RUTH 2:12 - SHEEYU BAIBEL (BSI)

¹² Nenou soukhai touyu nasü Mapao panou shiha peitheo, alia nenou Israel Ramai hi, puhvei shouh khenou bailoulai teanou veyu hai, Mapao ye panou chekho tea shiha peiyusü souloutheo.”

RUTH 2:12 Iomraidhean Croise

LOUTAO 17:8

Soutaosoua Eye zhutoua kho peio, nevei shouh khe hinou Eye poku peio,

LOUTAO 19:11

Sütao nou nevei kilai Eye tsüdo peiwe, sütao zü louyu donou Eye buu peie.

LOUTAO 36:7

Oh Ramai, nevei tobai soumoa leshi peiyu nasü daizhou koute muhtei-e! Etao nou nevei shouh khe hinou bailouyu buh nasü ngaoloue.

LOUTAO 57:1

Eye zhuvea peio, Oh Ramai, Eye zhuvea peio, daiolouzü Enou ne hinou tave bai loure donou vewe. Teikhai teirü ashi chemo koute Enou nevei shouh khe hinou baichao loulai.

LOUTAO 58:11

Maikhe mainou haibüa paolai, “Cheche vuzünou acheche maiye sü buu peiwe; deiphao maiye chiku peiyu Ramai ali bue.”

LOUTAO 61:4

Eye panou teisa nou nevei sheeyu ki hi bulo; nevei shou khenou Eye panou kaona-a bailouyu sü soupeio.

LOUTAO 63:7

daiolouzü nenou Eye sü teisa nou soukha peie. Nevei shou khevai nou Enou asayu lou soua bulai.

LOUTAO 91:4

Puhnou neye puhvei shouh nou hopeilai; puhnou neye kiko peilai; puhvei chilee checheyu sünou neye khopeilai ae vupa peilai.

TSÜCHITAO 11:18

Mai shiyu mai sü shodo ashi sünou buu soua ngao-a bailai, ana acheche hinou vuthou khaitouyu mai nasü veikhaimo-a buu aveih ngaolai.

TSÜCHITAO 23:18

Cheche vuzünou sühisü thaikhai veilai, alia nevei areih nasü soude laihwulai moe.

JEREMIAH 31:16

Neletao nou krayu sü baio ae neletao vei nghidzü sü southe-o. Neletao nou nahmai donou soupfüyu vah veishi sü panou buu ngaomoa talai moe; puletao sü ngaobayu maitao teidei hinou dakhai velai.

MATHIU 23:37

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

MATHIU 5:12

Va-salo, daiolouzü neletao vei buusü raki hinou dusho-a bue, daiolouzü süzhai bütoua neletao jünou rai-a hrüyu rachi paolamai taoye maikhe mainou souvea-souho peie.

MATHIU 6:1

“Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

KOLOSSEMAI 2:18

Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe,

2 TIMOTHI 1:18

Mapaowo nou puh zhuveasü teithe süki puh hi peiyu souloukhaio! Alia Ephesa hinou puhnou daizhozhou Eye donou kuvah soupeisa touyu sü nenou sütoua bue.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

EBRIAMAI 11:26

Khristaye donou ahrao ngaoyu sünanou Ejipt teidei vei kini teitei jünou koushoa muhtei hie tea puhnou choloue, daiolouzü puhnou thaikhai vei buu nasü zhia bue.

EBRIAMAI 11:6

Alia lüloumoa maitalinoua Ramai züpa soulouhoe. Daiolouzü Ramai hi taveyu maitalinou puh hai buwe ea puhye phoua bumaitaoye sü buu peiwe touyu sü louche vuzülai.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

RUTH 1:16

Ana Ruth nou chila peie, “Eye panou neye thaowuso alia ne thaifü moa kihi dakhai tare donou soupeiso; daiolouzü nenou tayu buh hisü E-a talai, alia nenou buyu bu hisü E-a bulai; nevei maitao hai avei mai soulai, alia ne Ramai sü a Ramai soulai;

RUTH 2:11

Ana Boaz nou puh hisü chila peie, “Ne khapu thaiyusho, nenou kabüa ne naiye zhupeiyu teitei alia kabüa nenou ne pfüpuo ae nevei teidei thaowua nenou sükhai moyu teidei haihi veyu teitei Enou süre.

RUTH 2:13

Süthai honapai nou paoe, “Ne kazou koute Eye zhuvea peisa, Apaopuo, daiolouzü E hai nevei kilai naotumai mokhaiyuma ne kilai Eye souva shopeie, alia Eye chipao laqo aveih nou keapeie.”

RUTH 4:15

Ne mou nou neye leshiyu hai nahpoutu mai anai jünoua koupu hie. Alia honapai nou zhou neye donou nahpoutu ali naloure, alia ne tsüpayu phaki puhnou neye kiko peilai.”

1 SAMUEL 24:19

Daiolouzü mai ali nou puhye ngaobayu maiye nülouyu thai, puhye soushi peimoa phapeiyu zhaivu? Zhou teithe nenou ahi soupeiyu vah haso donou Mapao ye panou neye shiha peitheo.

1 SAMUEL 24:20

Chuo Enou süloure, süolouzü ne hai Israel maivei veo souvu zülai, ae Israel maivei vedei hai ne phao hinou duso palai.