PONGAOPEIYU 9:4 - SHEEYU BAIBEL (BSI)

⁴ Puletao hisü deiphao hi poudai, poube moa kukhe süübe taliye soushiwu more, ana puletao puhi Ramai vei paoshee hayu mai sütaoye likheithe soushi peire donou paopeire.

PONGAOPEIYU 9:4 Iomraidhean Croise

JOB VEI LARÜBVÜ 1:10

Nenou teisa puh, puh kikhamai alia puh vei kinitaoye vupeie. Puhnou souyu vah hrülai hisü nenou hapeie, ae nuh teitei phoulou süyu kikhaorü sü nenou puh hi peie.

JOB VEI LARÜBVÜ 1:12

Mapao nou Saitan hi paoe, “Süthaisü veire, puh vei buyu teitei pei hi soulou süyu khouko sü ne bah hi bue, ana Job hiwo louzü ne bah deilai moe.” Süthaisü Saitan hai aetea tashure.

JOB VEI LARÜBVÜ 2:6

Mapao nou Saitan hi paoe, “Puh vei vasou-a ne khouko khe bue, ana puh vei hrirai louzü neye panou souha laimoe.”

LOUTAO 76:10

Mai vei lekha rarou nasü neye paoshopu peia bailai, soureih souyu hinou thaimoa shokhai toua buyu maitao nou nevei khonüh khesü nülai.

TAPALOUYU 12:23

Daiolouzü Mapao nou Ejipt maiye southa veyu phaki, puhnou neletao kikhu pei hi ae deka ahai hi zhe nakhai touyu ngaoloua tachota-a bailai, ae Athai Rakivamai naye panou neletao ki hi talou southalai moe.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

EZEKIEL 9:6

Tsümai ae nahlemai, naotumai, pfümai ae nahmaitou sümoa mai taidu hrülai nou southa khai-o. Ana pu hi larücha daokhai touyu maitaoye sü mailia southaso. Neletao nou rathoki hai hinou southa poa talai.” Südonou puletao nou rathoki hinou la-a buyu Israel maivei süthai-apei maitao hinou southa poa nou tare.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.

PONGAOPEIYU 14:1

Süthaisü Enou zhue, alia zhukhaio, Zion deichi hinou Zhaotu sünasü la-a bue; alia puhye koa puhzhih ea puh puo zhih puletao puhi rüthou khaitouyu maikhemai 144,000 sü bue.

PONGAOPEIYU 6:6

Sükisü ha kholi hrikhaona adai sütao hrohinou paipayu büa süolouzü, “Southou sühcho ali muhsü naizho, alia shithou sühcho asü muhsü naizhoe. Ana Oliv süübetao ea darkha kipeitaowo louzü hakonou souhawuso!” tea paoyu sü Enou choue.

PONGAOPEIYU 7:1

Haina thaisü rakivamai adainou teikhaiye panou deiphao hi, zai hi moa süübe tali vahi hükhai more donou deiphao kaihoung adai hinou la-a deiphao vei teikhai adaiye keipoa buyu sü Enou ngaoe.

PONGAOPEIYU 8:7

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.