PONGAOPEIYU 9:1 - SHEEYU BAIBEL (BSI)

¹ Süthaisü rakivamai angou chenanou puh besü houng-e. Alia Enou ratei vanou teivuh ali deiphao hi dekouyu sü ngaoe, alia akhai hayu raobvüvei khareih sü puh hi peire.

PONGAOPEIYU 9:1 Iomraidhean Croise

ISAIAH 14:12

“Oh Babilon hi veo, vavei shoyu shona teivu, kabüa nou ne sü raki vanou dekou tare? Raichokio tyahrü kheye nenou veiloua buwe, ana chuo ne sü deiphi hi kaolou tare.

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

LUK NOU RÜYU KO AVEIBVÜ 8:31

Alia rashitao nou puletaoye panou akhai hayu raobvü hi tare donou kharochi peiso tea Jisu hinou khoe.

ROMMAI 10:7

“Moa nenou, thaohnou deiphao khelehi taloulai? tea noulaimoe,” (süvei ko louzü Khristaye athai hinou popayuye paoe).

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 11:7

Puhai nou puhaivei zhopaoh soucheyu kisü, akhai hayu raobvü hinou tapayu khaosou sünanou puhai pei hi reih souloua ea puhaiye koloua southealai.

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.

PONGAOPEIYU 20:1

Süthaisü rakivamai alinou puhbah hinou akhai hayu raobvüvei khareih ea hurai aduli poa rakivanou takouyu sü Enou ngaoe.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 6:13

Alia chihshoyu teikhainou doushibe vahi hüshoyu ki sühinou liche moyu doushitao raikouyu kua rateihi teivuhtao-a deiphao hi dekoure.

PONGAOPEIYU 8:10

Süthaisü rakivamai asü chenanou puh besü houng-e, alia meikei kua keivavayu dushoyu teivuh alisü ratei vanou dekouloua deiphao hi rei zha asü hinou zhali hi ea dzühoung taohi kou loure.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.

PONGAOPEIYU 8:2

Sükisü Ramai nghojünou la-a buyu rakivamai anaiye Enou ngaoe, alia puletao hisü be anai peire.

PONGAOPEIYU 9:2

Teivuh sünanou akhai hayu raobvü sünavei müsü hapae, alia sühinou meifü aduhi meikhao kua mei khaopae; teinghi ea rateisü raobvü sünahi meikhao süna vanou zhitei loure.