Filemon 1:9 - Buku Tomoroli' Pojanci to Bo'u

⁹ pai' aku' Paulus, hadua totu'a pai' bula-ku ratarungku' sabana pobago-ku hi Kristus Yesus. Aga mpokiwoi kabohe ahi'-nu tetu-e ompi', ku'uli' uma-a mpoparentai-ko. Merapi'-a-wadi.

Filemon 1:9 Iomraidhean Croise

Roma 12:1

Ngkai toe-mi ompi'–ompi', ku'apui nono-ni: apa' wae-mi kabohe ahi' Alata'ala hi kita'-e, toe pai' kana nitonu woto-ni hi Alata'ala, niponcawa pepue'-ni to tuwu'. Tonu woto-ni hi Alata'ala, bona Hi'a to mpo'atoro' katuwu'-ni, pai' bona moroli' po'ingku-ni. Toe-hana ada mpepue'-ni to masipato', toe to mpakagoe' nono Alata'ala.

2 Korintus 5:20

Kai' toi-mi napowiwi napowiti' Kristus. Mololita-kai, hewa Alata'ala moto-mi to mpololitai-koi. Jadi', hi rala hanga' Kristus kiperapi' bona hintuwu'-mokoi hante Alata'ala.

2 Korintus 6:1

Jadi', kai' tohe'i, mobago-kai hangkaa–ngkania hante Alata'ala mpokeni lolita-na hi manusia'. Toe pai' kiperapi' mpu'u ompi', neo' uma nisaile' kalompe' nono-na Alata'ala to mpolia' nitarima-mi.

Galatia 3:26

Jadi', ana' Alata'ala omea-mokoi ompi' sabana pepangala'-ni hi Kristus Yesus.

Efesus 3:1

Jadi' ngkai toe-mi, aku' Paulus, batua-na Kristus Yesus, mosampaya hi Alata'ala, mposampayai-koi. Aku' toi, bula-ku ratarungku'-kuna, sabana mpokeni-a Kareba Lompe' hi koi' to bela-koi to Yahudi.

Efesus 4:1

Ngkai toe-mi ompi'–ompi', ohe'i paresa' ngkai aku' to ratarungku' sabana pobago-ku hi Pue': kuparesai'-koi bona mo'ingku-koi hewa to masipato' hi ana' Alata'ala, apa' lawi' nakio'-mokoi jadi' ana'-na.

Efesus 6:20

Pue' Yesus mpo'ongko'-a jadi' suro-na, bona mpokeni-a Kareba Lompe', duu'-na ohe'i-ama hi rala tarungku'. Jadi', posampayai-a-kuwo bona bia'-a mpololita Kareba Lompe' toe hewa to kasipato'-na.

1 Timotius 1:12

Aku' mpo'uli' tarima kasi hi Pue'-ta Kristus Yesus, apa' na'ongko'-ama jadi' topobago-na, nawai'-a karohoa, pai' na'uli' kanatao-ku mpokamu bago-na.

Titus 2:2

Totu'a–totu'a tomane kana nutudui' bona monoto nono-ra, bona ra'inca mpengkatarii kahinaa nono-ra to dada'a, pai' bona po'ingku-ra hewa totu'a to natao rabila'. Pepangala'-ra hi Pue' Yesus kana mantata' mpu'u, ahi'-ra hi doo ngkai nono mpu'u, ntaha-ra hi rala kasusaa'.

Ibrani 13:19

Pai' aku', mperapi' mpu'u-a bona niposampayai-a-kuwo, bona sohi'-a nculii' pai' mpohirua'-kokoi.

1 Petrus 2:11

Ompi'–ompi' to kupe'ahi'! Katuwu'-ta hi rala dunia' toi, hewa tauna to mesowo' pai' hewa tauna to liu-ta-wadi, apa' mo'oha'-ta hi olo' tauna to uma-ra mepangala' hi Pue'. Toe pai' kuparesai'-koi: neo' mpotuku' kahinaa nono-ni to dada'a, apa' kahinaa to dada'a toe mosisala hante kalompea' tuwu' kao'-ni.