Filipi 1:6 - Buku Tomoroli' Pojanci to Bo'u

⁶ Alata'ala moto-mi to mobago hi rala nono-ni mpobago bago to lompe', pai' kuparasaya pobago to natepu'u-mi tetu napokaliliu duu'-na hudu hi eo karata-na nculii' Kristus Yesus.

Filipi 1:6 Iomraidhean Croise

Yohanes 6:29

Na'uli' Yesus: ”Toi-mile pobago to napokono Alata'ala-e: mepangala' hi Aku' to nasuro.”

Suro 11:18

Kara'epe-na toporumpu toera lolita Petrus, rabahakai-mi mposalai'-i. Mpo'une' Alata'ala lau-ramo, ra'uli': ”Ane wae-tano, natarima moto-ra-rawo Alata'ala tauna to bela-ra to Yahudi, napalogai-ra medea ngkai jeko'-ra duu'-na mporata katuwua' to lompe' duu' kahae–hae-na.”

Suro 16:14

Ria hadua tobine to rahanga' Lidia ngkai ngata Tiatira. Lidia toei, tauna to mepue' hi Alata'ala. Pobago-na, mpobalu' kain to molei jore' to masuli' oli-na. Pue' Ala mponotohi nono-na, alaa-na natarima mpu'u-mi napa to natudui'-ki Paulus.

1 Korintus 1:8

Narohoi-koi duu' hi ka'omea dunia', bona ane rata-ipi nculii' Pue'-ta Yesus Kristus, narata-koi hante uma ria kasalaia'-ni.

2 Korintus 1:15

Jadi', apa' ku'uli' ni'inca mpu'u ihi' nono-kue, toe pai' ria patuju-ku wengi mpencuai'-koi rongkani, bona mporata wo'o-koi rasi' rongkani. Patuju-ku wengi, ke tilou ncala'-a mpencuai'-koi hi pomako'-ku tumai hi Makedonia, pai' ane nculii'-apa mpai' ngkai rei, kupehanii wo'o-koi, bona nitulungi-a hi pomakoa'-ku hilou hi Yudea.

2 Korintus 2:3

Toe-mile patuju-ku mpo'uki' sura toe-e wengi, bona ane rata mpu'u-a mpai', uma-pi nipakasusa' nono-ku. Apa' kakoo–kono-na, koi'-dile to kana mpakagoe' nono-kue. Pai' monoto hi aku', ane goe'-a, koi' wo'o mpai' goe'.

2 Korintus 7:16

Jadi' ompi'–ompi', hangkani-pi ku'uli': goe' lia-ama toi-e, apa' lompe' nculii'-mi posidaia'-ta, ma'ala-ama mposarumaka-koi hi butu nyala-na.

2 Korintus 9:4

Apa' ane ria-ra mpai' to Makedonia to mpo'emai'-a tilou, pai' ane rapa'-na ko'ia terumpu doi petulungi-ni tetu-e, uma mpai' mowo ea'-kai, apa' mpolia' ki'une'-mokoie. Koi' wo'o mpai' me'ea' ompi'.

Galatia 5:10

Aga nau' wae, apa' hintuwu'-tamo hi rala Pue', bate kuparasaya ka'uma-na mpai' nipangalai'-ra to mpokeni tudui' to boa' tetu. Pai' tauna to mpaka'ingu'-koi tetura lou, bate nahuku'-ra mpai' Alata'ala, uma napenara' ba hema-ra.

Efesus 4:12

Nabagi-taka rasi' toe bona hawe'ea topetuku'-na rarewai hono', bona tapakule' mpewili' bago-na pai' bona kamoroo–rohoa posidaia'-ta hante Hi'a pai' hi himpau ompi' hampepangalaa'-ta hi rala Woto Kristus.

Filipi 1:10

Ane hewa toe-mokoi ompi', ni'inca mpu'u-mi mpelihi napa to meliu kalompe'-na. Mosampaya-a bona moroli' katuwu'-ni hante uma ria kasalaia'-na hi eo karata-na nculii' Kristus.

Filipi 1:29

Neo'-koi me'eka', apa' Alata'ala mpelihi-koi uma muntu' mepangala' hi Kristus, tapi' napelihi wo'o-koi bona mporata kaparia bona hanga' Kristus rapomobohe.

