PONGAOPEIYU 7:9 - SHEEYU BAIBEL (BSI)

⁹ Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.

PONGAOPEIYU 7:9 Iomraidhean Croise

SHURAI 13:16

Nevei tyaonah taosü panou vonai zhoua hrülai, maita linou vonai hai cholousüe toulouzü nevei tyaonah maitao haia cholousüe.

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 2:8

Kho khaio ae Enou tyahrü hrülaiye sü ne hi peilai, alia deiphao teitei sü panou nevei soulai.

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 76:4

Oh Ramai, ne hai daizhou koute duso sarou! Nenou ngaobayu maitao jünou veiloua deichi vanou dakhai veyu phaki nevei khouko ava nasü daizhou koute ngaoveie!

LOUTAO 77:2

Veahoa buyu phaki Enou Mapao hi veachi paoe; Enou khei mathe abah lapoa nou veachi paoe, ana Enou savayu sü ngaolou moe.

LOUTAO 98:3

Puhnou Israel maitao hi apaokhai touyu nasü thaifüa puhnou puletao hi chilee cheche-a ae tobai soumoa leshi peie. Etao Ramai nou veilouyu nasü deiphao mai hrülai nou ngaoloure.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 3:17

Sükuyu teile nasü veyu phaki, Jerusalem hai ‘Mapao vei Vebuh’ tea kulai, ae tyahrü hrülai nou tave sühinou Eye tholai. Puletao nou rochi-a puletao vei tsüle ashi nasü thaifüa vah ashi sü soutapulai moe.

EZEKIEL 47:5

Süthai-a puhnou mitar kaihngouli hai doupu khaie, dzü hai thouleloua E sü talou hore. Chuo reidzü hai thouleloua dzü dapoa koubai deinou kalou hore.

DANIEL 4:1

Veo Nebukhadnezzar nou deiphao hinou hrüyu mai hrülai hi, tyahrü teitei hi ae la kukua paiyu maitya veishi hi haibüa chi paotae: “Neletao mai hrülai nou savayu sü soulou theo!

DANIEL 6:25

Süthaisü Darius veo nou deiphao hrüyu tyahrü teitei hi, maitya hrülai hi ae la kukua raoyu mai veishi hi haibüa kharochi rüloua seitae: Mai hrülai nou savayu sü soulou theo!

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

LEVIMAI LARÜBVÜ 23:40

Süzhou teithe neletao vei rashibe hinou rashithou veikayu daotu polo, hasüünghou ae süünghou pfüyu süübo poloua neletao vei Ramai Mapao ye tsükhouyu hinou khonüh nasü nütalai.

ZEKHARIAH 10:8

Enou Amaitaoye sü kuloulai alia save pojükhai loulai, daiolouzü Enou puletaoye sü vupa peiwure, alia puletao hai raichoki mai alao hrüyu büa panou hrüvepu loulai.

ZEKHARIAH 2:11

Süzhou teithe tyahrü taolinou Mapao hisü velai alia puhvei mai soutalai, alia puh hai-a neletao hrohinou bulai. Süthaisü Khoukhoulai Mapao nou Eye neletao hi seivewe touyu hai neletao nou süloulai.

LUK NOU RÜYU KO AVEIBVÜ 12:1

Teile süpha hinou mai the taoli tavedzüa puletao alinou aliphi tai-a buyu hinou, puhnou raia puh rozümai taohi paoshu tare, “Pharisee maitao vei kheih, süolouzü puletao vei aveikho souyu vanou zhutoulo.

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

JOHAN 12:13

Südonou puletao nou habo poloua puhye daore donou tapare alia shusoua shaloure, “Hosanna! Mapao zhih hinou tave louyu, Israelmai Veo puhsü rako veie!”

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.

EPHESAMAI 6:13

Südonou chuo Ramai vei reihnasü noulo! Süthaisü teithe ashi veyukisü, ngaoba mainou reih duveyu sü neletao nou nulou süe; alia akhai koute reih zükouyu kisü, neletao nou ko-a laloulai.

EBRIAMAI 11:12

Südonou thaimai kheihao baiyu mai ali vanou rateihi teivuh zhou ea choshalou hoyu zaipehi vünaizhou taonah hrükouloue.

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 22:3

Ramai acha ngaoa buyu hatalia nuhdu sühi sü bulaimoe. Ramai vei ea Zhaotu sünavei vebuh sü nuhdu sühinou bulai, alia puh kilai maitao nou puhye sü tholai.

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 5:11

Süthai-a Enou zhukhaie, alia Enou rakivamai thethe ea zzü zzü paisü chouwe! Puletao sü vebuh süna, hrikhaona sütao ea tsümai sütaoye sühao poa la-a bue,

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.

PONGAOPEIYU 6:11

Sükisü puletao mailili hisü zaokaa adu chekhei peie, alia puletaoye southeayu büa southea laiyu puletaoye koa kilai souyutao ea puletao vei thaihou jürai maitaoye-a dathea chekhoumo koutesü phajü sopuloulaiwo tea puletao hi paopeie.