PONGAOPEIYU 6:12 - SHEEYU BAIBEL (BSI)

¹² Alia Zhaotu sünanou paoshee arou chena hapayu sü Enou ngaoe. Sükisü sühisü chihshoyu nü süloure, alia teinghisü teithou soumai sah kuloure, alia khousü teiteinou hothou zhe bü baire.

PONGAOPEIYU 6:12 Iomraidhean Croise

ISAIAH 24:23

Süthaisü khouh nou zhita bailai, ae teinghi-a vamo ta-a bailai, daiolouzü Khoukhoulai Mapao nou Jerusalem hi buyu Zion deichi vanou veo soua puhnou khosa-a hrülai, alia maikhe mainou puhvei khouko ava sü ngaolai.

ISAIAH 29:6

Khoukhoulai Mapao nou nüsüyu ae teisüyu teikhai teirü ashi alia mei nou taopoa ve neletaoye sü khailupa peilai.

ISAIAH 34:4

Rakiva buyu khouh teinghi ae teivu khesü dekou ta-a bailai, ae raki teidei sü larükao ali büa zhaota-a bailai, alia rakiva buyu teivu khesü darkhabe vanou moa doushibe vanou süünghou raitayu büa raita-a bailai.

ISAIAH 50:3

Enou ratei sü southou zhitei peiwua panou thaiyu maiye donou dopfüyu büa bulou süe.”

JOEL 2:10

Puletao nghoujü nou deiphao sü ngure, ratei-a shire. Teinghei alia khouh sü zhitare, alia vu hai-a vamo tare.

JOEL 3:15

Teinghi alia khouh sü zhitare, alia teivutao hai-a vamo tare.

AMOS 1:1

Tekoa nuhdu hinou zhaotu khowo, Amos vei chipao sü haihaie. Nüsü mojü po ahaikou, Judah hi Uzziah nou veo soua buki alia Israel hi Jehoash nahpoutu Jeroboam nou veo soua buki Ramai nou Israel maiye donou Amos hi chipao haitao hai süngao peie.

AMOS 8:9

Mapao Ramai nou paoe, “Süzhou teithe sü heako nou pa teinghi loutalai, alia hea teiva shoyu teile hinou pa teimai ta-a bailai.

ZEKHARIAH 14:5

Mapao vei deichi ahai soua dakho khaitouyu deikho hinou neletao nou turei paloulai. Judah hi veo Uzziah nou veo soua buki neletao puopao maitao nou nüsüyu phaki, tupa louyu büa panou neletao-a tupa loulai. Süthaisü Mapao, avei Ramai nou rakivamai hrülaiye sü saloua velai.

MATHIU 11:21

“Oh Korazin, neye donou daizhozhou ngaopisa! Oh Bethsaida, neye donou-a daizhozhou ngaopisa! Daiolouzü neletao hinou soukhai touyu khupa vah taosü Tair ea Sidon hinou soure toulouzü, sühi maikhemai taosü dao raikinou puletao le daloure touyu shee soungaore donou lousah ba-a lah puletao pei hi vounai bokhai bulaire!

MATHIU 24:29

“Veahoyu teithe sütao thaibü hisü teinghi-a zhitalai, khou-a vakhai laimoe, alia teivuh tao-a ratei hinou dekoulai, alia rateihi buyu khouko teitei-a puletao vei buh hinou huta bailai.

MATHIU 24:7

Daiolouzü teidei alinou teidei ali pei hi, alia vedei alinou vedei ali pei hi reih soulai, alia buh lihkinou tokaalai ea nüsülai.

MATHIU 27:45

Alia chuo heako teilecho kiahai hinou koukhe teilecho asü koute teidei teitei hisü maitei loure.

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 28:2

Alia zhukhaio, sühisü sükhai moa nü süsho loure; daiolouzü raki vanou Mapao vei rakivamai alinou takou loua chuh nasü phaoda laiwure, alia süphaonou kou buloure.

MARK 15:33

Alia heako teilecho kiahai tayu phakisü teidei teitei sü zhitei loure ea süsü koukhe teilecho asü koute zhikoue.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 16:18

Alia sühisü teipei vavayu, pairaotao, tei süyu pai, alia nü süshisho loure. Emaiye soushu rainou haibüa nüsüyu hai pakhai mohie; hainanou kukhe teitei jünou shikae!

PONGAOPEIYU 16:8

Süthaisü rakivamai adai chenanou puh paisü teinghi hi lakhaire, alia sünaye panou maikhe maiye puhvei meisounou chathyayu sü aetou peire.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.

PONGAOPEIYU 8:5

Sühinou rakivamai sünanou ha kainüveiyu meitaoyu bvü sünasü poloua süsü sheelabuh hi mei sünanou thouphouloua süsü deiphao hi polai koure; alia sühisü pairao ea teisüyu kho, tei peivavayu, alia nü süyu paloure.