PONGAOPEIYU 5:13 - SHEEYU BAIBEL (BSI)

¹³ Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”

PONGAOPEIYU 5:13 Iomraidhean Croise

1 PUOPAOKO 29:11

Ne hai dusho-e ae khouko busho-e, veilouyu ae ngalouyu alia aduso nasü ne baie, daiolouzü raki ae deiphao buyu na teitei sü nevei baie. Vedei khesü nevei baie, ae ha teitei pei sü nenou khasa-a bubaie.

ISAIAH 24:14

Thaimoa nou shokhai touyu maitao nou sashoa nou lou soulai. Teinghi loulova hrüyu maitao nou Mapao ye daizhou due tea paosholai,

ISAIAH 42:10

Mapao hi lou ashu ali soukhaio, deiphao hi hrüyu mai hrülai puhye paosholo! Zai hinou ta-a buyu ae sühinou hrüa buyu veishi puhye paosho khaio, zai pehao hinou buyu mai hrülai ae kadou kounou hrüyu mai hrülai puhye lou sousho khaio!

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

LUK NOU RÜYU KO AVEIBVÜ 2:14

“Aku kulai raki hinou Ramaiye sholo, alia deiphao hinou puh züpa soua buyu maitao hrohisü kaonayu buloutheo!”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

ROMMAI 11:36

Daiolouzü puhnou na teitei soupeie, alia na teitei sü puh vanou ea puhye donou hriwe. Ramai puhye sü teisanou paosholou khaio! Amen.

ROMMAI 16:27

Likheithe tsü veibaiyu Ramai puh hisü, Jisu Khrista vanou teisanou paosholoutheo! Amen.

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

EPHESAMAI 3:21

Ramai puh hisü lüloumaime hinou ea Khrista Jisu hinou maikha teitei hinou teisanou paoshoyu souloutheo! Amen.

PHILIPPIMAI 2:10

Alia sübüa Jisu zhih hinou, rakivahi, deiphao hi ea deiphao khehi buyu mai hrülaisü kou khou khülai,

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

1 TIMOTHI 4:16

Nelah neye ea nevei doupeiyu hisü zhutoulo. Vah sütaosü thaokhaimoa soua bukhaio, daiolouzü nenou sübüa soua bulouzü, nenou nelah neye ea nechi kei-a buyu maitaoye khailu loulai.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.

1 PITAR 5:11

Teisanou khoukosü puhvei soulouwo! Amen.

JUD VEI SEIKO 1:25

Jisu Khrista vanou Eletao vei likhuyu Ramai, Khailu-apeio hisü, kathe, akukulai, khouko ea du-shosü daoraiki-a, chua ea akhai khailai koutea souloutheo! Amen.

PONGAOPEIYU 1:6

alia Puo ea puh Ramaiye kuvah soure donou puhnou Eletaoye sü panou napaomai taovei vedei ali souloure. Jisu Khrista hisü teisanou adusho ea khouko buyu sü souloutheo! Amen.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.

PONGAOPEIYU 5:12

alia haibüa pai kushoa lou soue: “Southeawuyu Zhaotu puhsü khouko, kini, ratsü, khou-chihyu, tsükhouyu, adusho, alia paoshoyu sü ngaozüdoue!”

PONGAOPEIYU 5:3

Ana rakihi-a, deiphao hi-a moa deikhehi-a larübvü sünasü hapalou süyu mo-a sühi zhuthoulou süyu maitalia hare.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.

PONGAOPEIYU 6:16

Puletao nou deichitao ea chuhlea taohi paoe, “Eletao pei hi pokouloua Ehye sü vebuh hi buyu puh nghojünou ea Zhaotu sünavei rarouyu hinou pokupeio!