RUTH 3:7 - SHEEYU BAIBEL (BSI)

⁷ Boaz nou vah souchewua tou-so touchelouyu thai, puhnou vashoa routhou pokojü khaitouyu kikaili hinou zütare. Süthai honapai nou kaokaosoua talou sasü hrapaloua puh phi hinou zütare.

RUTH 3:7 Iomraidhean Croise

SHURAI 43:34

Josef vei vaibuh hinou puletaoye khao khaipokou peiwe, alia Benjamin khaosü kukhe maitao khao jünou vuh angou khaipu peie. Sükua puletao nou pouphou ae rukha loumo koute Josef ye koa toue.

2 SAMUEL 13:28

Absalom nou puhvei kilai maitao hi haibüa kharochi peie “Keilo, Amnon nou zhaoh sozhi loure toulouzü, Enou paopeilai, Amnon ye southawo. Pikhai touso, Enou dathawo tea lüpei-a baie, piso, khuveilo.”

1 VEMAITO 21:7

Puh chapfü Jezebel nou chila peie, “Ne Israel maivei veo movu? Kushulo, ne lesalo ae hatoulo. Enou Naboth vei kipei sü ne hi peilai.”

ESTHER 1:10

Teithe anai zhou hai, veo nou zhaoh sozi paloua vashoa buyu phaki puhnou jülayu puhvei kilai mai anai taohi süolouzü Mehuman, Biztha Harbona, Bigtha, Abagtha, Zathar, alia Karkas mai haitao hi,

LOUTAO 104:15

maikhe maiye souva peire donou darkhadzü soupeie, maikhe maiye lesousa peire donou oliv theadzü sü soupeie ae puletaoye pfüchi peire donou raokhao sü soupeie.

KOPAODOUWO 10:19

Khonüh hai nüre vanou souwe; zhaoh hai hrü sousare donoue, alia sana raka nou hali hala vei chila peiloue.

KOPAODOUWO 2:24

Mai ali donou-o puhvei teroua souyu vahtao vanou touso-a savayu jünou veipuyu halia hae. Hai hai-a Ramai bah hinou-e tiyu Enou ngaowe.

KOPAODOUWO 8:15

Südonou Enou savalo tea paowe, daiolouzü maiye donou teinghi khehnou tousoyu ae lah savaloure hai likhei baimoa veiyu na lia hae, daiolouzü teinghi khe hi hrüa buki, Ramai nou puhye peikhai tiyu vahtao hai teroua soulai.

KOPAODOUWO 9:7

Taho nevei raokhao toura-o ae sava-a bulo; alia ne zhaoh sü lesayu nou koa sokhaio; daiolouzü nenou souyu teitei hai Ramai nou raikinou aetou peiwure.

1 KORINTHMAI 10:31

Sübülouzü veire, neletao nou tou-a sho-a moa hatali soupfü-a hateitei sü Ramai kathe donou soukhaio.

EPHESAMAI 5:18

Zhaoh shozhiwuso, daiolouzü sühisü soula-pfülayu alaosou bue; süjüwo Rakonou phoupeia bulo.

CHIKUAPEI MAITAO 16:25

Puletao asasoua bukinou puletao nou paoe, “Samsonye kupaloua Etao panü soulaikhe.” Südonou puletao nou Samsonye hukhaki hinou sapaloua puletao nghoujü khailoure alia puhye panou panü soue. Puletao nou puhye panou deka ahai kohisü la-e.

CHIKUAPEI MAITAO 19:22

Puletao nou vashoa buyu phaki hinou nuh hi mai ashimai taoli nou ve ki sü sühaoloua kikhu sü dakhua shusoua nou paoe, “Ne ki hi ve chaoyu maipou nasü vakou sapa peio, Etao puhye sazülai.”

CHIKUAPEI MAITAO 19:6

Südonou puhai nou chobuloua ha phoutou loure, ae süthaisü naotupai puo nou puh hi paoe, “Zhoukhei hai hinou vashoa chaoloua baio.”

CHIKUAPEI MAITAO 19:9

Levi puona nou puh khapfü ae kilai maiye saloua talaire teanou buyu hinou naotupai puo nou paoe, “Zhukhaio haina, zhou tayu hai nalaire, thashoa tei sü zhilou bailai, südonou zhoukhei hai hinou vashoa chaoloua baio. Dosho shona nou kushu zhiloua ta-a baio.”

RUTH 3:6

Südonou honapai nou thai hisü hotare alia puh nai Noami nou paopeiyu büa souwe.

RUTH 3:8

Khei touchü kouyu phaki puhnou alilova dapakhaie, puhnou naotumai ali puh phi hinou züa buyu sü ngaoloure.