Filemon 1:22 - Buku Tomoroli' Pojanci to Bo'u

²² Pai' wo'o, kuperapi' bona nuporodo-ka-kuwo poturua hi tomi-nu, apa' kusarumaka Pue' Alata'ala mpotompoi' posampaya-ni, bona tebahaka-a ngkai tarungku' toi, bona ma'ala-a mpencuai'-koi.

Filemon 1:22 Iomraidhean Croise

Suro 27:24

Na'uli'-ka mala'eka toei: ’Neo'-ko me'eka', Paulus. Apa' bate rata moto-ko mpai' hi Roma mponyanyo magau' hi ria. Pai' ngkai kama'ahi'-na Alata'ala hi iko, hawe'ea tauna to hi rala kapal dohe-nu, uma-ra moapa.’

Suro 28:23

Oti toe, raponoa'-mi eo kahiruaa'-ra tena hante Paulus. Rata mpu'u-mi eo to ratoa', wori'-mi tauna morumpu hi po'ohaa' Paulus. Ngkai mepulo duu' ncimonou', napakanoto-raka kaYesus-na Magau' to najanci Alata'ala. Nabasa ihi' Atura Musa pai' sura nabi–nabi, nanotohi-raka pai' nabawai-ra mepangala' hi Yesus.

Roma 15:24

kusarumaka ria-mi mpai' loga-ku mehani hi ngata-ni pai' mpohirua'-kokoi ompi'. Apa' ane hilou-a mpai' hi tana' Spanyol, bate liu hi ngata Roma-a. Jadi', ka'oti-ku mpai' goe'–goe' dohe-ni hampai', kusarumaka nipope'ongko' lompe'-a kaliliu hilou hi Spanyol.

2 Korintus 1:11

Pai' koi' wo'o ompi' kana mpohorongko-kai hante posampaya-ni. Apa' ane wori' tauna mposampayai-kai, Alata'ala bate mpogane'-kai, alaa-na wori' tauna mpo'uli' tarima kasi hi Alata'ala.

Filipi 1:19

apa' nau' ba napa mpai' to jadi' hi aku', ku'inca hante posampaya-ni ompi', pai' hante petulungi Inoha' Tomoroli' to ngkai Yesus Kristus, bate mporata-a mpai' to lompe'.

Filipi 2:24

Pai' kusarumaka hante petulungi Pue', uma moto-a mahae tilou mpencuai'-koi.

Ibrani 13:19

Pai' aku', mperapi' mpu'u-a bona niposampayai-a-kuwo, bona sohi'-a nculii' pai' mpohirua'-kokoi.

Ibrani 13:23

Bona ni'inca wo'o: ompi'-ta Timotius, rabahaka-imi ngkai tarungku'. Ane sohi'-i rata hi rehe'i, kubawa-i-damo tilou mpencuai'-koi.

Yakobus 5:16

Toe-mi pai' kana himpau tapangaku' sala'-ta pai' momeposampayai, bona mo'uri'-ta. Posampaya tauna to monoa' nono-ra moso' lia.

2 Yohanes 1:12

Wori'-pidi to dota ku'uli'-kokoi, tapi' uma ku'uki' hi rala sura toi. Apa' patuju-ku tilou moto-a mpai' mpencuai'-koi. Jadi', momepololitai wiwi ngkawiwi-ta-damo mpai', bona gana kagoea'-ta.

3 Yohanes 1:14

Apa' kusarumaka uma-pi mahae hirua'-ta nculii', bona momepololitai wiwi ngkawiwi-ta-damo mpai'.