PONGAOPEIYU 8:7 - SHEEYU BAIBEL (BSI)

⁷ Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.

PONGAOPEIYU 8:7 Iomraidhean Croise

LOUTAO 105:32

Puhnou teirü seiveyu thaosü reithou ae teipeiyu sünou teidei hisü seive peie.

TAPALOUYU 9:33

Moses nou veoye thaokhaiwua nuhdu hinou vakou tapa louyu phaki, puh bah thaipaloua Mapao hi veachi paoe. Süthaisü teisüyu, reithou kouyu ae teireiyu sü khaitare.

ISAIAH 28:2

Mapao nou khouko bushoyu mai aliye panou teikhai teirü ashi veyu büa reithou kouyu büa ae dzüdu nou ve soushiyu büa puletao teidei sü soushire donou soudawure.

ISAIAH 29:6

Khoukhoulai Mapao nou nüsüyu ae teisüyu teikhai teirü ashi alia mei nou taopoa ve neletaoye sü khailupa peilai.

ISAIAH 30:30

Mapao nou mai hrülaiye sü panou tsükhou züyu puhvei pai sü choulai, alia khouko bushoyu puhvei lekha, mei taoyu meikei, teikhai teirü ashi, ae reithou kouyu sü panou ngaolai.

ISAIAH 32:19

(Ana vaobvü hisü reithou koulai, ae nuhdu sü soushi khaiwulai.)

EZEKIEL 38:22

Enou puhye sü sounou ashi zhe kükouyu nou tudee pailai. Teivu ashi ae reithou, süpei hinou mei ae meithou nou puh hi ae puhvei reihmaitao hi alia puhye koa salaiyu tyahrütao hisü koupeilai.

JOEL 2:30

“Enou rakiva ae deiphao hie khupayu vah soungaolai, zhe, mei ae meikhao büa nou soungaolai.

JEMS 1:11

Daiolouzü teinghinou puhvei meisou sünaye koa paloua poube sünaye chatheawure; sünavei poupah-a raitare, alia sünavei ngah veinasü souhare. Süzhaibüa hanimai süna-a puhvei hu phoubu kinou hata bailai.

JOSHUA 10:11

Israel mai nghoujü nou puletao nou tushia Beth-horon deishao hi kouhkhaie, Mapao nou Azekah teidei hi koute reithou nou pa rükouh mai alao ye deithapeie. Israel mainou puhtao ye southa jünou reithou nou kouh deithayua mai pousho hie.

1 PITAR 1:24

daiolouzü, “Emai hrülaisü pouhou kubaie, alia puletao vei kathe teiteisü rekouhi poupa kubaie, Pouhoutao-a vütabaie, alia poupatao-a raitabaie,

PONGAOPEIYU 12:4

Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 16:2

Südonou rakivamai araina nou taloua puh vei paisü deiphao lakoure, alia khaosou süna vei shee buyu ea puhvei zhu raiyu basharaye thoyu maikhe maitao vahisü ngaopiyu ea soushoyu chükütao paloure.

PONGAOPEIYU 16:21

Rateivanou maikhemai pei hisü reithou alilinou sühcho raingoupha süyu dushoyu reithoutao rükou loure. Alia reithou vanou veahoyu süna donou maikhemai nou Ramaiye chaloure, daiolouzü veahoyu süsü ngaopi zhulere.

PONGAOPEIYU 6:8

Alia Enou zhuyu kisü Anghojü hinou rhei papayuli buyu sü Enou ngaoe, süna phaovahi buyu puh zhihsü Athaina tea kuwe, alia thaimai deiphao nou puh thaisü fütei poa laiwe, alia deiphao zha adai hinou zha aliye sü khoche, tokaayu, sounou ea deiphao hi rekhaotaoye panou southea loure donou puhai hi khouko thoupeire.

PONGAOPEIYU 7:1

Haina thaisü rakivamai adainou teikhaiye panou deiphao hi, zai hi moa süübe tali vahi hükhai more donou deiphao kaihoung adai hinou la-a deiphao vei teikhai adaiye keipoa buyu sü Enou ngaoe.

PONGAOPEIYU 9:15

Südonou teilecho haina, teithe haina, khou haina ea po haina donou deiphao hi maihrü zha asü hinou aliye southea loure donou khaidakhai touyu rakivamai adaitaoye sü phapeire.

PONGAOPEIYU 9:18

Puletao mü hinou payu mei, meikhao ea meichuh haitao asünou souvea peiyu sünanou emaihrü zha asü hinou aliye sü southeare.

PONGAOPEIYU 9:4

Puletao hisü deiphao hi poudai, poube moa kukhe süübe taliye soushiwu more, ana puletao puhi Ramai vei paoshee hayu mai sütaoye likheithe soushi peire donou paopeire.