PONGAOPEIYU 8:13 - SHEEYU BAIBEL (BSI)

¹³ Süthaisü Enou zhue, alia lühche alinou kushoa ratei tsüle hinou zhaopoa haibüa paikushoa paoyu sü Enou choue, “Kukhe rakivamai asütaonou houngpa laiyu bekho sütao vanou deiphao hi hrüa bumai hrülai donou daizhozhou ngaopisa! Daizho zhou ngaopisa! Daizhozhou ngaopisa!”

PONGAOPEIYU 8:13 Iomraidhean Croise

LOUTAO 103:20

Khouko pfüshoa buyu rakiva maitaore, Mapao ye paosholo, puhvei kharochi züa buyu maitao, Mapao ye paosholo!

EZEKIEL 2:10

Puhnou larübvü nasü ahi houpa ngao-e ae sühisü levea krayu, dopfüyu ae leyu khesü rüthou khaitoue.

EBRIAMAI 1:14

Sükuyu thaisü, rakivamaitao sü daisouyu maie? Puletao sü Ramai kuvah souyu ea khailu peiyu ngaoloure maitaoye soukha peiloure donou puhnou seive peiyu rakotao baie.

PONGAOPEIYU 11:14

Ngaopishoyu ahai chenasü pachere; ana zhukhaio, ngaopiyu asü chenasü thala-a velaire!

PONGAOPEIYU 12:12

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”

PONGAOPEIYU 14:3

Mai 144,000 sütaonou vebuh, hrikhaona adai sütao, alia tsümai sütao nghojünou laloua maitalinoua doulou hoyu lou ashu nasü puletao nou souwe. Deiphao maikhemai hrülai hinou khailu palouyu sü puletao likhei baie.

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.

PONGAOPEIYU 19:17

Süthaisü Enou rakivamai aliye teinghi vanou la-a buyu ngaoe. Alia puhnou ratei tsüle hinou zhaosühao-a buyu raohou taohi haibüa pai kushoa paoe: “Tavelo ea Ramai vei tovai aduna donou ve dzülo!

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 8:2

Sükisü Ramai nghojünou la-a buyu rakivamai anaiye Enou ngaoe, alia puletao hisü be anai peire.

PONGAOPEIYU 9:1

Süthaisü rakivamai angou chenanou puh besü houng-e. Alia Enou ratei vanou teivuh ali deiphao hi dekouyu sü ngaoe, alia akhai hayu raobvüvei khareih sü puh hi peire.

PONGAOPEIYU 9:12

Ngaopiyu araikha nasü pachere; zhukhaio, haithai-a ngaopiyu ahai vepure buhie.