PONGAOPEIYU 8:5 - SHEEYU BAIBEL (BSI)

⁵ Sühinou rakivamai sünanou ha kainüveiyu meitaoyu bvü sünasü poloua süsü sheelabuh hi mei sünanou thouphouloua süsü deiphao hi polai koure; alia sühisü pairao ea teisüyu kho, tei peivavayu, alia nü süyu paloure.

PONGAOPEIYU 8:5 Iomraidhean Croise

1 VEMAITO 19:11

Mapao nou puh hi paoe, “Vakou tapalo ae deichi peitaoh hikhe anghoujü nou la-a bulo.” Süthaisü Mapao nou takoure, ae puhnou chishoyu teikhei sü seive deichi khesü souphewure, ae chuhlya khesü souphosasa khaire, ana Mapao louzü teikhei hrohi bumoe. Teikhei hüyu sü baire, süthaisü nüsü vere, ana Mapao hai nüsüyu hisü bumoe.

LOUTAO 18:13

Süthaisü Mapao nou ratei hisü nou pa teisü pare, ae Kukulai hi Bupu pai sü panou choue.

TAPALOUYU 19:16

Teithe asü zhou shona sü teisüre ae teipeivavare, alia deichi vasü teihao nou chaotei touloure, ae shabe khosü chishoa nghoupare, sükukhaie fühao hinou buyu mai hrülai sü ngaopi shoa ngure.

ISAIAH 29:6

Khoukhoulai Mapao nou nüsüyu ae teisüyu teikhai teirü ashi alia mei nou taopoa ve neletaoye sü khailupa peilai.

ISAIAH 30:30

Mapao nou mai hrülaiye sü panou tsükhou züyu puhvei pai sü choulai, alia khouko bushoyu puhvei lekha, mei taoyu meikei, teikhai teirü ashi, ae reithou kouyu sü panou ngaolai.

ISAIAH 66:6

Nuhdu hinou pai chisho-a rayu ae Rathoki hinou shusoua raoyu paisü kei khaio! Pai sükhesü Mapao nou puhye ngaobayu maitaoye tudee laiyu Mapao vei pai kho-e.

JEREMIAH 51:11

Mapao nou Media maivei vemaitao tsüle sü souhropeiwure, daiolouzü puhnou Babilon sü souhare donou tsüchodawure. Puhnou puhvei Rathoki soushiyu vanou haibüa khüngu sü phoulai. Soureih soutayu hi peikhowo nou haibüa kharochi peie, “Neletao vei vouloushu pei sü hritsülo! Rü pfülo!

LEVIMAI LARÜBVÜ 16:12

posheelabu hinou meithou khao ali ae poukai nüvei bahzü ali hai poloua Sheesheelai Buh hisü taloulai.

ZEKHARIAH 14:5

Mapao vei deichi ahai soua dakho khaitouyu deikho hinou neletao nou turei paloulai. Judah hi veo Uzziah nou veo soua buki neletao puopao maitao nou nüsüyu phaki, tupa louyu büa panou neletao-a tupa loulai. Süthaisü Mapao, avei Ramai nou rakivamai hrülaiye sü saloua velai.

MATHIU 24:7

Daiolouzü teidei alinou teidei ali pei hi, alia vedei alinou vedei ali pei hi reih soulai, alia buh lihkinou tokaalai ea nüsülai.

LUK NOU RÜYU KO AVEIBVÜ 12:49

“Enou deiphao hi mei laithou peire donou ve; alia sünahai meitao paloureshe toulouzü süsü daizhoa Enou züpa laisa!

SEI-ATAMAI VAHTAO 16:26

Sükisü sükhaimoa sühisü nüsü shisho loure. Südonou hukhaki kifüsü soungusho loure, alia thala-a kikhu teitei sü houkhaire ea hukha hi bumai hrülai bah hi phukhai touyu hurai taosü deiphi hi zhoukoure.

SEI-ATAMAI VAHTAO 4:31

Alia puletao nou veachi paocheyu kisü, puletao nou vedzüa buyu buh nasü nguloure; alia puletao hrülai sü Rako Mashinou phoupeiloua Ramai Chipao sü khuvei-a paoshu tare.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 6:12

Alia Zhaotu sünanou paoshee arou chena hapayu sü Enou ngaoe. Sükisü sühisü chihshoyu nü süloure, alia teinghisü teithou soumai sah kuloure, alia khousü teiteinou hothou zhe bü baire.

PONGAOPEIYU 8:3

Alia ha kainü veiyu mei taoloure sana nou souyu bvü ali poa buyu kukhe rakivamai alinou taveloua sheelabuh hinou laloure. Alia puh hisü sheeyu maitao hrülai vei veachi paohi pothou hüloure ea vebuh nghojünou la-a buyu sana sheelabuh hinou posheela loure donou ha kainüveiyu na alaosou peikhaitoue.