RUTH 4:10 - SHEEYU BAIBEL (BSI)

¹⁰ Alia Mahlon khapfü Ruth, Moab meamaipfü paia akhapfü soure donou Enou hülure dao, süsü panou thaimai kikha maivei natao alia puletao zhih hamoa nuh mai hi puh zhih sü panou buloure donoue. Sühai neletao nou zhou lahpeire dao.”

RUTH 4:10 Iomraidhean Croise

SHURAI 29:27

Zhouvu shanghi souyu vei nüh haina hapta panou cheraio, süthaisü nenou pudakhai po anai avah soupeilai toulouzü Rachel-a neye peilai.”

SHURAI 38:9

Ana Onan nou tounah haisü puhvei tounah soulai moe touyu süloukhaie, puhnou puh jürai chapfü sazüyu phaki panou nahmai hrümore do souloure.

LOUTAO 109:15

Mapao ye panou puletao vei mahmo khesü teisa nou licho peiyu sü soupeio, ana puletaoye sü panou teisa nou ngaiyu sü soupeio!

LOUTAO 34:16

Ana ashi vah souyu maitao hinou puhvei zhu sü pfüvai ta-a baiwe, südonou puletao hai thaita baiwe ae deiphao mai nou puletaoye ngai-a baie.

TSÜCHITAO 18:22

Maipfü ngaolouyu mai nasü havei li ngaoloure, alia Mapao hinou puhvei jüpa sü ngaoloure.

TSÜCHITAO 19:14

Ki alia chingi hai pfüpuo hinou kaathao loue, ana tsüsüyu chapfü louzü Mapao likhei nou peiloua bailai.

ISAIAH 48:19

Neletao vei tyaonah khesü zai hi vünai zhoua poulai, puletaoye sü souhakhai toulai moe, moa anghoujü nou puletaoye sü soushi laimoe.”

HOSEA 12:12

Jakob nou Aram teidei hi tuve, sühinou Israel nou khapfü ye donou kilai soue, alia puhnou khapfü ye donou zhaotua khowe.

HOSEA 3:2

Südonou honapaiye sü Enou shahu kiangou ae shithou baoli-da peia hrüda khailoue.

ZEKHARIAH 13:2

Süzhou teithe Enou teidei sühi bashara zhih nasü souhawulai, sübüa mai ali koute-a panou puh zhih sü lichopu laimoe. Enou teidei sühisü rachi paolayu mai alia sheemoyu rako khesü polaiwulai.

MALAKAI 2:14

Neletao nou nouwe, “Puh daisounou süsü popei moe?” Daiolouzü Mapao hai ne alia ne nahle-a buki ne khapfü hi nou vo soukhai touyu nahi shaki nasüe, honapai nou neye koa hrüa bulikhu ae ne khapfü soua buma nenou puhye loucheyu hazhi toure.

EPHESAMAI 5:25

Chaamaitao, Khrista nou lüloumaimeye leshiyu ea süna donou puhvei hrirai peiyu sübüa, neletao chapfümaiye leshilo.

PAODAKHAIYU CHIKHA 25:6

Narai kayu nahpoutu nasü thaibuyu puh zhih pa polai, sükure toulouzü puh zhih hai Israel mai hrohinou tyaka laimoe.

EBRIAMAI 13:4

Sheenghiyu hai maikhemai hrülainou tsükhoulai, alia sheenghiyu vei zühnasü souzhaiwuso; daiolouzü Ramai nou khakha chaozüyu ea maipfü maipuo sapayu maiye chikulai.

JOSHUA 7:9

Daiolouzü Kanaan alia teidei hai hinou hrüa buyu mai teitei nou haisü chouloua etaoye ve sühaoloua nou, alia etaoye souha khaiwu louzü; nevei zhih aveih adu naye donou Ne daie soulai?”

RUTH 4:9

Süthaisü Boaz nou tsümai taohi alia mai hrülai hisü paoe, “Neletao hrülainou Enou zhou Naomi hinou Elimelech vei na teitei, alia Chilion ae Mahlon vei kaa teitei hüloure touyu shakidao.