Filemon 1:16 - Buku Tomoroli' Pojanci to Bo'u

¹⁶ Jadi', uma-ipi nuponcawa hewa batua-nu-wadi. Melabi ngkai toe, ompi' hampepangalaa'-nuimi to nupoka'ahi'. Aku', kupoka'ahi'-imi, peliu–liu-nami mpai' iko. Nupoka'ahi'-i apa' hingka manusia'-nui, pai' nupoka'ahi'-i apa' ompi'-nui hi rala Pue'.

Filemon 1:16 Iomraidhean Croise

Matius 23:8

”Aga koi', neo'-koi mpopebila' pai' doko' rakahangai' ’Guru,’ apa' hadua-wadi Guru-ni, pai' koi' omea ntali ompi'-wadi.

Suro 9:17

Jadi', hilou mpu'u-imi Ananias hi tomi to na'uli' Pue' we'i. Karata-na hi ria, najama-i Saulus, na'uli'-ki: ”Ompi'-ku Saulus! Pue' Yesus to nuhilo hi lengko ohea katumai-nu toi-e, Hi'a-mi to mpohubui-a tumai mpokinomo-ko. Nahubui-a tumai bona pehilo nculii'-moko, pai'-ko nakuasai Inoha' Tomoroli'.”

1 Korintus 7:22

Ba tuwu' batua-ta ba tebahaka-tamo, hibalia-wadi hi poncilo Alata'ala. Apa' hadua batua to nakio' Alata'ala mepangala' hi Pue' Yesus, tebahaka-imi ngkai jeko' sabana posidaia'-na hante Pue'. Wae wo'o hadua maradika to nakio' Alata'ala mepangala' hi Pue' Yesus, batua Kristus wo'o-imi-hawo.

Kolose 3:22

Ompi'–ompi' to tuwu' batua, tuku' hawe'ea hawa' maradika-ni to hi dunia' toi. Neo' nituku' hawa'-ra nto'u-ni rahilo-wadi apa' kadoko'-ni ra'une'-wadi. Tuku' hawa'-ra ngkai kabula nono-ni, hewa pengkoru-ni hi Pue'.

1 Timotius 6:2

Ane rapa'-na maradika-ra to Kristen wo'o-i-hawo, neo' ra'uli' hewa toi: ”Uma mingki' kutuku' hawa'-na, apa' hingka ompi'-ku moto-i-hawo hi rala Pue'.” Agina kaloo–lompea' lau-di pongkamu-ra bago maradika-ra, apa' maradika to rapobago-ki toe, ompi' hampepangalaa'-ra to rapoka'ahi'. Hawe'ea to ku'uli' toe, kana nutudui'-ra, pai' nu'apui nono-ra bona ratuku'.

Ibrani 3:1

Ompi'–ompi' to napobagia Alata'ala pai' to nakio' mesua' hi suruga! Penoto' kahema-nai Suro Alata'ala pai' Imam Bohe to taparasaya, Hi'a-mi Yesus.

1 Yohanes 5:1

Hawe'ea tauna to mpangala' kaYesus-na Magau' Topetolo', napo'ana' Alata'ala-ramo. Pai' hawe'ea tauna to mpoka'ahi' Alata'ala to Tuama, bate mpoka'ahi' wo'o-ra hawe'ea ana' Alata'ala.