RUTH 1:17 - SHEEYU BAIBEL (BSI)

¹⁷ Nenou thaiyu buh hisünou E-a thailai, alia sühinou E-a daovulai. Athai moa nou E neye thaowua rata louzü Mapao panou Eye souvea peitheo.”

RUTH 1:17 Iomraidhean Croise

2 SAMUEL 15:21

Ana Ittai nou “Veo, E Ramai zhih ku-a ne hi paowe, süolouzü, thailai touyuma nenou tayu hisü E teisa nou ne thaifüa ta-a bailai,” tea paoloure.

2 SAMUEL 19:13

David nou Amasa hi-a haibüa paopeio tea paoe, “Ne avei vasou mowu? Avei zhemowu? Neye panou Joab thaosou reihmai peichana soulai; chi haina vete moyu thaio, Ramai ye panou Eye southa theo,” tea veo nou paoe.

2 SAMUEL 3:35

Heamajü David ye panou hatoure donou maikhe mainou teshoe, ana puhnou Ramai zhih hinou chaachou ali soungaore, “E zhou teithe akhai soumo koute ha taralia tousore toulouzü, Ramai ye panou Eye southawo.”

2 SAMUEL 3:9

Ramai nou David hisü puhye panou Saul hinou vedei hai poloua puhye panou Israel ae Judah maivei vedei ahai hinou, süsü Dan hinou poa Beersheba koute hai veo soulai tea paopei khaitoue. Hai nasü panou cheche-a vepamoyu thaio, Ramai ye panou ahi sü tatei sho-a veahoyu sü peitheo.”

1 VEMAITO 13:31

Thaiphao daovu peiyu thai, rachipaolawo nou puhvei nahmaitao hi paoe, “E thaiyu phaki, Eye puhvei khü pe hinou daovu peio.

1 VEMAITO 19:2

Süthaisü Jezebel nou kopomai aliye Elijah hi haibüa paove-e, “Dosho chu teile phahi Enou neye nenou rachipaolayu maitao hi soupeiyu bütoua soupei moyu thaio Ramai panou Eye southa theo.”

1 VEMAITO 2:23

Süthaisü Solomon nou Ramai zhih hinou haibüa chaachou souloure, “Adonijah nou haibüa khoyu donou puhvei hrirai hai Enou polou moyu thaio, Ramai ye panou Eye southawo.

1 VEMAITO 20:10

Benhadad nou paowe tea paopure, “Enou avei reihmai taoli saloua nevei nuhdu nasü tave souhawulai ae puletao vei bah hinou soushi khaitouyu na khesü panou potawulai. Enou haibüa soupeimoyu thaio ramaiye panou Eye southa-o.”

2 VEMAITO 6:31

Puhnou haibüa shapaoe, “Zhou teithe hinou Enou Elisha vei pei daode loumoyu thaio Mapao ye panou Eye southa-o.”

LOUTAO 45:10

Veo chapfü soure naotupai, Enou paoyu achi keilo— nevei maitao ae nevei kityarai maitaoye ngai-o,

SEI-ATAMAI VAHTAO 11:23

Puhnou tavekhaie Ramai vei zhuvea nasü ngaoloua puhsü lesasho loure; alia puletao le teiteinou cheche-a Mapao hinou tobai soumoa buloure donou puhnou puletao hrülaiye soutaosoua süpeie.

SEI-ATAMAI VAHTAO 20:24

Sütoukhaima Enou lah Ahrühai Eye donou ha muhlia hae tea chobaie; Enou züpayuwo louzü Ahrü hi soure vah ea Enou Mapao Jisu hinou ngaolouyu Ramai zhuvea vei ko aveina vanou zhopaoh soure vah souchere sütao likhei baie.

RUTH 1:16

Ana Ruth nou chila peie, “Eye panou neye thaowuso alia ne thaifü moa kihi dakhai tare donou soupeiso; daiolouzü nenou tayu buh hisü E-a talai, alia nenou buyu bu hisü E-a bulai; nevei maitao hai avei mai soulai, alia ne Ramai sü a Ramai soulai;

RUTH 4:15

Ne mou nou neye leshiyu hai nahpoutu mai anai jünoua koupu hie. Alia honapai nou zhou neye donou nahpoutu ali naloure, alia ne tsüpayu phaki puhnou neye kiko peilai.”

1 SAMUEL 14:44

Saul nou puh hi paoe, “Neye southa moyu thaio, Ramai ye panou Eye southawo.”

1 SAMUEL 20:13

Ana puhnou neye soushilai tea bulouzü, Enou neye panou süloua tutalou moyu thaio, Mapao ye panou Eye southa theo. Mapao nou apuo ye salai peiyu büa neye salai peiyu soulou theo!

1 SAMUEL 25:22

Zhou khei tei thepa loumo jünou puhvei mai hrülaiye southakhai loumoyu thaio Ramai panou Eye southa theo.”

1 SAMUEL 3:17

Eli nou puh hi noue, “Mapao nou ne hi daitoua paowe? Halia pokukhai toumoa ahi paongao khaio. Puhnou ne hi paoyu chi teitei sü ahi paongaokhai toumo louzü Ramai nou neye tudee-a bailai.”