Biblia Todo Logo
Bìoball air-loidhne

- Sanasan -




PONGAOPEIYU 9:20 - SHEEYU BAIBEL (BSI)

20 Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.

Faic an caibideil Dèan lethbhreac




PONGAOPEIYU 9:20
43 Iomraidhean Croise  

Puletao nou Eye sü malaiwure, ae rah kukhe hi posheela hai posheela peire, sübüa puletao nou avei lekhasü soupa peire. Südonou avei lekha rarou sü Jerusalem pei hi bure, ae sünasü khaitalai moe.


Ahaz nou veahoyu daopu khaie, Mapao vei jüphi ae mahmo sü soupua baire.


Daiolouzü puletao nou Eye thaowua ramai kukhe hi poukai nüvei meidei-a posheela peire, ae puletao nou soukhai touyu vahtao sünou avei lekha soupa peiwure, ae avei lekha nasü buh hai hi lakou peilai, ae süsü panou akhai bulai moe.


Kanaan teidei hinou puletao hai puletao vei nah naotu poutu khesü basharaye poa sheela peire.


Puletao vei teidei hisü bashara nou phoutao buloure, ae puletao hai lah puletao bah nou soukhai touyu nakhesü thotare.


Shara souyu mainou sana souyu maiye paoshowe, ae hubao poa bashara dachiyu nanou hu deikhayu na hisü ‘Hai hai deikha veishore’ tea paoe, ae bashara sü pa lümore donou hushu nou veakha peiwe.


Enou avei maitaoye sü tudee peilai, daiolouzü puletao nou Eye thaowu-a rah kukheye posheela peitare, alia bahnou souyu bashara sü thotare.


Puletao nou neletaoye rah kukheye tho tasou moyuma sütao vei kuvah soua Mapao vei lekha rarou soupa peiso tea nou paopeie. Neletao nou Mapao vei chi zülouyu thaio, neletaoye puhnou souvea peilai moe.


Daisounou neletao nou ve hrüa buyu Ejipt teidei hai hinou rah kukheye posheela peia bashara khesü tho-a avei lekha soupa peiwe? Neletao lah neletaoye soushi loulai ae deiphao hi tyahrü hrülaiye panou neletaoye ngaora-a neletao vei zhih sü panou chaa soua pore donou vah ashi hai khesü soupfüvu?


Mapao louzü chilee checheyu nasü zhuwe. Puhnou neletaoye dapeie, ana neletao nou süpei moe; Puhnou neletaoye sousasa peie, ana neletao nou sülou moe. Neletao vei tsüle sü khousholou-a mah hinou leda nümore.


Hai khesü ngaoloua maikhe mai hai vo-a baie ae tsü ha-a baiwe; bashara souyu maitaoye sü hraongu soupeiwure, daiolouzü puletao nou souyu rahtao sü cheche moe ae hrirai hae.


Nenou rakiva buyu Mapao ye ngaophou moyu hinou puhvei Rathoki hinou pove khaitouyu paikhaotao sü ne nghoujü popaloua sütao hinou ne, ne khehinou buyu peikhomaitao, ne chapfü maitao, ae nevei khrapfü maitaoye sa-a zhaoh sore. Nenou sülou hoyu, ngaolou hoyu ae choulou hoyu sana, shahu, baosahu, hu, süü ae chuhtao rahye paoshore, ana neye sühao-a buyu alia nenou souyu vah teitei khasa-a buyu Ramai ye nenou tsükhou peilou more.


Puletao nou zhaoh sü so loure, alia sana, shahu, baosahu, hu, süü ae chuh nou soukhai touyu rah khesü paoshore.


Chuo Israel mainou sou hai vakou nou datha-a rashiye posheela peiyu büa Mapao hi chilee cheche moyu vah sü soupulai moe. Israel mainou zhai hai nasü vere teile teitei hia soupfülai.


Enou neletao vei bashara ae chuh shokhai touyu khesü soushilai; neletaoye panou neletao lah soukhai touyu na khesü thopulai moe.


daiolouzü Johan Baptist nou neletaoye acheche ludu ngaopeia neletao hi tave, alia neletao nou puhye louche peibae; ana kikha khamaitao ea khakha maitao nou puhye loucheloue; alia neletao nou süsü ngaoyuma neletaosü thaikhai hi-a le daloua puhye louche peimoe.


Südonou Eletao sü Ramai tao-nahyu donou Ramai hai emainou raia ea dokai veia soukhai touyu sana, husha moa chuh vei basharaye raiwe tea choyu kaomoe.


Alia chuo, lah neletao noua Paul hainanou dai sousa touyu sü ngao-a ngaolai ea sü-a sülai süolouzü bahnou souyu ratao hai halia ramaimoe tea puhnou pao-a Ephesa hi likhei baimoa Asia teidei buh liki hinou maikhe maiye paothou louche peiwu-a mai taoli le soudare.


Alia teithe sütao kisü puletao nou chotu zhaikua bashara ali souloua sünaye sü ha nanou pove thoe ea puletao bahnou soukhai touyu vah sütaoye khuhao-a sasa nüh nüloure.


Enou naki vepu khaiyu kisü Aramainou Eye neletao nghojünou southou natai peishulai ea raiki mah souwu-a puletao vei kezhe züpayu hinou ea khulou vah hinou le dalou moyu sheemoyu vah sütao vanou Ehai do-a krashulai tea ngaopiwe.


Daiolouzü Enou süwe, süolouzü E thaitayu thai, neletao nou vah ashi tyatyali souta-a bailai, alia Enou neletao hi paodou peiyu ludu hilo tamoa tareita-a bailai. Süthaisü neletao nou Mapao vei nghingao hinou souso tea paopeiyu vah ashi khesü soupeia puhvei lekha sü daipa peiwulai, süthaisü neletao hi veahoyu tyatyali velai.”


Puletao nou rah cheche moyu Rah ashi khesü posheela peiwe, puletao paipao mainou sükhai moyu ra ashutya, Israel mainou tho moyu ramaitao hisü posheelawe.


Alia neletao nou buh sükhe hinou ngao-a ngaolai moyu, chou-a choulou hoyu, tou-a toulou hoyu ae kai-a ngilou hoyu rah, deiphao mai bah nou soukhai touyu bashara khesü thotalai.


Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.


Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.


Süthaisü rakivamai adai chenanou puh paisü teinghi hi lakhaire, alia sünaye panou maikhe maiye puhvei meisounou chathyayu sü aetou peire.


Daiolouzü rhei sütaovei khoukosü puletao vei mü ea meehi bue. Puletao meesü nghou kua pei pfüe, alia sütaonou maikhe maiye souzhu peiwe.


Moa puletao nou maiye southeayu, puletao vei khei-khupado, puletao vei khulou vah moa puletao vei vaoyu vah sütao hinou le dalou moe.


Lean sinn:

Sanasan


Sanasan