Filipi 1:1 - Buku Tomoroli' Pojanci to Bo'u

¹ Sura toi ngkai aku' Paulus pai' Timotius, batua Kristus Yesus, kipakatu tilou hi koi' ompi'–ompi' hampepangalaa'-kai hi rala Kristus Yesus to hi ngata Filipi, duu'-na hi pangkeni-ni pai' tauna to mpokamu pobago Pue' hi laintongo'-ni.

Filipi 1:1 Iomraidhean Croise

Markus 13:34

Ane rata nculii'-apa mpai', kajadi'-na hewa lolita rapa' tohe'i. Hadua pue' tomi mopatuju hilou hi ngata to molaa. Kako'ia-na me'ongko', nahubui pahawaa'-na mpewili' tomi-na, hore–hore nawai'-ra bago-ra. Hi tompodoo wobo' na'uli'-ki: ’Mo'inga'–inga'-koe'!’

Yohanes 12:26

Hema-koi to doko' jadi' topobago-ku, kana mpotuku'-a, bona hiapa kahiloua-ku, retu wo'o-koi. Tuama-ku mpai' mpobila'-koi to jadi' topobago-ku.

Suro 1:20

Na'uli' wo'o-mi Petrus: ”Hi rala Buku Rona' Daud, ria lolita to mpolowa Yudas. Hewa toi moni-na: ’Pelele' moto-miki-hawo po'ohaa'-na wao'. Neo' ria ba haduaa to mpo'ohai'.’ Pai' ria wo'o te'uki' hewa tohe'i: ’Agina huraa-nae na'ala' kahadua-na.’ ”

Suro 20:28

Pelompehi-koi mpojaga woto-ni moto pai' mpojaga hawe'ea topetuku' Alata'ala to nasarumaka-mikokoi Inoha' Tomoroli'. Kana nipewili'-ra, hewa topo'ewu mpo'ewu bima-na, apa' Pue' Yesus mate, raa'-na mo'ili, mpobayari huku' jeko'-ta, bona kita' jadi' bagia Alata'ala.

Suro 9:13

Na'uli' Ananias: ”Pue', wori' tauna to mpotompo'wiwi Saulus tetui. Wori' pebalinai'-na hi topetuku'-nu to hi Yerusalem.

Roma 1:1

Sura toi ngkai aku' Paulus, batua Yesus Kristus. Napelihi-ama pai' nasuro-a ngkeni Kareba Lompe' to ngkai Alata'ala.

Roma 1:7

Toe pai' kupakatu sura toi hi hawe'ea to Kristen hi Roma. Nape'ahi'-mokoi Alata'ala pai' nakio'-koi jadi' topetuku'-na to moroli'. Wori' tabe: mekakae-a hi Alata'ala Tuama-ta pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

1 Korintus 16:10

Ane rata-ipi mpai' Timotius, kusarumaka nitarima lompe'-i-hawo, bona neo'-i koro' dohe-ni, apa' hibalia bago-kai to kipobago-ki Pue'.

2 Korintus 1:1

Sura toi ngkai aku' Paulus, to na'ongko' Alata'ala jadi' suro Kristus Yesus ntuku' konoa-na, pai' ngkai Timotius, ompi' hampepangalaa'-ta, kipakatu tilou hi koi' ompi'–ompi' to mepangala'-mi hi Alata'ala to hi ngata Korintus, duu'-na hi hawe'ea to Kristen to hi propinsi Akhaya.

Galatia 1:10

Jadi', beiwa-mi ompi'? Ha mpope'une' hi manusia'-a mpo'uli' lolita-ku toe-e we'i? Uma-e'. Doko' mporata pe'une' ngkai Alata'ala-a-wadi-kuna. Ba ni'uli'-koina wae-e ompi', doko' ngala' nono manusia'-a-wadi? Ane ke rapa'-na doko' ngala' nono manusia'-a-wadi, ke uma-a jadi' batua Kristus!

Galatia 3:26

Jadi', ana' Alata'ala omea-mokoi ompi' sabana pepangala'-ni hi Kristus Yesus.

Galatia 3:28

Alata'ala uma mpelence ba to'apa-ta: to Yahudi ba bela to Yahudi, to tuwu' batua ba to tuwu' maradika, tomane ba tobine–hi poncilo Alata'ala hibalia omea-koi sabana posidaia'-ni hante Kristus Yesus.

Efesus 1:1

Sura toi ngkai aku', Paulus, suro Kristus Yesus ntuku' konoa Alata'ala, kupakatu tilou hi koi' to Kristen to hi Efesus, to tida mepangala' hi Kristus Yesus.