Filipi 2:12

Toe-mi ompi' to kupe'ahi', ku'inca kampotuku'-ni hawa'-ku. Bula-ku ria dohe-ni, nituku' mpu'u hawa'-ku. Jadi', peliu–liu-nami tempo toi bula-ku molaa, kuperapi' bona nipelompehi mpu'u po'ingku-ni, hewa to masipato' hi tauna to nahore Alata'ala ngkai huku' jeko'-ra. Mengkoru-mokoi hi Alata'ala, pai' poka'eka' mpu'u-koi mpobabehi po'ingku to dada'a.

Filipi 2:13

Apa' Alata'ala moto-mi to mobago hi rala nono-ni, pai' alaa-na dota-koi mpotuku' konoa-na, pai' nawai' wo'o-koi karohoa mpotuku' konoa-na.

Filipi 2:16

apa' niparata-raka Kareba Lompe' to ngkeni katuwua'. Ane hewa toe po'ingku-ni ompi', bohe mpai' nono-ku hi karata-na nculii' Kristus. Apa' po'ingku-ni toe-mi to mpakanoto hawe'ea bago-ku uma wa bayangi', ria moto wua'-na.

Kolose 2:12

Nto'u karaniu'-ta hi rala hanga' Kristus, ma'ala-mi ta'uli' mate pai' ratana wo'o-ta hangkaa–ngkania hante Kristus. Pai' nto'u karaniu'-ta hi rala hanga' Kristus toe, ma'ala ta'uli' rapotuwu' nculii' wo'o-tamo hangkaa–ngkania hante Hi'a, sabana pepangala'-ta hi baraka' Alata'ala to mpopotuwu'-i nculii' ngkai kamatea.

1 Tesalonika 1:3

Ane mosampaya-kai hi Alata'ala Tuama-ta, kikiwoi oa' pobago-ni to nipobago sabana pepangala'-ni, pai' kikiwoi wo'o petulungi-ni hi doo sabana ahi'-ni, pai' kikiwoi kantaha-ni hi rala pebalinaia' apa' ncarumaka-koi hi karata-na nculii' Yesus Kristus Pue'-ta.

2 Tesalonika 1:11

Toe-mi pai' kiposampayai oa'-koi ompi'. Hi posampaya-kai toe ki'uli' hewa toi: ”O Alata'ala Tuama-kai! Kiperapi' bona to Tesalonika toera nupajadi' to masipato' rahanga' topetuku'-nu, apa' lawi' nupelihi-ramo jadi' topetuku'-nu. Kiperapi' bona hante baraka'-nu nupadupa' hawe'ea patuju-ra doko' mpobabehi to lompe', pai' nuposipolea hawe'ea pobago-ra to rapobago sabana pepangala'-ra hi Pue' Yesus.” Toe-mi sampaya-kai mposampayai-koi ompi'.

2 Tesalonika 3:4

Jadi', apa' lawi' Pue' to mpewili'-koie, toe pai' monoa'-mi ki'inca kanituku'-na napa to kitudui'-kokoi, pai' nipokaliliu mpai' mpotuku' napa–napa to kitudui'-kokoi.

Filemon 1:21

Mpo'uki'-a sura tohe'i, kusarumaka nubabehi napa to kuperapi'. Pai' kuparasaya bate melabi pobabehi-nu ngkai to kuperapi'.

Ibrani 10:35

Nto'u toe ompi', moroho mpu'u pepangala'-ni hi Pue'. Jadi', pepangala'-ni to moroho toe neo'-hawo nibahaka, apa' ane tida-koi mepangala', bohe mpai' hiwili-na.

Ibrani 12:2

Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

1 Petrus 5:10

Pai' ane timpaliu-damo kaparia to hangkale'liu toe-e, Alata'ala moto mpakahono' to kura' hi koi': batua-na, narohoi, napomonoa' pai' napakatida-koi. Apa' Hi'a-mi pehupaa' hawe'ea ahi'. Hi'a to mpokio'-koi jadi' ana'-na, bona ngkai posidaia'-ni hante Kristus, mporata-koi bagia hi rala kabohe tuwu'-na to uma ria kahudua-na.

2 Petrus 3:10

Aga bate rata moto-i mpai' Pue'-e! Pai' karata-na toe mekoncehi lia hewa karata topanako. Hi eo toe mokero langi' hante moni to paguru, pai' butu nyala-na pumpu ridi' nakoni' apu, pai' dunia' toi hante hawe'ea ihi'-na mampu hangkaa–ngkania.