PONGAOPEIYU 7:2 - SHEEYU BAIBEL (BSI)

² Süthaisü kukhe rakivamai alinou hriyu Ramai vei paoshee nasü poa teinghi palovanou takheyu sü Enou ngaoe. Puhnou pai kushoa deiphao ea zaiye soushi loure donou Ramai nou khouko peikhai touyu rakivamaitao adaihi paoe,

PONGAOPEIYU 7:2 Iomraidhean Croise

2 VEMAITO 19:4

Assaria hi veo nou puhvei peikho maiye seive hriyu Ramai ye sü paoshi-a nou bure. Nevei Ramai Mapao ye sü panou puletao nou paoshi-a buyu khesü chouloua puletaoye tudee peiyu sü soupeio. Sübüa hria buyu Etao vei maitaoye donou Ramai hi veachi paokha peio.”

SOLOMON VEI LOU 8:6

Eye sü nevei lethou pei hi sheesao soua khaipeio, alia ne baokao hinou shee ali soua khaipeio, daiolouzü lesha hai athai büa khouwe, sounüyu hai khüh büa pou shiwe. Puhvei meikei hai-a mei vei meikei büe, chachih shoyu meikei ali büa taowe.

ISAIAH 41:2

“Thaonou teinghi palova nou reih veilouyu naye süve peie, ae puhye panou tayu buh liki sü reih veiloue? Thaonou puhye veo maitao ae tyahrütao jünou veilouyu sü peie? Puhnou puletaoye sü naihü büa puhvei khoche nou daode peie, ae puhvei voulouthou nou puletaoye sü rouvao büa soupo rarou peie.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

MALAKAI 3:1

“Zhukhaio, Aludu soudare donou rai-a ako pomai seipeilai, ae nenou phoubuyu Mapao sü sükhaimoa puh vei ratho ki hi veloulai; Zhukhaio, neletao nou jüpayu Vo vei ko aveih pfülaimai nasü velai,” tea Khoukhoulai Mapao nou paoe.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

MATHIU 26:63

Ana Jisu nou hachi lia paokhai moe. Alia napao peicha nanou puh hi paoe, “Hriyu Ramai zhih hinou Enou neye kharochi peia paowe, nehai Ramai Nahpoutu Khristae toulouzü Eletao hi paokhaio.”

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

2 KORINTHMAI 1:22

Puhnou puhvei paoshee hai Eletao pei hi noupeiwure ea puh rakosü Eletao lethounou panou lapeiyupao soua bure donou Eletao hi peiwure.

EPHESAMAI 1:13

Neletaoye khailu louyu pove peiyu Ko Aveina, cheche chipao süna neletao nou choulouyu kisü neletao-a Ramai vei maitao souloure. Neletao nou Khristaye louche loure, alia Ramai nou neletao hi puhnou apaopei khaitouyu Rako Mashi nasü peiwu-a neletao pei hi puhvei paoshee nasü nokhaire.

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.

PAODAKHAIYU CHIKHA 5:26

Deiphao mai aliro mei hinou hria buyu Ramai nou raopayu pai chouloua Etao büa hrilouyu buhage?

1 THESSALONIMAI 1:9

Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

2 TIMOTHI 2:19

Sütoukhaia Ramai nou soushupa khaitouyu kifü sünawo louzü soukho louhoe; alia süpei hisü sükua paoshee soukhaitoue: “Mapaowo nou puhmai soua buyu taoye sü süwe” ea “Mapao vei zhih ku-a buyu maitalinou ashi soua buyu hinou tarei talou vuzülai.”

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.

PONGAOPEIYU 1:3

Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.

PONGAOPEIYU 10:1

Süthaisü Enou kukhe khouchihyu rakivamai ali raki vanou takouyu ngaoe. Puhye sü teihaonou zükhaitoue ea puh peiva hisü rüraipao ali haopfüa bue, alia puh pahsü teinghi kue ea puh phisü meikatao kue.

PONGAOPEIYU 10:4

Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 16:12

Süthaisü rakivamai arou chenanou puh paisü Euphratis reidu nahi lakouthoue. Sühinou teinghi palovanou veyu vemaitao vei ludu souda loure donou reidzü süsü there.

PONGAOPEIYU 5:2

Alia haibüa, “Thaohnou paoshee taosü soukholoua larübvü nasü hapalou süe?” tea pai kushoa paoyu khou-chihshoyu rakivamai aliye Enou ngaoe.

PONGAOPEIYU 8:3

Alia ha kainü veiyu mei taoloure sana nou souyu bvü ali poa buyu kukhe rakivamai alinou taveloua sheelabuh hinou laloure. Alia puh hisü sheeyu maitao hrülai vei veachi paohi pothou hüloure ea vebuh nghojünou la-a buyu sana sheelabuh hinou posheela loure donou ha kainüveiyu na alaosou peikhaitoue.

PONGAOPEIYU 9:14

Pai sünanou rakivamai arou chenahi haibüa paoe, “Euphratis reiduna hinou phukhaitoua khaikhai touyu rakivamai adaitaoye sü phapeio!”

PONGAOPEIYU 9:4

Puletao hisü deiphao hi poudai, poube moa kukhe süübe taliye soushiwu more, ana puletao puhi Ramai vei paoshee hayu mai sütaoye likheithe soushi peire donou paopeire.

1 SAMUEL 17:26

David nou puhye nghia buyu maitao hi noue, “Philistin maipu naye southa loua Israel maiye vupa peiyu naye daili peilai touwe? Heebi moyu Philistin maipu nanou hria buyu Ramai vei reihmaitaoye ngaophou moa vah-a buyu nasü thaoge?”

1 SAMUEL 17:36

Enou souveo ae vuh khesü southaloue, sübütoua Ramai ye sümoyu Philistin puona-a Enou southaloua bailai, daiolouzü puhnou hriyu Ramai vei reihmaitaoye sü ngaophou more.