PONGAOPEIYU 8:3 - SHEEYU BAIBEL (BSI)

³ Alia ha kainü veiyu mei taoloure sana nou souyu bvü ali poa buyu kukhe rakivamai alinou taveloua sheelabuh hinou laloure. Alia puh hisü sheeyu maitao hrülai vei veachi paohi pothou hüloure ea vebuh nghojünou la-a buyu sana sheelabuh hinou posheela loure donou ha kainüveiyu na alaosou peikhaitoue.

PONGAOPEIYU 8:3 Iomraidhean Croise

1 VEMAITO 7:50

pai, poukai ngiyubvü, khaosao, poukai nüvei thouyu khao, ae meithou thouyu bvü; alia Sheesheelai Buh hi taloure vei kikhu sü sana nou southou khaitoue.

LOUTAO 141:2

Enou veachi paoyu sü poukai nüvei meideiyu ali büa popeio, ae abah lashuyu haina hai koukhe posheela peiyu büa popeio.

TAPALOUYU 40:26

Puhnou sana nou soukhai touyu posheelabu nasü Rathokipao hi haosah haokhai touyu pah hi khailoue,

ISAIAH 6:6

Süthaisü shouh pfüyu khaona ali nou posheelabu hinou meithou ali meibya nou biloua ahi zhaokoue.

EZEKIEL 41:22

Haina hai mitar ali-ada kuwe ae mitar ali jha due. Haina vei kainghou hi dekatao, beikheiyutao, ae thakayu veishi hai süü nou soukhai toue. Mai nanou ahi haibüa paoe, “Mapao vei nghoujü hinou buyu taibel nasü hainare.”

AMOS 9:1

Rasheelayu buh pe hinou Mapao nou la-a buyu Enou zhingaoe, alia Puhnou paoe, “Rathoki peimatao nasü dakhosa mokoute dakho khaio, ae dakhokouh mai khemai pei hi deikhaio; alia shokhai toua buyu maitaoye sü Enou khoche nou daotha khaitouwulai; mai ali koute-a panou tutaloulai moe; mai ali koute-a panou palou laimoe.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

MAIPEI PHOUYU 4:11

Süthaisü sana nou soukhai touyu posheelabu nasü puletao nou sah teidaiyu ali nou züloulai ae süpei hinou veishoyu souheesah ali nou züloua kaopoa tare süüpo sü thaithou loulai.

LUK NOU RÜYU KO AVEIBVÜ 1:10

Alia maikhemai hrülai sü kaivei mei tao-a buyu phakisü vakou hinou veachi pao-a bue.

ROMMAI 8:34

Sübüyu thaisü, thaohnou puletao hi mah dukhailai? Khrista nou laiwu? Moe! Daiolouzü puhwo thailoua hrishu loure ea Ramai bah zhoulo vanou bua Eletaoye donou Eletao süh soua khoa bue!

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

EBRIAMAI 9:4

Sühisü kai nüveiyu mei deikhaire sananou soukhai touyu sheelabuh ea sananou zükhai touyu Vobvüna alia süna levai hisü Manna thoukhai touyu sana leeki, züh lapayu Aaron süpo, alia chikhatao rüthoukhai touyu vo chuhkhao ahai bue.

PONGAOPEIYU 10:1

Süthaisü Enou kukhe khouchihyu rakivamai ali raki vanou takouyu ngaoe. Puhye sü teihaonou zükhaitoue ea puh peiva hisü rüraipao ali haopfüa bue, alia puh pahsü teinghi kue ea puh phisü meikatao kue.

PONGAOPEIYU 14:18

Sühinou meipei hi khouko buyu kukhe rakivamai alinou sheelabuh hinou tapaloua haishoyu kairao poa buyu puh hisü haibüa paikushoa paoe, “Nevei kairaosü poloua deiphao hi darkha kipeivei darkha rashibo taosü tave dzüloukhaio, daiolouzü darkha rashitaosü meire!”

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.

PONGAOPEIYU 7:2

Süthaisü kukhe rakivamai alinou hriyu Ramai vei paoshee nasü poa teinghi palovanou takheyu sü Enou ngaoe. Puhnou pai kushoa deiphao ea zaiye soushi loure donou Ramai nou khouko peikhai touyu rakivamaitao adaihi paoe,

PONGAOPEIYU 8:4

Rakivamai süna bah hinou kai nüveiyu sünavei meikhao sünasü sheeyu maitao vei veachipao sünaye koa Ramai nghojühi khere.

PONGAOPEIYU 8:5

Sühinou rakivamai sünanou ha kainüveiyu meitaoyu bvü sünasü poloua süsü sheelabuh hi mei sünanou thouphouloua süsü deiphao hi polai koure; alia sühisü pairao ea teisüyu kho, tei peivavayu, alia nü süyu paloure.

PONGAOPEIYU 9:13

Süthaisü rakivamai arou chenanou puh besü houng-e, alia Enou Ramai nghojünou buyu sana sheela buh hi kai adaitao hinou paili choue.