PONGAOPEIYU 7:17 - SHEEYU BAIBEL (BSI)

¹⁷ Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”

PONGAOPEIYU 7:17 Iomraidhean Croise

LOUTAO 22:26

Touhayu maiye sü panou tounü sü touloulai, Mapao ye phouyu maitao nou neye sü paosholai. Puletao panou teisa nou savayu sü soulou theo.

LOUTAO 23:5

Eye ngaobayu maitao nghoujü hinou nenou Eye panou khonüh nüre donou souda khaipeie, nenou Eye sü tsükhou shoyu mai ali büa sühpeie, ae avei pai sü laphoutao peie.

LOUTAO 28:9

Oh Mapaowo, nevei maitaoye khailupa peio, ae nevei maitaoye shiha peio. Puletao vei zhaokhowo nasü nenou soupeio, ae teisa nou puletaoye kiko peio.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

ISAIAH 25:6

Khoukhoulai Mapao nou Zion deichi vanou deiphao hi buyu tyahrü hrülaiye donou touso aveihli nou vaire donou souda peilai.

ISAIAH 25:8

Puhnou athai nasü teisa polaiwulai, ae Mapao nou mai hrülai nghithou hisü nghidzü southe peilai, alia deiphao hinou hrüa buyu puhvei maitao nou veaho-a chaa pfüa buyu nasü polai peilai, daiolouzü Mapao nou haibüa paoe.

ISAIAH 30:19

Oh Jerusalem hinou hrüa buyu maitaore, neletao krayu paisü chouloua zhuvea peilai, ae neletao vei akho sü noupeilai.

ISAIAH 30:25

Neletaoye ngaobayu maitao vei reihbu khesü soupepo-a puletaoye nüloua southa cheyu teithe sü deichi ae deitao teitei hi buyu reitoutao hinou dzü kükoulai.

ISAIAH 35:10

Puletao nou asasho-a nou lou soupoa Jerusalem hisü velou loulai, puletao nou teisa sava-a hrülai, alia veahoyu ae dongai pfüyu bulai moe.

ISAIAH 40:11

Puhnou puhvei maitaoye sü zhaotu khoyu mainou zhaotuye kiko peiyu büa kiko peilai, ae zhaotu sü puh bah nou pove jüpeilai, alia zhaotu ke khesü zhutou poa sa-a tapeilai.

ISAIAH 49:9

Enou hukhaki hi buyu maitao hisü ‘Tapalo!’ ae azhi hi hrüa buyu maitao hisü ‘Ava hi tapalo!’ tea paopeilai. Puletao hai hiphao hinou pou tou-a buyu zhaotu büa bulai.

ISAIAH 51:11

Mapao nou khailupa louyu maitao sü ki hi dakhai velai, puletao nou asasho-a lou soupoa Zion hi ve loulai. Teisa savayu sü puletao hi bulai, puletao nou asah sü ngaolai, ae veahoyu alia dopfüyu sü bupu laimoe.

ISAIAH 60:20

Neletao nou veahoyu teithe taosü akhai soulaire. Khouh teinghi jünou veipua Mapao Enou neletao vei ava nasü teisa nou soupeilai.

ISAIAH 65:19

E-a Jerusalem ae sühi buyu maitao donou asalai. Sühisü krayu pai ae veahoyu kho sü choupu laimoe.

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

JEREMIAH 31:9

Avei maitao nou krapoa nou veloulai, veachi pao-a Enou puletaoye sa-a dakhaive peilai. Enou puletaoye reidzü küa buyu buh hisü save peilai, ludu züveiyu hinou sa-a panou phi süloulai moe. Enou Israel maiye puo ali büpeilai, ae Ephraim hai anahpoutu naraio nasüe.”

EZEKIEL 34:23

Enou avei kilai David veo büyu vemai ali hai puletao hi peilai ae puhnou puletaoye sü kaozü hinou kiko peilai.

MIKAH 5:4

Puh velouzü, puhnou puhvei maitaoye sü Mapao vei khouko sünou khasa-a hrülai, ae puhvei Ramai Mapao zhih hinou kaozü soua kiko peilai. Puhvei maitao nou kaozhou ashi lia ha-a hrülai, daiolouzü teideiphao teitei nou puhvei aduso nasü süloulai,

MIKAH 7:14

Mapao, nenou dopa louyu maitao vei zhaokhopu sü nenou soupeio. Puletao nou vaohro hinou hrüa buyuma, puletao vei pehao hisü teidei aveih sü bue. Raichoki büa puletaoye panou füdei aveih Bashan ae Gilead hinou taho panou hrüo.

MATHIU 2:6

‘Juda teideihi buyu O Bethlehem, newo Juda teidei hi buyu nuhdutao hinou taikhana moe; daiolouzü nehinou veomai ali velai ea puhnou Amai Israelmai taoye khopeilai.’ ”

MATHIU 5:4

Dopfüa bumaisü rakoveie; daiolouzü puletaoye souva peilai!

JOHAN 10:11

“E hai zhaokho aveiwo süe. Zhaokho aveiwonou zhaotutao donou puh hrirai peie.

JOHAN 10:14

E hai zhaokho aveiwo süe. Apuonou Eye süyu ea Enou Apuoye süyu kua, Enou Azhaotu taoye süwe ea puletao-a Eye süwe. Alia Enou Ahrirai hai zhaotutao donou peie.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:11

Naotu süpainou puh hi paoe, “Dou-apeio, newo dzü saoloure halia hae, alia dzükhao nasü thoushowe; daikinou nenou hriyu dzü nasü ngaoloulai?

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

1 PITAR 5:2

Neletao bah hi thaothou peikhai touyu Ramai vei zhaokhoye sü moshilaiyu hinou moa, sasa-a khopeilo; neletao vahsü pousha ngaore donou mo-a sounü shoyu hinou soulo.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 21:4

Puhnou puletao nghithou hinou nghidzü teiteisü southe peilai. Sühisü athaisü bupu khailaimoe, alia dopfüyu moa krayu, moa souyu sü bupu khailai moe, daiolouzü na araitao sü talata khaire.”

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 4:11

“Eh Mapao ea Ramai! Newo adusho, tsükhouyu ea, khouko ngaozüe. Daiolouzü nenou na teitei soupeie alia ne leli hinou puletao sü veloue ea hriloue.”

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.