PONGAOPEIYU 7:10 - SHEEYU BAIBEL (BSI)

¹⁰ Puletao nou pai kusholoua shapae: “Khailu peiyuhai vebuh hi buyu Eletao Ramai ea Zhaotu hinou ve!”

PONGAOPEIYU 7:10 Iomraidhean Croise

LOUTAO 115:1

Oh Mapaowo, nevei tobai soumoa leshi peiyu donou, ae nevei chilee checheyu donou nevei zhih aveih nasü paosholai, Etao hi paolai moe, neye likhei kathe aveih nasü pao-a bailai.

LOUTAO 3:8

Veilouyu hai Mapao hinou ve-e, puhnou puhvei maikhe maiye shiha peiyu sü soulo theo.

LOUTAO 37:39

Mapao nou acheche maiye sü khailupa peiwe, ae puletao nou veahoyu phakia vupa peiwe.

ISAIAH 43:11

“E likhei Mapao sü baie, E baimoa neletaoye khailu peire kukhe mai ali-a ha-e.

ISAIAH 45:15

Israel maivei Ramai, puhvei maitaoye khailu apeio, puh hai tutsüa buyu Ramai ali-e.

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

JEREMIAH 3:23

Deichi vanou cheche moyu rahtaoye thoyu donou Etaoye soukha peimoe. Israel maiye soukha peiyu hai Etao Ramai Mapao hinou ve-a baie.

HOSEA 13:4

Mapao nou paoe, “Neletao ye Ejipt hinou sapa peiyu Ramai nasü E-e. E moa nou rah kusü ali-a hae, E likhei nou neletaoye khailu peiloure Mapao sü baie.

JONAH 2:9

Ana avei kaloyu paisüla noupu Neye poa sheela peie. Enou paokhai touyu nasü souche peilai. Khailu peiyu nasü Mapao likhei baie!”

ZEKHARIAH 4:7

Kaozhou ashi nou ne hi deichi büa neye ve khuyuma, ne nghoujü nou hata bailai. Neye panou Rathoki nasü soushu loulai, nenou akhai chuh na pokou khothou louyu phaki, maisou nou ‘Daizhou koute veisa! Daizhou koute veisa’ teanou shalai.”

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

LUK NOU RÜYU KO AVEIBVÜ 3:6

alia maitya hrülainou Ramai vei khailu peiyu sü ngaolai!’”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 1:36

alia Jisu nou ta-a buyu sü ngaoloua puhnou paoe, “Zhukhaio, Ramai Zhaotu naye sü!”

JOHAN 4:22

Nelenou sümoyu nasü nelenou thowe; Ehwo Ehnou süyu naye thowe, daiolouzü khailu peiyu hai Jihudimai hinou ve.

EPHESAMAI 2:8

Daiolouzü zhuvea nou neletaoye lü vanou khailu peire; alia haisü lah neletao nou te-a soulouyu vanou moe, haisü Ramai vei sapeina baie—

PONGAOPEIYU 12:10

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

PONGAOPEIYU 19:1

Haithaisü rakivanou maisou alaovei pai-rao büyu kho alinou haibüa paoyu Enou choue, “Hallelujah! Khailu peiyu, adusho alia khoukosü Eletao Ramai veie!

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 22:3

Ramai acha ngaoa buyu hatalia nuhdu sühi sü bulaimoe. Ramai vei ea Zhaotu sünavei vebuh sü nuhdu sühinou bulai, alia puh kilai maitao nou puhye sü tholai.

PONGAOPEIYU 4:6

Alia vebuh süna nghojülo hisü leivavathou zhuzhu büyu zai ali bue. Vebuh sünaye sühaopoa, na-zhou, thai-jü hisü, thai-jü hi nghithou nou phoupfüa buyu hrikhaona adai bue.

PONGAOPEIYU 5:7

Zhaotu sünanou taloua vebuh süna vahi buyu mai süna bah zhoulo vanou larübvü sünasü poloure.