Filemon 1:7 - Buku Tomoroli' Pojanci to Bo'u

⁷ Goe' lia-ama pai' terohoi nono-ku mpo'epe beiwa kabohe ahi'-nu toe. Hawe'ea topetuku' Alata'ala tejumpuhi nono-ra sabana iko ompi'.

Filemon 1:7 Iomraidhean Croise

1 Korintus 16:18

Hira' toe-mi mporohoi nono-ku, hewa kararohoi-na wo'o-mi nono-ni. Toe pai' kuperapi' bona nibila' tauna to hewa hira'.

2 Korintus 7:13

Jadi', apa' nitarima lompe'-mi-hawo sura-ku toe-e, terohoi-mi nono-kai toi-e! Terohoi mpu'u-mi nono-kai ompi', pai' meliu ngkai toe, goe' lia-kai mpohilo wo'o kagoe'-na Titus. Morawa-mi nono-na mpohilo kehi-ni bula-na retu dohe-ni.

2 Korintus 7:4

Uma-a koro' mpololitai-koi hante kalonto'–lonto'-na hewa tohe'i-e ompi'. Bohe lia nono-ku sabana koi' ompi'. Nau' wori' kaparia mporumpa'-kai, terohoi moto-mi nono-ku tohe'i-e, pai' goe' lia-a mpokagoe'-koi.

1 Tesalonika 1:3

Ane mosampaya-kai hi Alata'ala Tuama-ta, kikiwoi oa' pobago-ni to nipobago sabana pepangala'-ni, pai' kikiwoi wo'o petulungi-ni hi doo sabana ahi'-ni, pai' kikiwoi kantaha-ni hi rala pebalinaia' apa' ncarumaka-koi hi karata-na nculii' Yesus Kristus Pue'-ta.

1 Tesalonika 2:13

Ria-pi hanyala to mpakeni-kai mpo'uli' tarima kasi oa' hi Alata'ala. Apa' kareba to ni'epe ngkai kai' nitarima hewa Lolita Alata'ala mpu'u, uma nitarima hewa lolita manusia'-wadi. Pai' bate wae mpu'u, kareba toe bate Lolita Alata'ala to mobago ncuu hi rala nono-ni to mepangala' hi Pue'.

1 Tesalonika 2:19

Doko' mpu'u-kai mpencuai'-koi, apa' ane rata-ipi mpai' Pue'-ta Pue' Yesus, pai'-ta morumpu hi nyanyoa-na, koi'-mi to jadi' wua' bago-kai to kisarumaka. Nto'u toe mpai', goe' pai' bohe nono-kai sabana koi' ompi'.

1 Tesalonika 3:9

Uma mowo kagoe'-kai mpokagoe'-koi ompi'. Jadi', napa to ma'ala kihiwili-ki Alata'ala ngkai hawe'ea kagoea' to nawai'-kakai toe? Uma ria ntani'-na, muntu' mpo'uli' tarima kasi-kai hi rala posampaya-kai hi Alata'ala Tuama-ta.

2 Timotius 1:16

Aga ane Onesiforus-hana, wori' ngkani-i mpotanta'u-a. Apa' nau' ratarungku'-a, uma-i me'ea' mpokinomo-a. Karata-na hi Roma rei, nahuduwukui mpopali'-a, duu' napohirua'-maka. Pai' nu'inca moto kawori' petulungia-na hi aku' wengi bula-ku hi Efesus. Mekakae-a hi Pue', kuperapi' bona nagane' hawe'ea ompi'-na Onesiforus, pai' bona napopohiloi ahi'-na hi Onesiforus hi Eo Kiama.

Filemon 1:20

Toe-mi ompi', apa' mo'ompi'-tamo hi rala Pue'-e, tuku'-ka-kuwo pomperapia'-ku toi. Doa nculii'-imi Onesimus, bona goe' nono-ku ngkai po'ompi'-ta hi rala Kristus.

2 Yohanes 1:4

Goe' lia nono-ku mpohirua'-raka ba hangkuja dua ana'-nu hi rei. Apa' po'ingku-ra mpotuku' tudui' to makono, hewa to nahawai'-taka Alata'ala to Tuama.