PONGAOPEIYU 5:5 - SHEEYU BAIBEL (BSI)

⁵ Sühinou tsümaitao hrohinou mai alinou Ahi paoe, “Kraso, zhukhaio! Judah khühi Souveo, David vei Ma sünanou reih koloure, alia puhnou paoshee anaitaosü soukholoua larübvü nasü hapalou süre.”

PONGAOPEIYU 5:5 Iomraidhean Croise

2 PUOPAOKO 9:18

Vebuh hi taopare phiheadou arou soukhai toue, ae phihea dou ali hai sana nou khukhai toue. Vebuh hisü bah kayu ahai southou khaitoue ae souveo zhurai ahai— holo ali ae hailo ali tea southou khaitoue.

JOB VEI LARÜBVÜ 41:15

Puhvei phaosü rüh nou shoshosoua soukhaitoue, süsü dakhathou mutou khaitoua chuh büa khouwe.

ISAIAH 11:1

David vei veotya hai süübe ali vikhao khaitouyu raibüe; ana süübe hinou süübo lapayu büa David vei tyaosholea hinou veo mai ashu ali hrüvelai.

ISAIAH 11:10

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.

JEREMIAH 31:16

Neletao nou krayu sü baio ae neletao vei nghidzü sü southe-o. Neletao nou nahmai donou soupfüyu vah veishi sü panou buu ngaomoa talai moe; puletao sü ngaobayu maitao teidei hinou dakhai velai.

DANIEL 7:16

Buh sühinou la-a buyu mai ali hi Enou ngaoyu zho nasü daivanoue tea noue. Puhnou ahi Enou ngaoa buyu zho nasü daivanoue touyu paongao peie.

MAIPEI PHOUYU 24:9

Souveo ali büa tyahrü süna hai khouko bue; Puhnou dazüyu phaki, mai talia puhye sü soukai pi-e. Mai taralia Israel maiye ha peiyu maisü shiha peilai, ae mai talinoua Israel maiye chaa peiyu mai sü chaa ngaolai.”

LUK NOU RÜYU KO AVEIBVÜ 23:28

Ana Jisu nou puletao hi reiveloua paoe, “Jerusalem hi naotumaitao, Eye donou krawuso, ana neletao lah donou ea neletao vei nahmaitao donou kraloubaio.

LUK NOU RÜYU KO AVEIBVÜ 7:13

Alia Mapao nou puhye ngaolouyu kisü, puhnou puhye leshisho loua puh hi paoe, “Kraso.”

LUK NOU RÜYU KO AVEIBVÜ 8:52

Alia sühi buyu mai hrülaisü nahpai süna vanou kra-a ea kouli li-a bue. Ana Jisu nou paoe, “Kraso; daiolouzü puhsü thaimoe anou zhiwe!”

JOHAN 20:13

Puhainou puh hi noue, “Naotupai, daidonou ne krawe?” Puhnou puhai hi chila peie, “Puletao nou A Mapaoye potare, alia puletao nou puhye kahi pokhairesa touyu sü Enou sümoe.”

ROMMAI 1:3

Ko Avei haina sü puh Nahpoutu Eletao Mapao Jisu Khrista vanoue: vasou hilonou zhulai toulouzü, puh hai David tyaonah alisoua nakoue;

ROMMAI 15:12

Alia Isaiah nou paopue, “Jesse vei tyaonah ali velai; puhnou tave tahrüh kukhe maiye kha-sahrülai, alia puletao nou puh hinou rei-a bulai.”

EBRIAMAI 7:14

Daiolouzü Eletao Mapao hai Judah khü hinou ve-e touyu sü maikhe mainou sükhaiwe, alia Moses nou napaomaitao vanou chi paoyu kisü khü haina vanou halia paomoe.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe:

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 5:4

Larübvü süna hapalou süyu moa sühi zhuthoulou süyu maitalia ngaolou hoyu donou Esü krasho loure.

PONGAOPEIYU 6:1

Süthaisü Zhaotu sünanou paoshee anaitao hronou raikhana hapayu sü Enou ngaoe, alia hrikhaona adai hrohinou alinou teisüyu kho büa, “Tavelo!” tea paoyu pailisü Enou choue.

PONGAOPEIYU 7:13

Sükisü tsümaitao hronou alinou Ahi noue, “Zaokaa adutao noua buyu mai haitaosü thaoh-thaohmaie? Alia puletaosü daikinou ve-e?”