RUTH 4:11 - SHEEYU BAIBEL (BSI)

¹¹ Süthaisü sühi buyu tsümaitao ae mai hrülai nou paoe, Ovai Etaonou süsü lapeiwe. Mapao ye panou ne khapfü soure napai hisü Israel maiye soushu peiyu Jakob ye nahmai taoli hrüpeiyu Rachel ae Leah büloutheo. Neye panou Ephrathah hinou hangia hrütheo alia Bethlehem hinou zhih tayu maili souloutheo.

RUTH 4:11 Iomraidhean Croise

SHURAI 23:10

Hitmai puona Ephron-a mai kukhe maitaoye koa chobua bue, alia puhnou Abraham hisü Hit maisou nghoujü hinou chila peie,

SHURAI 24:60

Puletao nou Rebekaye haibüa ha peie, “Etao tupaiye sü panou nahmai thethe pfü soulo theo, alia ne tyao-nahtao ye panou ngaobamai jünou veilou theo.”

SHURAI 29:16

Laban hai nahnaotu ahai bue, atsüpai nou Leah ae nahnapai nou Rachel tea kuwe.

SHURAI 29:25

Thainesho shohna sü Jakob nou Leah baire touyu süloua Laban hi tave paoe, “Ne daisou haibüa ahi souwe? Rachelye nare donou E nevah soumowu? Ne daisou nou Eye lawe?”

SHURAI 29:32

Leah nou nahmai hrüloua nahpoutu ali naloue, alia puh zhih sü Reuben tea saloue, daiolouzü honapai nou paoe, “Mapao nou avei veayu sü zhupeie, chuo akhapu nou Eye leshi peishulai.”

SHURAI 35:23

Leah nou napeiyu nahmai taosü Reuben (Jakob nahpoutu tsükhana), Simeon, Levi, Judah, Issakar, ae Zebulun.

SHURAI 35:24

Rachel nou napeiyu nahpoutu ahaisü Josef ae Benjamin.

1 VEMAITO 21:8

Süthaisü honapai nou Ahab vei zhih hinou seiko hai rüloure, ae puhvei sheesao nou saoloua Jezreel nuhdu hi hrüyu peikho maitao ae matsüyu maitao hisü seita peiwure.

1 PUOPAOKO 2:51

Puh nahpoutu ahai cheyu Salma nou Bethlehem nuhdu nasü soushu-e, ae nahpoutu asü cheyu Hareph nou Bethgader nuhdu soushue.

LOUTAO 132:6

Etao nou Vo Sübvü vei ko khesü Bethlehem hinou chou-e, ae Etao nou sünasü Jearim vei dou hinou ngaoloue.

TSÜCHITAO 14:1

Naotumai livei tsüvei nanou lah puh ki sü soulouwe, ana voyu naotupai louzü lah puh bah nou soushi loua baiwe.

TSÜCHITAO 31:23

Honapai vei maipuo hai mainou shiha loua baiwe, ae puh sü nuh hi matsüyu maitao hrohi loulouwe.

JEREMIAH 32:10

Enou dei hülouyu vei larü sü rüloure, ae shaki mai-a saloua sheesao sü noloure alia pousha sü phouloua chopeiwure.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

MATHIU 2:6

‘Juda teideihi buyu O Bethlehem, newo Juda teidei hi buyu nuhdutao hinou taikhana moe; daiolouzü nehinou veomai ali velai ea puhnou Amai Israelmai taoye khopeilai.’ ”

PAODAKHAIYU CHIKHA 25:7

Ana thaita-a buyu thaihou nanou puh chiye nanü more toulouzü, naotupai nou taho nuhdu romü hinou tsükhemai hi paolai, ‘Acha thaihou nou puh jürai zhih sü Israel mai hrohinou pa bulaiyu soupei bare. Cha thaihou mainou chimai hi soupei laiyu vah nasü puh nou ahi soupei moe.’

PAODAKHAIYU CHIKHA 25:9

puh jürai chapfü naye panou tsükhemai nghoujü hinou puh phikha ali paizhu loulai, puh pah hi taidzü süsho peilai alia haibüa paolai, ‘Jürai maivei kihikhamai soushu peilai moyu mai hi soulaiyu sü haire.’

RUTH 1:2

Puh zhih hai Elimelech toue, alia puh khapfü zhih hai Naomi toue, ae puh nahpoutu ahai zhihsü Mahlon ae Chilion touwe; puh kihikhamai hai Judah teidei Bethlehem nuh hinou Ephrath mai khüe, puletao nou Moab mai teidei hi ve hrüe.