PONGAOPEIYU 7:3 - SHEEYU BAIBEL (BSI)

³ “Ehnou Eletao Ramai kilaitao puva hi paoshee nomo koutesü deiphao, zai moa süübetaoye sü soushiwu khaiso.”

PONGAOPEIYU 7:3 Iomraidhean Croise

TAPALOUYU 12:13

Zhe nasünou neletao nou buyu ki hi shee soukhailo, ae Enou Ejipt maiye southa veyu phaki, kikhu pei hi zhe nakhai touyu ki khesü Enou taloumoa tachota-a bailai.

TAPALOUYU 12:23

Daiolouzü Mapao nou Ejipt maiye southa veyu phaki, puhnou neletao kikhu pei hi ae deka ahai hi zhe nakhai touyu ngaoloua tachota-a bailai, ae Athai Rakivamai naye panou neletao ki hi talou southalai moe.

ISAIAH 27:8

Mapao nou puhvei maitaoye hukhamai soua panou vakou nüpota-a souvea peie. Puhnou puletaoye sü teinghi palova teikhai ashi alinou pa hüpoa tare.

ISAIAH 54:17

Ana reih basei tarali noua neletaoye sü soushilou laimoe, ae chikuyu hi mai tara linoua neletaoye paoshia mah dukayu teitei hinou neletao nou veiloua bailai. Enou avei kilai nasü vupeilai ae veilouyu sü puh hi peilai,” tea Mapao nou paoe.

ISAIAH 6:13

Mai kirou hinou mai ali koute-a shokhai toua bulouzü, puhye koute-a souhawulai; puhye sü süübe vikhao khaitouyu süümü ali buyu bütoua panou bulai.” (Süümü nasü daie paowe toulouzü, süübe lapa louyu bütoua Ramai vei maikhe sü hrüdakhai shupu loulai).

ISAIAH 65:8

Mapao nou haibüa paoe, “Mai taralia darkhabe aveih nasü vi moe; vire thaosü, süna hinou darkha shithou hailoua darkhadzü sülouwe. Sübütoua E-a avei maitaoye sü souhakhai toulai moe, avei kuvah soua buyu maitaoye sü Enou khailupa peilai.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

EZEKIEL 9:6

Tsümai ae nahlemai, naotumai, pfümai ae nahmaitou sümoa mai taidu hrülai nou southa khai-o. Ana pu hi larücha daokhai touyu maitaoye sü mailia southaso. Neletao nou rathoki hai hinou southa poa talai.” Südonou puletao nou rathoki hinou la-a buyu Israel maivei süthai-apei maitao hinou southa poa nou tare.

DANIEL 3:17

Etao nou thoa buyu Ramai nanou Etaoye mei hinou ae ne bah hinou vupa peilai toulouzü vupapei shulai.

DANIEL 3:26

Süthaisü Veo Nebukhadnezzar nou meifü vei kikhu bomü hisü kouloua “Shadrak, Meshek ae Abednego, Khoukhoulai Ramai vei kilai maitao, neletao vakou tapalo” tea pai kushoa kue. Südonou puletao nou vakou tapa loure.

DANIEL 6:16

Süthaisü veo nou Danielye sü nülo alia souveo be hisü laithouwo tea kharochi peiwure. Veo nou Daniel hi paoe, “Nenou chilee chechea thoyu Ramai ye panou neye vupapei theo!”

ZEPHANIAH 2:3

Teidei haihi nataiyu mai hrülai, Mapao vei kharochi züa buyu mai, Puhye phoulo; acheche nasü phoulo, tainou souyu nasü phoulo; sükulouzü Mapao vei lekha-rarou payu teithe neletaoye poku peishulai.

MALAKAI 3:18

Süthaisü checheyu mai ae maishimai, Ramai vah soumai ae Ramai vah soumoyu mai tyakuyu sü neletao nou süpu loulai.

MATHIU 24:22

Alia teithe sütaohai soujü peimo louzü, maili koutea khailulou hoe; ana dopa louyu puletaoye donou teithe sütaosü soujüwulai.

MATHIU 24:31

Alia puhnou puhvei rakivamai taoye paiku shoa houyu be khonou pua seivelai, alia puletao nou puhnou dopa louyu maitaoye rateiva akhai polo dova hinou akhai polo koute, deiphao kaihoung dai hinou pove dzülai.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 3:33

Ana puh zhopaoh polouyu puhnou Ramai hai chekhaoe tea le laloure.

ROMMAI 6:22

Ana chuo neletaoye sü mah hinou do soupeire ea Ramai qila souloure. Neletao nou zhiyu süolouzü hrümai teiteinou Ramai hi popeiyu süsüe, alia süna thousü teisa ahri nasüe.

PONGAOPEIYU 13:16

Khaosou sünanou maikhemai taidu, hani-haha, qila ea dosouyu maitao hrülai vahi süolouzü puletao vei bah zhoulo moa puletao puhi shee ali nutsüloua soupeie.

PONGAOPEIYU 13:17

Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.

PONGAOPEIYU 14:1

Süthaisü Enou zhue, alia zhukhaio, Zion deichi hinou Zhaotu sünasü la-a bue; alia puhye koa puhzhih ea puh puo zhih puletao puhi rüthou khaitouyu maikhemai 144,000 sü bue.

PONGAOPEIYU 14:9

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü,

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 22:4

Puletao nou puh zhusü ngaolai, alia puh zhihsü puletao puvahi rükhailai.

PONGAOPEIYU 6:6

Sükisü ha kholi hrikhaona adai sütao hrohinou paipayu büa süolouzü, “Southou sühcho ali muhsü naizho, alia shithou sühcho asü muhsü naizhoe. Ana Oliv süübetao ea darkha kipeitaowo louzü hakonou souhawuso!” tea paoyu sü Enou choue.

PONGAOPEIYU 7:1

Haina thaisü rakivamai adainou teikhaiye panou deiphao hi, zai hi moa süübe tali vahi hükhai more donou deiphao kaihoung adai hinou la-a deiphao vei teikhai adaiye keipoa buyu sü Enou ngaoe.

PONGAOPEIYU 7:2

Süthaisü kukhe rakivamai alinou hriyu Ramai vei paoshee nasü poa teinghi palovanou takheyu sü Enou ngaoe. Puhnou pai kushoa deiphao ea zaiye soushi loure donou Ramai nou khouko peikhai touyu rakivamaitao adaihi paoe,

PONGAOPEIYU 9:4

Puletao hisü deiphao hi poudai, poube moa kukhe süübe taliye soushiwu more, ana puletao puhi Ramai vei paoshee hayu mai sütaoye likheithe soushi peire donou paopeire.