Filipi 1:10 - Buku Tomoroli' Pojanci to Bo'u

¹⁰ Ane hewa toe-mokoi ompi', ni'inca mpu'u-mi mpelihi napa to meliu kalompe'-na. Mosampaya-a bona moroli' katuwu'-ni hante uma ria kasalaia'-na hi eo karata-na nculii' Kristus.

Filipi 1:10 Iomraidhean Croise

Matius 16:23

Hampe'ili' Yesus mpo'uli'-ki Petrus: ”Palai-ko topesori! Doko' nulawa'-a, bona ngalai' neo'-a mpotuku' konoa Tuama-ku? Pekiri-nu tetu-le pekiri manusia', bela pekiri Alata'ala.”

Matius 26:33

Ngkai ree, na'uli'-mi Petrus: ”Nau' hawe'ea tauna molengo pepangala'-ra hi Iko Pue', aku' uma!”

Yohanes 1:47

Yesus mpohilo Natanael tumai mpohirua'-ki, na'uli': ”Etu-i tumai hadua to Yahudi to mpo'uhi mpu'u kehi-na Israel ntu'a-na owi, bela-i topebagiu!”

Yohanes 3:20

Hawe'ea tauna to mpobabehi kehi to dada'a, mpokahuku' baja. Uma-ra dota rata hi kabajaa-na, bona neo' mpai' kahiloa kehi-ra to dada'a.

Suro 24:16

Toe pai' kuhuduwukui oa' mpobabehi po'ingku to lompe', bona ku'inca hi rala nono-ku ka'uma-na ria sala'-ku, ba hi poncilo Alata'ala ba hi poncilo manusia'.

Roma 12:2

Neo' nituku' kehi tauna to uma mpo'incai Alata'ala. Pelele' Alata'ala mpobalii' kehi-ni hi kanabo'ui-na pekiri-ni. Apa' ane hewa toe-damo, ni'inca mpu'u-mi patuju Alata'ala hi rala katuwu'-ni. Ni'inca kalompe' patuju-na toe, to mpakagoe' nono-na, pai' to uma ria kakuraa'-na.

Roma 12:9

Poka'ahi' mpu'u doo-ni, neo' rapo'ada-wadi. Tadi kehi to dada'a, kakamu kehi to lompe'.

Roma 16:17

Ompi'–ompi'! Kupopo'ingai' mpu'u-koi, peloo–lompehi-koi hi tauna to mpobabehi pogaaa' pai' to doko' mpopanawu'-koi hante tudui'-ra to mosisala hante tudui' to ratudui'-mitaka. Laahi-ra tauna to hewa toe!

Roma 2:18

Kita' to Yahudi, ta'inca konoa Pue' pai' ta'inca mpoposisala napa to lompe' pai' napa to dada'a, apa' tarata tudui' ngkai Atura Pue'.

Roma 7:16

Tapi' ane kubabehi po'ingku to uma kupokonoi, batua-na kupangaku' kalompe'-na Atura Pue'.

Roma 7:22

Hi rala nono-ku kupokono Atura Pue' Ala.

Roma 8:7

Tauna to ntora mpotuku' kahinaa nono-ra to dada'a mpo'ewa Alata'ala. Uma-ra mengkoru hi hawa'-na, apa' gati uma rakulei' mengkoru hi hawa'-na.

1 Korintus 1:8

Narohoi-koi duu' hi ka'omea dunia', bona ane rata-ipi nculii' Pue'-ta Yesus Kristus, narata-koi hante uma ria kasalaia'-ni.

1 Korintus 10:32

Neo' mpobabehi napa–napa to mpopanawu' doo, ba to Yahudi-ra ba bela-ra to Yahudi ba hingka doo-ta to Kristen to napobagia Alata'ala.

1 Korintus 8:13

Toe pai' ku'uli'-kokoi: ane rapa'-na ngkai kehi-ku mpokoni' bau' ba napa–napa pai' alaa-na monawu' ompi'-ku, bate uma-apa ngkoni' bau' toe duu' kahae tuwu'-ku. Nee–neo' mpai' ngkai aku'-kuna pai' monawu' ompi'-ku toei.

2 Korintus 1:12

Bohe nono-kai ompi', apa' ki'inca kamoroli' mpontolumanu'-na nono-kai. Monoa' po'ingku-kai hi hawe'ea tauna, peliu–liu-nami po'ingku-kai hi koi'. Hawe'ea to kibabehi, uma ria to kiwunii', monoa' patuju-kai, bate ntuku' konoa Alata'ala. Po'ingku-kai uma ntuku' kapantea manusia', mo'ingku-kai ntuku' petulungi-na Alata'ala hi kai'.

