RUTH 1:16 - SHEEYU BAIBEL (BSI)

¹⁶ Ana Ruth nou chila peie, “Eye panou neye thaowuso alia ne thaifü moa kihi dakhai tare donou soupeiso; daiolouzü nenou tayu buh hisü E-a talai, alia nenou buyu bu hisü E-a bulai; nevei maitao hai avei mai soulai, alia ne Ramai sü a Ramai soulai;

RUTH 1:16 Iomraidhean Croise

2 SAMUEL 15:21

Ana Ittai nou “Veo, E Ramai zhih ku-a ne hi paowe, süolouzü, thailai touyuma nenou tayu hisü E teisa nou ne thaifüa ta-a bailai,” tea paoloure.

LOUTAO 45:10

Veo chapfü soure naotupai, Enou paoyu achi keilo— nevei maitao ae nevei kityarai maitaoye ngai-o,

TSÜCHITAO 17:17

Samai liye teisa nou leshi-a baiwe, ae thaihou china mai liwo veahoyu phaki babou khare donou bue.

ISAIAH 14:1

Mapao nou Israel maiye zhuvea peilai, ae puletaoye puhvei mai soure donou dodakhai loua panou lah vei teidei hisü dakhai ve panou hrüpu loulai. Shetumai-a puletaoye koa ve hrüzholai.

DANIEL 2:47

Veo nou Daniel hi paoe, “Nevei Ramai hai rah kukhe veishi jünou dukayu Ramaie alia vemaitao vei Mapaoe, ae sülouho khupayu khesü süngao peiyu Ramaie, daiolouzü nenou tatei shoyu ae khupa shoyu nasü paosüpa peiwure.”

DANIEL 3:29

“Südonou chuo Enou tyahrü hrülai hi, mai hrülai hi ae la tyakukua paiyu mai veishi hisü kharochi haina peiwe, süolouzü mai tarali noua Shadrak, Meshak ae Abednego Ramai ye ngaophou moa paoshi louzü, puhye sü souvava nou daodesasa khaiwulai alia puhvei ki-lu khesü soushi khaiwulai, daiolouzü rah kukhe taralia haibüa khailupa peilou hoe.”

DANIEL 4:37

“Chuo, Nebukhadnezzar Veo, Enou Rakiva Veoye sü tsükhoua puhvei veisodu khesü paoshowe, daiolouzü puhnou souyu vah teitei hai kaoe, ae puhvei ludu nasü züe; alia khaophu soumaiye puhnou sounakou peilou süe.”

HOSEA 13:4

Mapao nou paoe, “Neletao ye Ejipt hinou sapa peiyu Ramai nasü E-e. E moa nou rah kusü ali-a hae, E likhei nou neletaoye khailu peiloure Mapao sü baie.

ZEKHARIAH 8:23

Süzhou teithe hisü vakoumai kirou nou Jihudimai ali hi ve haibüa paolai, ‘Etao-a neye sa-a talai, daiolouzü Ramai nou neletaoye koa salai peiwe touyu choue.’ ”

MATHIU 8:19

Alia razhai dou-apeimai alinou puh hi taveloua paoe, “Dou-apeio, nenou tayu buh taki hisü E-a nethaifüa talai.”

JOHAN 13:37

Pitar nou puh hi paoe, “Mapao, daidonou chu Enou nethai fülou holai? Enou neye donou Ahrirai peilai!”

SEI-ATAMAI VAHTAO 21:13

Ana puhnou chila peie, “Neletao daisounou haibüa kra-a Ale souphewe? Daiolouzü Mapao Jisu ye donou Jerusalem hinou Eye hukhahi panou thouyu likhei baimoa sühinou thaiyu koutea Ewo souda-a bue.”

1 THESSALONIMAI 1:9

Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

JOSHUA 24:18

Alia Mapao nou etao nghoujü nou Amor mai hrülaiye sü hulai peie; südonou etao-a Mapao vei vah sü soua bailai, daiolouzü Puh hai Etao vei Ramai-e.”

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

RUTH 1:15

Naomi nou puh hi paoe, “Ruth, ne chi-o lah mai hi dakhai tare alia lah vei rah hi dakhai tare. Ne-a puhye koa dakhai tabaio.”

RUTH 1:17

Nenou thaiyu buh hisünou E-a thailai, alia sühinou E-a daovulai. Athai moa nou E neye thaowua rata louzü Mapao panou Eye souvea peitheo.”

RUTH 2:6

Puh kilai pai nou chila peie, “Honapai hai shedzü maipfüe, Naomi ye koa Moab mai teidei hinou dakhai veyu napaie.”

RUTH 4:15

Ne mou nou neye leshiyu hai nahpoutu mai anai jünoua koupu hie. Alia honapai nou zhou neye donou nahpoutu ali naloure, alia ne tsüpayu phaki puhnou neye kiko peilai.”