PONGAOPEIYU 5:11 - SHEEYU BAIBEL (BSI)

¹¹ Süthai-a Enou zhukhaie, alia Enou rakivamai thethe ea zzü zzü paisü chouwe! Puletao sü vebuh süna, hrikhaona sütao ea tsümai sütaoye sühao poa la-a bue,

PONGAOPEIYU 5:11 Iomraidhean Croise

1 VEMAITO 22:19

Mikaiah nou haibüa paopue, “Mapao nou paoyu chi sü keilo! Rakiva nou Mapao sü puhvei vebuh hi bue, ae rakivamaitao nou puhye sühao poa buyu sü Enou ngao-e.

LOUTAO 103:20

Khouko pfüshoa buyu rakiva maitaore, Mapao ye paosholo, puhvei kharochi züa buyu maitao, Mapao ye paosholo!

LOUTAO 148:2

Rakivamai hrülai, puhye paosholo, puhvei reihmai hrülai, puhye paosholo.

LOUTAO 68:17

Rheiluki thethe pfüa nou Mapao hai Sinai deichi hinou sheeyu buh hisü velai.

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

PAODAKHAIYU CHIKHA 33:2

Mapao hai Sinai Deichi vanou ve-e; Puh hai teinghi payu büa Edom hinou pa-e, ae Paran Deichi vanou puhvei maitao hi vangao peie. Puhnou rakivamai thekirouye sü sa-a ve-e, puh bah zhoulo hisü mei taotutu-a bue.

EBRIAMAI 12:22

Ana neletaowo Zion Deichi ea hriyu Ramai vei nuhdu, rakivamai thethe buyu rakiva Jerusalem hi tave louloure.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 4:6

Alia vebuh süna nghojülo hisü leivavathou zhuzhu büyu zai ali bue. Vebuh sünaye sühaopoa, na-zhou, thai-jü hisü, thai-jü hi nghithou nou phoupfüa buyu hrikhaona adai bue.

PONGAOPEIYU 5:14

Sükisü hrikhaona adaitao nou chila peie, “Amen!” Alia tsümaitao nou deiphinou kou kaoloua khurü loure.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 7:11

Alia rakivamaitao hrülainou vebuh süna tsümaitao ea hrikhaona adai sütao pe hinou lasühao-a bue, alia puletao pahsü vebuh süna nghojü hi pfüshou kouloua Ramaiye tho-a,

PONGAOPEIYU 9:16

Rhei reihmaitao vei maipei kazhousa touyu sü Ahi paongao peie; süsü zzü thehaie.