2 Korintus 2:17

Aga uma wo'o-kai hewa tauna hantongo' to doko' mponcawa babalua'-ra Lolita Alata'ala. Moroli' patuju-kai, makono lolita-kai, apa' Alata'ala-mi to mpohubui-kai ngkeni Kareba Kristus, pai' Hi'a wo'o to mpotiroi-kai.

2 Korintus 6:3

Kipelompehi mpu'u bona uma kasalaia' po'ingku-kai, bona neo' mpai' ria to mporuge' pobago-kai mpokeni Lolita Alata'ala.

2 Korintus 8:8

Uma ku'uli'-kokoi tohe'i hewa lolita hawa'. Patuju-ku doko' mpopo'incai-koi beiwa kabohe ahi'-ra to Makedonia mpewai' doi petulungi-ra hi doo, bona kuhilo rata hiapa wo'o-koiwo ahi'-ni.

Galatia 5:11

Ompi'–ompi', ria tauna to mpo'uli' aku' moto mpotudui' tauna mpotuku' ada petini' Atura Musa. Uma-hanae' makono lolita toe! Ane ke hewa toe tudui'-ku, ke uma-a ra'ewa to Yahudi. Tudui'-kule: kita' kana mepangala' hi Kristus, apa' muntu' ngkai kamate-na Kristus raparika' pai'-ta jadi' monoa' hi poncilo Alata'ala-e. Ngkai tudui'-ku toe-die pai' alaa-na ngasa'-ra to Yahudi mpo'ewa-ae.

Efesus 4:15

Uma-tapa jolia rabagiu apa' moroho-mi pengkamu-ta hi tudui' to makono hante nono to ma'ahi'. Kamoroo–rohoa pai' kamonoo–notoa-ta hi butu nyala-na, duu'-na hibalia-tamo hante Kristus. Kristus toei taponcawa Woo'-ta,

Efesus 5:27

bona kita' to jadi' bagia-na toe jadi' moroli' pai' ncola, hante uma ria kasalaia' ba rugea'-na, bona natao-ta nakaratai.

Efesus 6:24

Pue' mpogane' hawe'ea tauna to mpoka'ahi' Pue'-ta Yesus Kristus hante ahi' to uma ria ka'oraa-na.

Filipi 1:16

Hira' mpopalele Kareba Kristus apa' nakeni ahi'-ra, apa' ra'inca ka'aku'-na to na'ongko' Alata'ala jadi' suro-na to mpakanoto Kareba Lompe' hi hawe'ea tauna.

Filipi 1:6

Alata'ala moto-mi to mobago hi rala nono-ni mpobago bago to lompe', pai' kuparasaya pobago to natepu'u-mi tetu napokaliliu duu'-na hudu hi eo karata-na nculii' Kristus Yesus.

Filipi 2:16

apa' niparata-raka Kareba Lompe' to ngkeni katuwua'. Ane hewa toe po'ingku-ni ompi', bohe mpai' nono-ku hi karata-na nculii' Kristus. Apa' po'ingku-ni toe-mi to mpakanoto hawe'ea bago-ku uma wa bayangi', ria moto wua'-na.

1 Tesalonika 3:13

Kiperapi' hi Alata'ala bona narohoi nono-ni, bona moroli'-koi hante uma ria kasalaia'-ni hi nyanyoa-na ane rata-ipi mpai' Pue' Yesus hante hawe'ea topetuku'-na to moroli'.

1 Tesalonika 5:21

Pekiri lompe' butu mela-na, niponciloi ba ngkai Alata'ala mpu'u-di ba bela-di, pai' kakamu to lompe'.

1 Tesalonika 5:23

Mekakae-a hi Alata'ala to mpowai'-ta kalompea' tuwu', kuperapi' bona napakaroli' kehi-ni, duu'-na moroli' mpu'u-koi. Kuperapi' bona napewili'-koi, lompe' woto-ni lompe' nono ba kao'-ni, bona uma ria kasalaia'-ni nau' hangkedi' ane rata nculii'-ipi Pue'-ta Yesus Kristus.

1 Yohanes 4:1

Ompi'–ompi' to kupe'ahi'! Neo' ncaliu nipangala' hawe'ea tauna to mpo'uli' ria Inoha' Alata'ala hi hira'. Petonoi ulu, ba mpu'u–mpu'u-ra ngkai Alata'ala ba uma-di. Apa' wori' nabi boa' modao' hiapa–apa.

Pangila 2:2

Na'uli': Ku'inca napa to nibabehi. Baka'-koi mpobago bago-ku, ntaha-koi ane rabalinai' sabana pepangala'-ni hi Aku'. Ku'inca kanipokahuku'-ra tauna to dada'a. Ria-ra to mpo'uli' kahira'-na suro-ku, ntaa' bela-di. Nipomonaa-mi kehi-ra pai' alaa-na nirata kaboaa'-ra.