PONGAOPEIYU 4:9 - SHEEYU BAIBEL (BSI)

⁹ Alia hrikhaona sütaonou teisanou hria vebuh hinou buyu puh hi adusho, tsükhouyu ea kalo pao-a lou souyu tsühsü,

PONGAOPEIYU 4:9 Iomraidhean Croise

LOUTAO 47:8

Ramai hai puhvei sheeyu vebuh hinou bue; puhnou tyahrü hrülai pei hinou khasa-a nou bue.

LOUTAO 48:14

“Ramai haina hai teisa nou Etao vei Ramai nasü soulai; vere teile veishi hia puhnou Etaoye süthaisa-a tapeilai.”

TAPALOUYU 15:18

Mapao nou teisa sü Veo soua sa-a nou hrülai.”

ISAIAH 6:1

Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 4:34

“Po anai cheyu teithe zhousü, Nebukhadnezzar, Enou rakiva hi nghithou hepa zhue, alia avei tsü sü ahi dakhai veloue. Enou Kukulai hi Abuwo, teisa nou hria buyu Ramai ye tsükhoue ae Puhye paoshowe. Puhnou teisa adu-so nasü soua hrülai, alia puhvei vedei hai akhai touyu hae.

PAODAKHAIYU CHIKHA 32:40

Abah sü rakiva lapaloua Enou chaachou souwe, süolouzü E hai teisa hria buyu Ramai donou,

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

EBRIAMAI 7:8

Napaomaitao veiwo louzü zha kiruo vei ali nasü thaire maitao nou khaloue; ana Melkizedek donou louzü zha kiruo vei ali nasü sheeyu larübvü hinou paoyu kua hria buyu puhnou khaloue.

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 10:6

alia raki, deiphao, zai ea sütaohi buyu na teiteiye soupeiyu, teisanou hria buyu Ramai puh zhih sü kua puhnou chachouli soue. Rakivamai sünanou haibüa paoe, “Sühisü chaopuyu soukhai laimoe!

PONGAOPEIYU 15:7

Sükisü hrikhaona adai hrohinou alinou teisa nou hria buyu Ramai vei rarou nou phoutsü poa buyu sana pai anaitao sü popa rakivamai anaitao hi peie.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.

PONGAOPEIYU 6:16

Puletao nou deichitao ea chuhlea taohi paoe, “Eletao pei hi pokouloua Ehye sü vebuh hi buyu puh nghojünou ea Zhaotu sünavei rarouyu hinou pokupeio!

PONGAOPEIYU 7:15

Südonou puletaosü Ramai vei vebuh nghojünou la-a bue ea kheihea nou puletao nou puhye sü puhvei rathoki hinou kuvah sou a bue. Vebuh hi buyu puhnou puh bahnou puletaoye sü hopeilai.