Filipi 1:5 - Buku Tomoroli' Pojanci to Bo'u

⁵ Ku'uli' tarima kasi hi Pue' Alata'ala, apa' ngkai lomo'-na duu' tempo toi-e nitulungi ncuu-a hi rala bago-ku mpopalele Kareba Lompe'.

Filipi 1:5 Iomraidhean Croise

Suro 2:42

Topetuku' Yesus to bo'u toera ntora mpopetudui' hi suro Pue' Yesus, pai' tida-ra morumpu hangkaa–ngkania. Ngkoni'-ra hangkaa–ngkania, mpopihe–pihe roti mpokiwoi kamate-na Pue' Yesus, pai' mosampaya wo'o-ra hangkaa–ngkania.

Roma 12:13

Tulungi doo hampepangalaa'-ta to hi rala kakuraa'-ra. Jole' metorata.

1 Korintus 1:9

Alata'ala mpokio'-koi bona hintuwu'-koi hangkaa–ngkania hante Ana'-na, Yesus Kristus Pue'-ta, pai' napadupa' oa' janci-na hi kita'.

2 Korintus 8:1

Kakaliliua-na ompi', doko' ki'uli'-kokoi napa to jadi' hi rehe'i lau hi tana' Makedonia. Bohe petulungi-na Pue' hi ompi' hampepangalaa'-ni to Makedonia.

Filipi 1:12

Jadi', bona ni'inca ompi', nau' ratarungku'-a tohe'i-e, goe' moto-a, apa' ngkai karatarungku'-ku toi, kawoo–woria' lau-mi tauna to mpo'epe Kareba Lompe'.

Filipi 1:16

Hira' mpopalele Kareba Kristus apa' nakeni ahi'-ra, apa' ra'inca ka'aku'-na to na'ongko' Alata'ala jadi' suro-na to mpakanoto Kareba Lompe' hi hawe'ea tauna.

Filipi 1:27

Jadi', nau' ba napa to jadi' hi aku', po'ingku-ni kana to masipato' hi tauna to mpotuku' Kareba Lompe' Kristus. Ba kupohirua'-pidi-kokoi mpai' ompi' ba uma-pi, kusarumaka ku'epe moto mpai' kareba to mpo'uli' katida pokore-ni, hanono pai' hintuwu'-koi mobago bona wori' tauna mepangala' hi Kareba Lompe'.

Filipi 1:7

Toto-na lia-a mpoinono-koi omea hewa toe-e ompi', apa' kupoka'ahi'-koi, apa' hampobagoa-ku omea-koi hi rala pobago to nawai'-ka Alata'ala toi. Nitulungi ncuu-a, lompe' bula-ku rala tarungku' toi-e, lompe' nto'u-ku mpo'uli' noa'-ku pai' mpakanoto kamakono-na Kareba Lompe'.

Filipi 2:12

Toe-mi ompi' to kupe'ahi', ku'inca kampotuku'-ni hawa'-ku. Bula-ku ria dohe-ni, nituku' mpu'u hawa'-ku. Jadi', peliu–liu-nami tempo toi bula-ku molaa, kuperapi' bona nipelompehi mpu'u po'ingku-ni, hewa to masipato' hi tauna to nahore Alata'ala ngkai huku' jeko'-ra. Mengkoru-mokoi hi Alata'ala, pai' poka'eka' mpu'u-koi mpobabehi po'ingku to dada'a.

Filipi 2:22

Aga ane Timotius, nihilo moto-mi-koiwo karoho peparasaya-na. Mobago-i dohe-ku mpopalele Kareba Lompe'. Kai' roduaa, hewa ntali ana'-wadi-kai.

Filipi 4:3

Pai' kuperapi' hi iko, Sunsugus, ema'-ku to tida, tulungi-ra-rawo tobine to rodua toera, bona neo'-rapa mosisala. Bula-ku hi retu-pidi dohe-ni, mobago ntomo-ra mpodohei-a mpopalele Kareba Lompe', hante Klemens pai' wo'o doo–doo hampobagoa-ku to ntani'-na. Hanga'-ra ria omea te'uki' hi rala Buku Katuwua'.

Filemon 1:17

Toe-mi ompi', lawi' aku' nuponcawa ema' hampepangalaa'-nue, kuperapi' bona nudoa-imi nculii' Onesimus hewa pompodoa-nu aku'.

Ibrani 3:14

Apa' kita' tohe'i, mporata-tamo bagia hi rala Kristus, asala napa to taparasaya ngkai lomo'-na takakamu ncuu hante nono to uma morara' duu' hi ka'omea-na.

2 Petrus 1:1

Sura toi ngkai aku', Simon Petrus, batua pai' suro-na Yesus Kristus, kupakatu tilou hi ompi'–ompi' to bela-koi to Yahudi to mepangala'-mi hi Yesus Kristus hibalia hante kai'. Yesus Kristus toei, Hi'a-mi Alata'ala pai' Magau' Tompohore-ta ngkai huku' jeko'-ta. Napajadi'-koi mepangala' hibalia hante kai' apa' pobabehi-na monoa'.

1 Yohanes 1:3

Napa to oti kihilo pai' to ki'epe, toe-mi to kiparata-kokoi, bona hintuwu'-koi hangkaa–ngkania hante kai'. Pai' kahintuwua'-ta tohe'i-e, kahintuwua' hante Alata'ala to Tuama pai' Yesus Kristus Ana'-na.

1 Yohanes 1:7

Ane momako'-ta hi rala kabajaa-na, hewa Alata'ala ria hi rala kabajaa-na, hintuwu'-tamo hadua pai' hadua, pai' nabohoi'-ta ngkai hawe'ea jeko'-ta sabana raa' Yesus Ana'-na to mate jadi' tolo' woto-ta.