Efesus 1:15

Jadi', ane kupenonoi hawe'ea rasi' to nirata-mi toe-e ompi', uma mowo pontarima kasi-ku hi Alata'ala. Kaku'epe-na kareba to mpo'uli' kamepangala'-nimi hi Pue' Yesus pai' kama'ahi'-ni hi hawe'ea tauna to mpopangala' Pue' Yesus,

Efesus 6:24

Pue' mpogane' hawe'ea tauna to mpoka'ahi' Pue'-ta Yesus Kristus hante ahi' to uma ria ka'oraa-na.

Filipi 2:19

Ane napokono Pue' Yesus, ria patuju-ku mpohubui Timotius tilou mpencuai'-koi, bona ane nculii'-ipi tumai, tetanta'u-a mpo'epe kareba-ni.

Filipi 2:5

Nono-ni kana hewa nono-na Kristus Yesus:

Filipi 3:12

Ompi'–ompi', uma ku'uli' kakurata-na mpu'u-mi hawe'ea toe, duu'-na moroli'-ama hante uma-pi ria jeko'-ku. Uma-kuwo. Aga kuhuduwukui bona kurata hawe'ea toe, bona jadi' moroli' mpu'u-a–apa' toe-mi pai' napelihi-a Kristus Yesus jadi' bagia-na.

Filipi 3:3

Kita' toi-mile to monoa' hi poncilo Alata'ala-e, kita' to mpopue'-i ngkai petete' Inoha' Alata'ala, bohe nono-ta apa' mosidai'-tamo hante Kristus Yesus. Uma-ta ncarumaka ada to kahiloa-wadi bona ngalai' jadi' monoa'-ta hi poncilo Alata'ala.

Filipi 3:8

Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus,

1 Tesalonika 1:1

Sura toi ngkai kai' tau tolu: Paulus, Silas pai' Timotius, kipakatu tilou hi koi' ompi'–ompi' hampepangalaa'-kai to hi Tesalonika, to mepue'-mi hi Alata'ala to Tuama pai' hi Pue' Yesus Kristus! Wori' tabe: mekakae-kai hi Alata'ala bona nagane'-koi ngkai kabula rala-na pai' nawai'-koi kalompea' tuwu'.

1 Tesalonika 2:2

Kako'ia-kai rata hi ngata-ni retu, rabalinai' pai' raruge'-kai hi ngata Filipi–ni'inca moto-mi tutura-na ompi'. Aga nau' wori' to mpo'ewa-kai, Alata'ala mporohoi nono-kai bona bia'-kai mpoparata Kareba Lompe' to ngkai Alata'ala hi koi' wo'o.

2 Tesalonika 1:1

Sura toi ngkai kai' tau tolu: Paulus, Silas pai' Timotius, kipakatu tilou hi koi' ompi'–ompi' hampepangalaa'-kai to hi ngata Tesalonika, to mepue'-mi hi Alata'ala Tuama-ta pai' hi Pue' Yesus Kristus! Wori' tabe: mekakae-kai hi Alata'ala to Tuama pai' hi Pue' Yesus Kristus bona nagane'-koi ngkai kabula rala-na pai' nawai'-koi kalompea' tuwu'.

2 Tesalonika 1:10

Hawe'ea toe jadi' hi karata-na nculii' Pue' Yesus. Nto'u toe mpai', hawe'ea topetuku'-na mpomobohe hanga'-na, hawe'ea tauna to mpangala'-i mpo'uli': ”Uma mowo kabaraka'-na!” Pai' koi' wo'o ompi' bate mpomobohe hanga'-na hi eo toe, apa' nipangala'-mi kareba to kiparata-kokoi.

1 Timotius 1:2

Sura toi kupakatu hi iko Timotius, to kuponcawa ana'-ku moto apa' hibalia pepangala'-ta hi Kristus Yesus. Wori' tabe: mekakae-a hi Alata'ala to Tuama pai' hi Kristus Yesus Pue'-ta bona nagane'-ko ngkai kabula rala-na, napopohiloi-ko ahi'-na, pai' nawai'-ko kalompea' tuwu'.

1 Timotius 3:8

Wae wo'o-hawo kehi to ratuntu' hi tauna to jadi' topetulungi hi pobago Pue'. Kana to monoto kehi-ra pai' to natao rabila'. Uma ma'ala to boa', uma ma'ala to nginu nta'uo' to melanguhi, pai' uma ma'ala to mpopekiri doi-wadi.

Titus 1:1

Sura toi ngkai aku' Paulus, batua Alata'ala pai' suro Yesus Kristus. Na'ongko'-a jadi' suro-na, pai' nahubui-a mporohoi pepangala' tauna to napelihi-ramo Alata'ala. Nahubui wo'o-a mpotudui'-ra tudui' to makono. Ane tatuku' tudui' to makono toe, mengkoru-ta hi Alata'ala,

Titus 1:7

Apa' tauna to jadi' pangkeni hi rala agama-ta, pahawaa' to mpo'urusi pobago Alata'ala. Toe pai' kana to uma ria kasalaia'-ra: uma ma'ala to molangko nono ba to jolia moroe, uma ma'ala topalangu–langu ba to ntora motuda' pai' to doko' doi-wadi.

