hewa toe lau, aku'-mi to mpopalele Kareba Kristus toe. Toe pai' ratarungku'-ama tohe'i-e.

1 Tesalonika 5:5

Mobaja-mi nono-ni omea, mo'ingku-koi hewa tauna to momako' hi eo-na. Uma-ta hewa tauna to mpobabehi gau' to dada'a hi rala kabengia-na.

2 Timotius 1:8

Toe pai' kuparesai'-ko, bona neo'-ko me'ea' jadi' sabi' Pue'-ta, pai' neo' wo'o-ko me'ea' mpangaku' ka'aku'-na doo-nu apa' ratarungku'-a-kuna. Apa' pai'-a ratarungku' toi-e, sabana pobago-ku mpokeni Kareba Pue'. Jadi' iko wo'o Timotius, kana mosadia wo'o-ko-kowo mpokolo kaparia sabana pobago-nu mpokeni Kareba Lompe'. Alata'ala moto to mpowai'-ko karohoa mpokolo kaparia toe.

2 Timotius 2:9

Ngkai kampokeni-ku Kareba Lompe' toe-mi, pai' alaa-ku ngkolo kaparia, duu'-na oi-ama rahilu' hi rala tarungku' hewa tauna to dada'a. Aga Lolita Alata'ala uma-hana tehilu'.

Filemon 1:13

Ane nono-kule, kutaha-i-pidi hi rehe'i dohe-ku kuponcawa sampei-nu, bona hi'a-damo mpotulungi-a bula-ku ratarungku' sabana pobago-ku mpokeni Kareba Lompe'.

Ibrani 3:1

Ompi'–ompi' to napobagia Alata'ala pai' to nakio' mesua' hi suruga! Penoto' kahema-nai Suro Alata'ala pai' Imam Bohe to taparasaya, Hi'a-mi Yesus.

1 Petrus 4:13

Pokagoe' lau-mi-hana, apa' lawi' mporata-mokoi bagia hi rala kaparia to narata-mi Kristus. Ngkai toe-mi ompi', ane rata-damo tempo-na Kristus mpopehuwu kabohe tuwu'-na hi hawe'ea tauna, uma mpai' mowo kagoe'-ni.

1 Petrus 5:1

Ria wo'o pomperapia'-ku hi koi' to jadi' pangkeni hi rala agama. Ku'uki'-kokoi tohe'i apa' aku' wo'o hadua pangkeni agama, pai' kusabii' moto-mi kaparia to narata Kristus owi. Pai' ane rata nculii'-ipi mpai' Kristus mpopehuwu kabohe tuwu'-na hi hawe'ea tauna, aku' wo'o mporata bagia hi rala kabohe tuwu'-na toe.

2 Petrus 1:13

Apa' ku'inca neo' rata-mi ioa'-ku, hewa to na'uli'-ka Pue'-ta Yesus Kristus. Jadi', ane da tuwu'–tuwu'-a-pidi, masipato' ku'uli' oa' lolita-ku mpo'apui nono-ni pai' mpopokiwoii-koi hawe'ea toe lau.

1 Yohanes 3:14

Ane mpoka'ahi'-ta ompi'-ta, ta'inca katebahaka-tami ngkai kamatea pai' mporata-tamo katuwua' to lompe' duu' kahae–hae-na. Tauna to uma mpoka'ahi' ompi'-ra, ko'ia-ra tebahaka ngkai kamatea.