Filipi 1:21 - Buku Tomoroli' Pojanci to Bo'u

²¹ Apa' ane aku' tuwu', Kristus-mile to tuwu' hi rala tuwu'-kue. Pai' nau' ba mate-a, kurasi' lia.

Filipi 1:21 Iomraidhean Croise

1 Korintus 1:30

Muntu' ngkai Alata'ala-hanale pai'-ta mosidai' hante Kristus Yesus-e. Ngkai Kristus Yesus, ta'inca-mi kanoto nono-na Alata'ala: Hi'a-mi to mpomonoa'-ta hi poncilo Alata'ala, napomoroli'-ta jadi' bagia-na, pai' nabahaka-ta ngkai hawe'ea to dada'a.

1 Korintus 3:22

Apolos, Petrus, aku', nawai'-mikokoi omea Alata'ala bona mpotulungi-koi. Nawai'-mokoi katuwua' to bo'u, nabahaka-koi ngkai kamatea. Hawe'ea to hi dunia' tohe'i, hawe'ea to jadi' tempo toi, hawe'ea to jadi' hi eo mpeno-na, bate na'atoro' bona mpowai'-koi kalompea'. Hawe'ea toe bate bagia-ni ompi'.

2 Korintus 5:1

Woto-ta hi dunia' toi hewa tomi to tapo'ohai' hampai'-wadi. Pai' ta'inca moto, ane tomi-ta toi rakero (batua-na, ane mate-ta), Alata'ala mporodo-taka hameha' tomi hi suruga, to uma rababehi manusia' pai' to tida duu' kahae–hae-na (batua-na, woto-ta to bo'u).

2 Korintus 5:6

Toe-mi pai' moroho oa' nono-kai. Ta'inca moto, woto-ta toi hewa tomi to tapo'ohai' hi dunia' toi. Jadi', bula-ta tuwu'-pidi hi dunia' toi, molaa-ta ngkai Pue',

2 Korintus 5:8

Jadi', moroho oa' nono-ta. Nau' ba mate mpu'u-ta, taporasi' lau-mi apa' ane mogaa'-ta ngkai woto-ta toi, dohe Pue'-tamo.

Galatia 2:20

Bela-pi aku' to tuwu' toi-e, Kristus-mi-hanale to tuwu' hi rala katuwu'-kue. Jadi', kahae-ku hi rala dunia' toi, bate mepangala'-a hi Ana' Alata'ala to mpoka'ahi'-a pai' to mpewai' woto-na rapatehi mposampei-a.

Galatia 6:14

Aga aku'-e-kuna, uma-a dota mpomobohe nono-ku, muntu' mpomobohe Pue'-ta Yesus Kristus-a, to mate raparika'. Ma'ala-mi ta'uli': nto'u Yesus raparika', aku' wo'o raparika' dohe-na, apa' mogaa'-mi posidaia'-ku hante hawe'ea to hi dunia' toi, uma-pi ria to kusarumaka ntani'-na ngkai Hi'a.

Filipi 1:20

Konoa-ku pai' to kusarumaka lia, bona neo'-a mporata ea' hi pobago-ku toi. Kusarumaka bate bia' ncuu-a mpo'uli' posabi'-ku–peliu–liu-nami tempo toi-e–bona ba tuwu' ba mate-a, hanga' Kristus rapomobohe hi rala woto-ku.

Filipi 1:22

Aga ane tuwu'-a-pada hi dunia' toi, ma'ala-a-pidi mpokamu bago to mokalaua. Jadi', uma ku'incai to'uma-i to kupelihi.

Filipi 1:23

To ronyala toe mpomediii' nono-ku. Doko' lia-a mpalahii dunia' toi pai' hilou tida dohe Kristus, apa' toe to meliu kalompe'-na.

Filipi 2:21

Ane to ntani'–ntani'-naera, mpenonoi woto-ra moto-ra-wadi, uma-ra mpenonoi konoa-na Yesus Kristus.

Pangila 14:13

Oti toe mpo'epe-a libu' ngkai suruga to mpo'uli': ”Uki'-mi tohe'i: Ntepu'u ngkai wae lau, marasi'-ra tauna to mate to mepangala' hi Pue'.” Natompoi' Inoha' Tomoroli': ”Bate makono lia tetu-e! Apa' mento'o-ramo ngkai powewa-ra, pai' bate mporata-ramo mpai' wua' bago-ra.”