Filemon 1:8 - Buku Tomoroli' Pojanci to Bo'u

⁸ Ompi'-ku Filemon! Kakono–kono-na, ma'ala lia-a mpoparentai-ko mpobabehi to kana nubabehi, apa' ria moto kuasa to nawai'-ka Kristus,

Filemon 1:8 Iomraidhean Croise

2 Korintus 10:8

Nau' ba kana kuliu mpai' kotoa-na mpo'une' woto-ku moto, aga bate uma kupoka'ea'. Apa' to ku'une'-ki woto-ku toi-e, kuasa to nawai'-ka Pue' bona mporohoi pepangala'-ni, uma mpokero pepangala'-ni.

2 Korintus 11:21

Ha ni'uli'-koina kana me'ea'-a, apa' uma-kai daho' mpotuku' gau'-ra tetura-e? Tapi' ane daho'-ra mpo'une' woto-ra moto, mengkadaho' wo'o-a-kuwo mpo'une' woto-ku. (Kiwoi-e', mololita hewa towojo-a toi-e.)

2 Korintus 3:12

Jadi', apa' bohe poncarumakaa-kai hi Pojanci Alata'ala to bo'u-e, daho'-kai mpopalele Kareba Lompe' hante kanoto–noto-na.

Efesus 5:4

Uma wo'o natao ane metarahu-ta ba mpohowa' lolita to uma ria tuju-na ba mpo'uli' ore'–ore' to uma natao ra'epe hi tilinga doo. Agina tapake' wiwi-ta mpo'uli' tarima kasi hi Alata'ala.

1 Tesalonika 2:2

Kako'ia-kai rata hi ngata-ni retu, rabalinai' pai' raruge'-kai hi ngata Filipi–ni'inca moto-mi tutura-na ompi'. Aga nau' wori' to mpo'ewa-kai, Alata'ala mporohoi nono-kai bona bia'-kai mpoparata Kareba Lompe' to ngkai Alata'ala hi koi' wo'o.

1 Tesalonika 2:6

Uma wo'o-kai mpope'une' hi koi' ba hi tau ntani'-na. Kakoo–kono-na, uma-kai sala' mperapii'-koi ompi', apa' suro-na Kristus mpu'u-kai.