PONGAOPEIYU 6:17 - SHEEYU BAIBEL (BSI)

¹⁷ Daiolouzü ngaopi shoyu puhai vei rarouyu teithesü veloure, alia süna vei nghojü hisü thaohnou la-a buloulai?”

PONGAOPEIYU 6:17 Iomraidhean Croise

LOUTAO 110:5

Mapao hai ne bah zhoulova nou bue; puhnou lekha payu teithe zhousü, puhnou veo maitaoye sü souka sounghi khaiwulai.

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 76:7

Ana Mapaowo, neye sü mai hrülai nou ngaopi-e. Nenou rapayu phaki, mai linoua nevei nghoujü hinou la-a bulou hoe.

ISAIAH 63:4

Daiolouzü Enou avei maitaoye khailu peire teile sü vere, ae puletaoye ngaobayu maitaoye khüngu phoure teile-a vere.

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

JOEL 1:15

Iyaho! Mapao vei teithe sü nghitei tire, Khoukhoulai Mapao nou soushi souha laiyu teithe sü velaire.

JOEL 2:1

Zion hinou shabe sü nghoukhaio; Sheeyu avei deichi hinou pai ra peikhaio! Deisühi hrüa buyu mai hrülaiye pa pingu theo, daiolouzü Mapao vei teithesü velaire, haihai nghitei tire,

JOEL 2:11

Mapao nou puh reih mai hisü paowe, Daizhou dusa puh reih mesü; puhvei kharochi zümai hai khouko pfüshoe. Cheche vuzünou, Mapao vei teithe hai dushoe ae pishoe; hai thaonou healousü-e?

JOEL 2:31

Mapao vei khupayu ae ngaopi shoyu teithe vemojü hio, teinghi sü zhitalai, alia khouh hai zhe datalai,

NAHUM 1:6

Puh vei rarou nghoujü hi thaonou lalou süe? Souhyu puhvei lekha nasü thaonou healou süe? Puh lekha sü mei büa lakou peilai, alia puhnou chuhdu nasü dakhosa peilai.

MALAKAI 3:2

Ana puhnou veyu teithesü thaonou healou süe alia puh nghoujü thaonou lalou süe? Daiolouzü puh hai sousheeyu mei ae saoshiyu maivei sabon kuwe.

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

ROMMAI 2:5

Ana nevei le khouyu ea le dabayu lethou buyu donou ne sü lah nepei hi Ramai nou puhvei acheche chi kulaiyu pongao laiyu puhvei rarou Teithe ki donou Ramai vei rarou nasü podzü khaibaiwe.

JUD VEI SEIKO 1:6

Alia lah puletao vei buh hinou bumoa puletao vei chekhaoyu buh nasü thaowu-a tayu rakiva maitaoye sü puhnou Dushoyu Chikuyu Teithe süki koumo sasü hakhailai moyu hurainou phuloua khekou teizhi buh hi bekhaire.

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

1 SAMUEL 6:20

Süthaisü Beth Shemesh hi mainou paoe, “Thaonou Sheeyu Ramai Mapao nghoujü nou lalou süyu buge? Puhvei Vo Sübvü nasü thaohi seive peilaige?”