Filemon 1:1

Sura toi ngkai aku' Paulus, to ratarungku' sabana pobago-ku mpopalele kareba Kristus Yesus, pai' ngkai Timotius, ompi' hampepangalaa'-ta, kipakatu hi iko Filemon, ompi'-kai to kipoka'ahi' pai' ema' hampobagoa-kai.

Ibrani 13:23

Bona ni'inca wo'o: ompi'-ta Timotius, rabahaka-imi ngkai tarungku'. Ane sohi'-i rata hi rehe'i, kubawa-i-damo tilou mpencuai'-koi.

Yakobus 1:1

Sura toi ngkai aku' Yakobus, batua Alata'ala pai' batua Pue' Yesus Kristus; kupakatu hi to hampulu' rontina to Israel to pagaa'–gaa' hi humalili' dunia'. Wori' tabe!

1 Petrus 2:25

Owi hewa bima to puha-koi. Aga tempo toi nculii'-mokoi hi Topo'ewu to mpewili' kao'-ni.

2 Petrus 1:1

Sura toi ngkai aku', Simon Petrus, batua pai' suro-na Yesus Kristus, kupakatu tilou hi ompi'–ompi' to bela-koi to Yahudi to mepangala'-mi hi Yesus Kristus hibalia hante kai'. Yesus Kristus toei, Hi'a-mi Alata'ala pai' Magau' Tompohore-ta ngkai huku' jeko'-ta. Napajadi'-koi mepangala' hibalia hante kai' apa' pobabehi-na monoa'.

Yudas 1:1

Sura toi ngkai aku' Yudas, batua Yesus Kristus pai' ompi'-na Yakobus, kupakatu tilou hi ompi'–ompi' to nakio' Alata'ala to Tuama jadi' ntodea-na. Napoka'ahi'-koi pai' napewili' oa'-koi duu' hi karata-na nculii' mpai' Yesus Kristus.

Pangila 1:1

Ihi' sura toi mpololita napa to napopehuwu Yesus Kristus. Alata'ala mpohubui Yesus Kristus mpopehuwu toe hi kita' batua–batua-na, bona ta'inca napa mpai' to kana sohi' madupa'. Yesus mposuro mala'eka-na mpopohiloi hawe'ea toe hi aku' Yohanes, batua-na.

Pangila 1:20

Ane betue' to pitu to nuhilo hi pale ka'ana-ku pai' witi' lampu bulawa to pitu, ko'ia nu'incai batua-na. Jadi', kupakanoto-koko: betue' to pitu mpowalatu mala'eka to mpewili' topetuku'-ku to mo'oha' hi ngata to pitu mola'. Pai' witi' lampu to pitu mpowalatu topetuku'-ku hi ngata to pitu mola'.”

Pangila 19:10

Potumpa-kumi hi nyanyoa mala'eka toei ke mponyompa-i, aga na'uli'-ka: ”Neo'! Neo' aku' nunyompa. Alata'ala-hana to nunyompa. Apa' aku' wo'o-kuwo batua Alata'ala hibalia iko pai' hibalia hawe'ea ompi' hampangakua'-nu to mpangaku' kaYesus-na Pue'-ra. Apa' poko patuju-na ngkai hawe'ea lolita pelowa: mposabii' kaYesus-na Pue'.”

Pangila 2:12

Oti toe na'uli' wo'o-mi Pue' Yesus mpo'uli'-ka: ”Uki' hewa tohe'i hi mala'eka to mpewili' topetuku'-ku hi ngata Pergamus: ”Ohe'i lolita-na Pue' Yesus, Hi'a to ngkakamu piho' to baka' ntimalia.

Pangila 2:8

Oti toe, na'uli' wo'o-mi Pue' Yesus mpo'uli'-ka: ”Uki' hewa tohe'i hi mala'eka to mpewili' topetuku'-ku hi ngata Smirna: ”Ohe'i lolita-na Pue' Yesus, Hi'a to rahanga' to lomo'-na pai' to ka'omea-na, to mate-imi aga tuwu' nculii'-i.

Pangila 22:9

Aga natagi-a, na'uli': ”Neo'! Neo' menyompa hi aku'! Nyompa-imi Alata'ala. Apa' aku' wo'o-kuwo batua Alata'ala, hibalia iko pai' hibalia hingka nabi-nu pai' hawe'ea tauna to mpotuku' lolita to te'uki' hi rala sura tohe'i.”